Türkmenistanyň Prezidenti 2026-njy ýylda milli ykdysadyýetiň pudaklaryny ösdürmegiň meýilnamalaryny tassyklady
16:59 13.01.2026 3535
Prezident Serdar Berdimuhamedow 9-njy ýanwarda geçirilen 2026-njy ýylyň ilkinji Ministrler Kabinetiniň mejlisinde milli ykdysadyýetiň esasy pudaklaryny ösdürmek boýunça hödürlenen meýilnamalary tassyklady diýip, TDH habar berýär.
Bellenilişi ýaly, maliýe pudagynyň meýilnamalarynda bank ulgamyna sanly tehnologiýalary giňden ornaşdyrmak, hususy telekeçiligi goldamak we döwlet emlägini dolandyrmagy kämilleşdirmek göz öňünde tutulýar. Ykdysadyýetiň hususy pudagyny karzlaşdyrmaga we önümçilik kuwwatlyklarynyň netijeliligini seljermäge aýratyn üns berler.
Nebitgaz toplumynyň 2026-njy ýyldaky ileri tutulýan wezipeleriniň hatarynda şular bar – “Galkynyş” ägirt uly gaz känini özleşdirmegiň nobatdaky tapgyrlaryna başlamak; Türkmenistan–Owganystan–Pakistan–Hindistan (TOPH) gaz geçirijisiniň "Arkadagyň ak ýoly" diýlip atlandyrylýan Serhetabat–Hyrat böleginiň gurluşygyny üstünlikli dowam etdirmek girýär.
Gurluşyk toplumy Aşgabat şäherinde täze desgalary gurmaga we ýol düzümini döwrebaplaşdyrmaga gönükdiriler.
Obasenagat toplumynda pagtaçylykda we däneçilikde innowasion usullary ornaşdyrmak meýilleşdirilýär. Döwlet Baştutany suw serişdelerini tygşytly ulanmaga hem-de meşhur ahalteke bedewleriniň baş sanyny köpeltmäge aýratyn üns bermegi tabşyrdy.
Ulag we aragatnaşyk ulgamynda 2026-njy ýylda täze demir ýol menzillerini, deňiz gämilerini gurmak, teplowozlary we wagonlary abatlamak göz öňünde tutulýar. Prezident halkara ulag geçelgeleriniň işini giňeltmegiň, üstaşyr gatnawlar üçin amatly şertleri döretmegiň we olaryň möçberini artdyrmagyň möhümdigini belledi.
Daşary syýasat strategiýasynyň esasy ugurlarynyň hatarynda - BMG-niň Baş Assambleýasynyň 80-nji sessiýasynyň çäginde Türkmenistanyň başlangyçlaryny durmuşa geçirmek; Bütindünýä Söwda Guramasy (BSG) bilen hyzmatdaşlyk we Halkara Energetika Agentligi bilen gatnaşyklary berkitmek; Ýurduň Ýewraziýanyň iň iri logistik habyna öwrülmegi üçin halkara ulag geçelgelerini ösdürmek göz öňünde tutulýar.
Bilim ulgamynda esasy üns ýaşlary ýokary tehnologiýalar ugruna çekmäge we amaly innowasiýalary ösdürmäge gönükdiriler.
2026-njy ýyl ýubileý ýyly bolar — Türkmenistan Garaşsyzlygynyň 35 ýyllygyny dabaraly bellär. Şunlukda, halkara forumlary geçirmek, Ýüpek ýolunyň ugrundaky ýadygärlikleri dikeltmek we ÝUNESKO-nyň Bütindünýä mirasynyň sanawyna täze gymmatlyklary hödürlemek meýilleşdirilýär.
Türkmenistan Hazarda ekologiýa howpsuzlygy boýunça Hazarýaka döwletleriniň ýolbaşçylarynyň ýörite sammitini geçirmegi teklip etdi
Türkmenistanyň ýolbaşçylygy derwaýys meseleleri ara alyp maslahatlaşmak we Hazarda ekologiýa howpsuzlygyny üpjün etmek boýunça işleri güýçlendirmek maksady bilen, Hazarýaka döwletleriniň ýolbaşçylarynyň ýörite sammitini geçirmek baradaky başlangyjy beýan etdi.
Türkmenistanyň we Russiýa Federasiýasynyň daşary işler ministrleri hyzmatdaşlygyň ileri tutulýan ugurlaryny maslahatlaşdylar
25-nji iýunda Türkmenistanyň Daşary işler ministrliginde Türkmenistanyň daşary işler ministri R.Ö.Meredow bilen Aşgabat şäherine sapar bilen gelen Russiýa Federasiýasynyň daşary işler ministri S.W.Lawrowyň arasynda duşuşyk geçirildi diýip, DIM-niň saýtynda habar berilýär.
OPEK 2023-nji we 2024-nji ýyllar üçin nebite islegiň ösüş çaklamasyny saklap galdy
2023-nji ýylda nebite bolan isleg 2022-nji ýyldaka garanda günde 2,44 mln barrel artyp — günde 102,01 mln barrele ýeter, 2024-nji ýylda bolsa ýene-de 2,25 b/g artyp — 104,25 mln b/g ýeter. Şeýle çaklamalar OPEK-iň aýlyk hasabynda getirilýär diýip, Interfaks habar berýär. Şeýlelikde, gurama geçen aýda edilen çaklamalaryny saklap galdy.
Azerbaýjan Türkmenistanyň sargydy boýunça suwasty turbageçiriji çekdi
«Azerbaýjan hazar deňzi gämiçili» (ASCO) ÝGPJ degişli bolan «Suleýman Wezirow» gämi-turba geçiriji Hazar deňzinde Lam and Zhdanov nebit käninde suwasty turba geçirijiniň gurluşygyny tamamlady. Işler Türkmenistanyň sargydy boýunça ýerine ýetirildi diýip, ASCO-nyň metbugat gullugy habar berýär.
Nebit RF-niň ABŞ-a ibermelerini togtatmak mümkinçiligi zerarly barreli üçin 139 dollara çenli ýokarlandy
Duşenbe güni nebit barreli üçin 140 dollara çenli ýetip, 2008-nji ýyldan bäri iň ýokary derejesine çykdy. Bu ýagdaý ABŞ-nyň Russiýanyň importyna gadaganlyk goýmak mümkinçiliginiň netijesinde ýüze çykdy, diýip Interfaks habar berýär.