«Döwletabatgazçykaryş» müdirligi innowasiýalaryň hasabyna gaz çykaryşyň möçberini artdyrýar
18:18 25.12.2025 3419
Ahal welaýatynyň Sarahs etrabynda iş alyp barýan «Döwletabatgazçykaryş» müdirligi Türkmenistanyň gaz pudagynyň öňdebaryjylarynyň biri hökmünde öz ornuny tassyklady. Türkmenistan Halkara habarlar merkeziniň habar bermegine görä, kärhana 2025-nji ýylyň 11 aýynyň jemleri boýunça tebigy gazyň we kondensatyň çykarylyşynda durnukly ösüş görkezdi.
Ýokary görkezijilere önümçiligiň düýpli döwrebaplaşdyrylmagy netijesinde ýetildi. Kände çig maly taýýarlamagyň köp basgançakly ulgamy ornaşdyryldy: guýulardaky ilkinji arassalaýyş işlerinden başlap, baş desgalarda gazy çuňňur gaýtadan işlemäge we guratmaga çenli ähli tapgyrlar öz içine alynýar. Bu bolsa önümiň magistral gaz geçirijilerine ugradylmazdan ozal dünýä standartlaryna laýyk gelmegini kepillendirýär.
Üstünligiň esasy faktory tehniki binýadyň täzelenmegi boldy. Ýük göterijiligi 180 tonna bolan aşa güýçli buraw desgasynyň ulanylmagy «Türkmengaz» döwlet konserniniň hünärmenlerine çuňlugy 5 müň metre çenli bolan 30-a golaý guýuda düýpli abatlaýyş işlerini geçirmäge mümkinçilik berdi. Tehniki näsazlyklaryň netijeli aradan garylmagy we guýularyň düýbüniň arassalanmagy öňki döwürlerde önümi azalan guýulary täzeden ulanmaga bermäge ýardam etdi.
«Döwletabatgazçykaryş» müdirliginiň agzybir işçi toparynyň zähmet üstünlikleri ýurduň eksport kuwwatyny giňeltmek we energetika garaşsyzlygyny berkitmek boýunça döwlet strategiýasynyň durnukly ýerine ýetirilmegini üpjün edýär.
Türkmenistan Hazarda ekologiýa howpsuzlygy boýunça Hazarýaka döwletleriniň ýolbaşçylarynyň ýörite sammitini geçirmegi teklip etdi
Türkmenistanyň ýolbaşçylygy derwaýys meseleleri ara alyp maslahatlaşmak we Hazarda ekologiýa howpsuzlygyny üpjün etmek boýunça işleri güýçlendirmek maksady bilen, Hazarýaka döwletleriniň ýolbaşçylarynyň ýörite sammitini geçirmek baradaky başlangyjy beýan etdi.
Türkmenistanyň we Russiýa Federasiýasynyň daşary işler ministrleri hyzmatdaşlygyň ileri tutulýan ugurlaryny maslahatlaşdylar
25-nji iýunda Türkmenistanyň Daşary işler ministrliginde Türkmenistanyň daşary işler ministri R.Ö.Meredow bilen Aşgabat şäherine sapar bilen gelen Russiýa Federasiýasynyň daşary işler ministri S.W.Lawrowyň arasynda duşuşyk geçirildi diýip, DIM-niň saýtynda habar berilýär.
OPEK 2023-nji we 2024-nji ýyllar üçin nebite islegiň ösüş çaklamasyny saklap galdy
2023-nji ýylda nebite bolan isleg 2022-nji ýyldaka garanda günde 2,44 mln barrel artyp — günde 102,01 mln barrele ýeter, 2024-nji ýylda bolsa ýene-de 2,25 b/g artyp — 104,25 mln b/g ýeter. Şeýle çaklamalar OPEK-iň aýlyk hasabynda getirilýär diýip, Interfaks habar berýär. Şeýlelikde, gurama geçen aýda edilen çaklamalaryny saklap galdy.
Azerbaýjan Türkmenistanyň sargydy boýunça suwasty turbageçiriji çekdi
«Azerbaýjan hazar deňzi gämiçili» (ASCO) ÝGPJ degişli bolan «Suleýman Wezirow» gämi-turba geçiriji Hazar deňzinde Lam and Zhdanov nebit käninde suwasty turba geçirijiniň gurluşygyny tamamlady. Işler Türkmenistanyň sargydy boýunça ýerine ýetirildi diýip, ASCO-nyň metbugat gullugy habar berýär.
Nebit RF-niň ABŞ-a ibermelerini togtatmak mümkinçiligi zerarly barreli üçin 139 dollara çenli ýokarlandy
Duşenbe güni nebit barreli üçin 140 dollara çenli ýetip, 2008-nji ýyldan bäri iň ýokary derejesine çykdy. Bu ýagdaý ABŞ-nyň Russiýanyň importyna gadaganlyk goýmak mümkinçiliginiň netijesinde ýüze çykdy, diýip Interfaks habar berýär.