TNGIZT 2025-nji ýylyň 11 aýynda sarp edijilere 1,3 million tonnadan gowrak benzin ugratdy
16:26 08.01.2026 2106
«Türkmennebit» döwlet konserniniň Türkmenbaşydaky nebiti gaýtadan işleýän zawodlar toplumy (TNGIZT) sarp edijileri ýokary hil standartlaryna laýyk gelýän awtomobil ýangyjynyň dürli görnüşleri bilen durnukly üpjün edýär.
2025-nji ýylyň 11 aýynyň dowamynda kärhananyň hünärmenleri tarapyndan dürli kysymly ýokary hilli benziniň 1 million 345 müň tonna golaýy öndürildi we sarp edijilere ugradyldy diýip, turkmennebit.gov.tm saýty habar berýär.
Yzygiderli döwrebaplaşdyrylýan we täze önümçilik desgalary bilen enjamlaşdyrylýan zawodlar toplumy kerosin we dizel ýangyjy, mazut we polipropilen, çalgy ýaglary we nebit koksy, nebit bitumy we suwuklandyrylan gaz ýaly önümleriň öndürilişinde hem ýokary netijeleri görkezdi.
TNGIZT-de uglewodorod çig malyndan alynýan önümler dünýäniň ýokary hil standartlaryna doly jogap berýär.
Umuman alanyňda, hasabat döwrüniň dowamynda zawodlar toplumynda 4 million 506 müň tonnadan gowrak nebit gaýtadan işlenildi. Bu görkeziji meýilleşdirilen meýilnamadan 6,7 göterim ýokarydyr.
Gahryman Arkadagymyz: Türkmenistan bilen Tatarystanyň arasyndaky ikitaraplaýyn gatnaşyklar täze derejä çykdy
18-nji fewralda türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow ýurdumyza iş sapary bilen gelen Russiýa Federasiýasynyň Tatarystan Respublikasynyň Baştutany Rustam Minnihanow bilen duşuşdy. Bu barada TDH habar berýär.
Dünýä boýunça nebit ibermeleri iýul aýynda pandemiýadan soňky iň ýokary çägine ýetdi - HEA
OPEC+ ýurtlary tarapyndan nebit çykarylyşynyň artmagy, şeýle hem birnäçe sebitlerde tehniki hyzmat senagatynyň düýpli dikeldilmegi netijesinde dünýä boýunçe nebit ibermeleri iýul aýynda pandemiýadan soňky iň ýokary çägine ýetdi diýip, Interfaks Halkara energetika agentliginiň her aýlyk hasabatyna salgylanyp habar berýär.
Türkmenistanyň Prezidenti Tatarystanyň Baştutanyny Aşgabatda geçiriljek Halkara foruma çagyrdy
Prezident Serdar Berdimuhamedow Türkmenistana iş sapary bilen gelen Russiýa Federasiýasynyň Tatarystan Respublikasynyň Baştutany Rustam Minnihanow bilen duşuşygynda ony ýurdumyzyň hemişelik Bitaraplygynyň 30 ýyllygy mynasybetli geçiriljek foruma çagyrdy diýip, TDH habar berýär.
«Türkmennebit» DK ugurdaş gazyň köpçülikleýin ýitgisini azaltmaga ýykgyn edýär
«Türkmennebit» döwlet konserni Türkmenistanyň Lebap, Mary we Balkan welaýatlarynda nebit guýularyndan ugurdaş gazlaryny toplap, onuň köpçülikleýin ýitgisiniň öňüni almak ugrunda iş alyp barýar.
26-27-nji oktýabrda «Türkmenistanyň nebiti we gazy – 2022» XXVII Halkara maslahaty geçiriler
Aşgabatda 26-27-nji oktýabrda «Türkmenistanyň nebiti we gazy – 2022» XXVII Halkara maslahaty geçiriler. Forumyň guramaçylary hökmünde «Türkmengaz» we «Türkmennebit» döwlet konsernleri hem-de «Türkmengeologiýa» döwlet korporasiýasy GaffneyCline britan kompaniýasynyň goldawynda «Turkmen Forum» HJ bilen hyzmatdaşlykda çykyş edýärler diýip, guramaçylaryň saýtynda bellenilýär.