Hazarly-2 täze gaz guýusy Lebap welaýatynyň gaz çykaryş kuwwatyny berkidýär
16:48 24.12.2025 3750
Lebap welaýatynda “Lebapgazçykaryş” müdirligi tarapyndan täze gurlan “Hazarly–2” gaz guýusynyň senagat taýdan özleşdirmek işleri başlandy diýip, Türkmenistan Halkara habarlar portaly habar berýär.
Burawlaýyş işleri “Türkmengeologiýa” döwlet korporasiýasynyň “Marynebitgazgözleg” ekspedisiýasynyň hünärmenleri tarapyndan ýerine ýetirildi. Guýy “Böwrideşik” gaz ýatagynyň golaýyndaky geljegi uly bolan "Hazarly" meýdançasynda ýerleşýär we bu ýerdäki ilkinji önüm beriji nokat boldy.
Täze guýynyň taslama kuwwaty gije-gündizde 120 müň kubmetr tebigy gaza deňdir. Bu bolsa ýurduň içinde we daşary ýurtlarda uly isleg bildirilýän ekologiýa taýdan arassa ýangyjyň çykarylyşyny artdyrmak üçin goşmaça mümkinçilikleri döredýär.
Müdirligiň önümçilik görkezijileri durnukly ösüşi görkezýär.Şu ýylyň 11 aýynyň dowamynda gaz çykarmak boýunça meýilnama 101%-den gowrak ýerine ýetirildi we 8,516 mlrd kub metr gaz alyndy. Ýylyň ahyryna çenli bu görkezijiniň 9,3 mlrd kub metre ýetmegine garaşylýar.
Hasabat döwründe 28 039 tonna gaz kondensaty alyndy, bu bolsa meýilnamadan 2 235 tonna artykdyr.
Tebigy gazyň eksport göwrümi meýilnamadan tas 41% ýokary boldy. Bu bolsa daşary ýurtly sarp edijilere goşmaça 1,38 mlrd kub metr gazyň ugradylandygyny aňladýar.
Ýylyň başyndan bäri müdirligiň gaz çykaryjy kärhanalary jemi 20,908 mlrd kub metr gaz çykaryp, ýurduň ykdysady kuwwatynyň berkidilmegine uly goşant goşdular.
Türkmenistan Hazarda ekologiýa howpsuzlygy boýunça Hazarýaka döwletleriniň ýolbaşçylarynyň ýörite sammitini geçirmegi teklip etdi
Türkmenistanyň ýolbaşçylygy derwaýys meseleleri ara alyp maslahatlaşmak we Hazarda ekologiýa howpsuzlygyny üpjün etmek boýunça işleri güýçlendirmek maksady bilen, Hazarýaka döwletleriniň ýolbaşçylarynyň ýörite sammitini geçirmek baradaky başlangyjy beýan etdi.
Türkmenistanyň we Russiýa Federasiýasynyň daşary işler ministrleri hyzmatdaşlygyň ileri tutulýan ugurlaryny maslahatlaşdylar
25-nji iýunda Türkmenistanyň Daşary işler ministrliginde Türkmenistanyň daşary işler ministri R.Ö.Meredow bilen Aşgabat şäherine sapar bilen gelen Russiýa Federasiýasynyň daşary işler ministri S.W.Lawrowyň arasynda duşuşyk geçirildi diýip, DIM-niň saýtynda habar berilýär.
OPEK 2023-nji we 2024-nji ýyllar üçin nebite islegiň ösüş çaklamasyny saklap galdy
2023-nji ýylda nebite bolan isleg 2022-nji ýyldaka garanda günde 2,44 mln barrel artyp — günde 102,01 mln barrele ýeter, 2024-nji ýylda bolsa ýene-de 2,25 b/g artyp — 104,25 mln b/g ýeter. Şeýle çaklamalar OPEK-iň aýlyk hasabynda getirilýär diýip, Interfaks habar berýär. Şeýlelikde, gurama geçen aýda edilen çaklamalaryny saklap galdy.
Azerbaýjan Türkmenistanyň sargydy boýunça suwasty turbageçiriji çekdi
«Azerbaýjan hazar deňzi gämiçili» (ASCO) ÝGPJ degişli bolan «Suleýman Wezirow» gämi-turba geçiriji Hazar deňzinde Lam and Zhdanov nebit käninde suwasty turba geçirijiniň gurluşygyny tamamlady. Işler Türkmenistanyň sargydy boýunça ýerine ýetirildi diýip, ASCO-nyň metbugat gullugy habar berýär.
Nebit RF-niň ABŞ-a ibermelerini togtatmak mümkinçiligi zerarly barreli üçin 139 dollara çenli ýokarlandy
Duşenbe güni nebit barreli üçin 140 dollara çenli ýetip, 2008-nji ýyldan bäri iň ýokary derejesine çykdy. Bu ýagdaý ABŞ-nyň Russiýanyň importyna gadaganlyk goýmak mümkinçiliginiň netijesinde ýüze çykdy, diýip Interfaks habar berýär.