“Türkmennebitönümleri” Aşgabatda işgärleriniň çagalary üçin Täze ýyl baýramçylygyny gurady
00:50 01.01.2026 3075
“Türkmennebit” döwlet konserniniň “Türkmennebitönümleri” Baş müdirliginiň Jemagat hojalygy kärhanasy işgärleriniň çagalary üçin giň gerimli baýramçylyk çäresini gurnady. Dabara «Ýyldyz» medeni-dynç alyş merkezinde geçirildi.
Körpeler üçin A.S.Puşkin adyndaky döwlet rus drama teatrynyň artistleriniň we Türkmenistanyň Döwlet sirkiniň gözbagçylarynyň gatnaşmagynda şüweleňli we şowhunly programma taýýarlanyldy. Çagalar Aýaz baba we Garpamyk bilen baýramçylyk tanslaryny ýerine ýetirdiler, tansly fleşmoblara we interaktiw oýunlara gatnaşdylar.
Baýramçylyk maksatnamasy tamamlanandan soň, kärhananyň hünärmenler birleşiginiň komiteti çagalar we olaryň ene-atalary üçin furşet gurady. Körpelere Täze ýyl sowgatlary berildi. Bu barada turkmennebit.gov.tm saýty habar berýär.
Türkmenistan Hazarda ekologiýa howpsuzlygy boýunça Hazarýaka döwletleriniň ýolbaşçylarynyň ýörite sammitini geçirmegi teklip etdi
Türkmenistanyň ýolbaşçylygy derwaýys meseleleri ara alyp maslahatlaşmak we Hazarda ekologiýa howpsuzlygyny üpjün etmek boýunça işleri güýçlendirmek maksady bilen, Hazarýaka döwletleriniň ýolbaşçylarynyň ýörite sammitini geçirmek baradaky başlangyjy beýan etdi.
Türkmenistanyň we Russiýa Federasiýasynyň daşary işler ministrleri hyzmatdaşlygyň ileri tutulýan ugurlaryny maslahatlaşdylar
25-nji iýunda Türkmenistanyň Daşary işler ministrliginde Türkmenistanyň daşary işler ministri R.Ö.Meredow bilen Aşgabat şäherine sapar bilen gelen Russiýa Federasiýasynyň daşary işler ministri S.W.Lawrowyň arasynda duşuşyk geçirildi diýip, DIM-niň saýtynda habar berilýär.
OPEK 2023-nji we 2024-nji ýyllar üçin nebite islegiň ösüş çaklamasyny saklap galdy
2023-nji ýylda nebite bolan isleg 2022-nji ýyldaka garanda günde 2,44 mln barrel artyp — günde 102,01 mln barrele ýeter, 2024-nji ýylda bolsa ýene-de 2,25 b/g artyp — 104,25 mln b/g ýeter. Şeýle çaklamalar OPEK-iň aýlyk hasabynda getirilýär diýip, Interfaks habar berýär. Şeýlelikde, gurama geçen aýda edilen çaklamalaryny saklap galdy.
Azerbaýjan Türkmenistanyň sargydy boýunça suwasty turbageçiriji çekdi
«Azerbaýjan hazar deňzi gämiçili» (ASCO) ÝGPJ degişli bolan «Suleýman Wezirow» gämi-turba geçiriji Hazar deňzinde Lam and Zhdanov nebit käninde suwasty turba geçirijiniň gurluşygyny tamamlady. Işler Türkmenistanyň sargydy boýunça ýerine ýetirildi diýip, ASCO-nyň metbugat gullugy habar berýär.
Nebit RF-niň ABŞ-a ibermelerini togtatmak mümkinçiligi zerarly barreli üçin 139 dollara çenli ýokarlandy
Duşenbe güni nebit barreli üçin 140 dollara çenli ýetip, 2008-nji ýyldan bäri iň ýokary derejesine çykdy. Bu ýagdaý ABŞ-nyň Russiýanyň importyna gadaganlyk goýmak mümkinçiliginiň netijesinde ýüze çykdy, diýip Interfaks habar berýär.