Türkmen türgenleriniň dünýä derejesinde ýeňşi – milli buýsanjyň nyşany
13:34 27.12.2025 2153
Häzirki zaman sporty diňe bir adamyň fiziki taýýarlygynyň däl, eýsem onuň erk-isleginiň, häsiýetiniň durnuklylygynyň we ýokary maksatlara ýetmäge bolan ymtylyşynyň möhüm görkezijisidir. Häzirki döwürde sport işi döwletleriň halkara derejesindäki oňyn abraýyny kemala getirmekde, şeýle hem ýaşlary watançylyk we Watanyň öňündäki jogapkärçilik ruhunda terbiýelemekde möhüm orun eýeleýär. Bu ugurda halkara ýaryşlarynda ýurdumyzyň adyny mynasyp derejede tanadýan türkmen türgenleriniň gazanan üstünlikleri aýratyn ähmiýete eýedir.
Muňa aýdyň şaýatlyk eden waka Müsürde geçirilen Paralimpiýa oýunlarynda pauerlifting ugry boýunça bürünç medal gazanan «Türkmennebit» döwlet konserniniň Balkanabat nebit orta hünär okuw mekdebiniň talyby Muhammet Hojaýewiň üstünlikli çykyşydyr. Bu netije diňe bir türgeniň özi üçin däl, eýsem ýurdumyzyň tutuş sport jemgyýetçiligi üçin hem möhüm waka boldy.
Gazanylan ýeňiş sporty ösdürmäge, şol sanda saglyk mümkinçilikleri çäkli adamlary goldamaga gönükdirilen döwlet syýasatynyň yzygiderli häsiýete eýedigini görkezýär. Paralimpiýa hereketi bütin dünýäde deň mümkinçilikleri, ruhy berkligi we adamyň özüni durmuşa geçirmäge bolan ymtylyşyny alamatlandyrýar. Güýç talap edýän sport görnüşinde üstünlik gazanmak uzak möhletli we maksada gönükdirilen taýýarlygy, ýokary öz-özüňe gözegçiligi hem-de psihologik durnuklylygy talap edýär.
Okuw bilen işjeň sport durmuşy utgaşdyrýan Muhammet Hojaýew okuwyna we şahsy ösüşine jogapkärli çemeleşmegiň nusgasyny görkezýär. Ol hünär bilimini alýan wagty sportda ýokary netijeleri gazanmak bilen ýaşlar üçin maksada okgunlylygyň we zähmetsöýerligiň göreldesine öwrülýär.
Türkmenistanda döwlet syýasatynyň ileri tutulýan ugurlarynyň biri halkara derejesinde uly üstünlikleri gazanan türgenleri hemmetaraplaýyn goldamak bolup durýar. Şu nukdaýnazardan Türkmenistanyň Prezidenti Serdar Berdimuhamedow tarapyndan Muhammet Hojaýew 70 000 manat möçberinde pul baýragy bilen sylaglamak baradaky karar aýratyn üns merkezindedir. Bu sylag türgeniň bitiren hyzmatlarynyň ykrar edilýändigini, döwlet tarapyndan bildirilýän ynamy we geljekki üstünlikler üçin güýçli höweslendirmäni alamatlandyrýar.
Gahryman Arkadagymyz we Arkadagly Gahryman Serdarymyz tarapyndan köpçülikleýin we professional sporty ösdürmek, sagdyn hem-de sazlaşykly ösýän nesli kemala getirmek üçin döredilen şertler döwlet strategiýasynyň möhüm düzüm bölegi bolup, häzirki wagtda öz oňyn netijelerini berýär.
Gahryman Arkadagymyz: Türkmenistan bilen Tatarystanyň arasyndaky ikitaraplaýyn gatnaşyklar täze derejä çykdy
18-nji fewralda türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow ýurdumyza iş sapary bilen gelen Russiýa Federasiýasynyň Tatarystan Respublikasynyň Baştutany Rustam Minnihanow bilen duşuşdy. Bu barada TDH habar berýär.
Dünýä boýunça nebit ibermeleri iýul aýynda pandemiýadan soňky iň ýokary çägine ýetdi - HEA
OPEC+ ýurtlary tarapyndan nebit çykarylyşynyň artmagy, şeýle hem birnäçe sebitlerde tehniki hyzmat senagatynyň düýpli dikeldilmegi netijesinde dünýä boýunçe nebit ibermeleri iýul aýynda pandemiýadan soňky iň ýokary çägine ýetdi diýip, Interfaks Halkara energetika agentliginiň her aýlyk hasabatyna salgylanyp habar berýär.
Türkmenistanyň Prezidenti Tatarystanyň Baştutanyny Aşgabatda geçiriljek Halkara foruma çagyrdy
Prezident Serdar Berdimuhamedow Türkmenistana iş sapary bilen gelen Russiýa Federasiýasynyň Tatarystan Respublikasynyň Baştutany Rustam Minnihanow bilen duşuşygynda ony ýurdumyzyň hemişelik Bitaraplygynyň 30 ýyllygy mynasybetli geçiriljek foruma çagyrdy diýip, TDH habar berýär.
«Türkmennebit» DK ugurdaş gazyň köpçülikleýin ýitgisini azaltmaga ýykgyn edýär
«Türkmennebit» döwlet konserni Türkmenistanyň Lebap, Mary we Balkan welaýatlarynda nebit guýularyndan ugurdaş gazlaryny toplap, onuň köpçülikleýin ýitgisiniň öňüni almak ugrunda iş alyp barýar.
26-27-nji oktýabrda «Türkmenistanyň nebiti we gazy – 2022» XXVII Halkara maslahaty geçiriler
Aşgabatda 26-27-nji oktýabrda «Türkmenistanyň nebiti we gazy – 2022» XXVII Halkara maslahaty geçiriler. Forumyň guramaçylary hökmünde «Türkmengaz» we «Türkmennebit» döwlet konsernleri hem-de «Türkmengeologiýa» döwlet korporasiýasy GaffneyCline britan kompaniýasynyň goldawynda «Turkmen Forum» HJ bilen hyzmatdaşlykda çykyş edýärler diýip, guramaçylaryň saýtynda bellenilýär.