TNGIZT 2025-nji ýylda 4,9 mln tonna nebiti gaýtadan işledi
14:56 22.01.2026 1880
«Türkmennebit» döwlet konserniniň Türkmenbaşydaky nebiti gaýtadan işleýän zawodlar toplumynyň işgärleri 2025-nji ýyly ýokary önümçilik görkezijileri bilen jemlediler.
Geçen ýylyň dowamynda Türkmenbaşydaky zawodyň hünärmenleri uglewodorod çig malyny gaýtadan işlemekde we ýokary hilli nebit önümlerini öndürmekde uly netijelilik görkezdiler.
Geçen ýyl toplumyň kärhanalaryna turbalar we deňiz ýoly arkaly jemi 4 million 955 müň 700 tonna nebit gelip gowuşdy we gaýtadan işlenildi. Bu görkeziji öňki ýyl bilen deňeşdirilende 107,9% ösüşi aňladýar.
Geçen ýylyň dowamynda öndürilen önümleriň möçberi:
· Benzin: 1 484 900 tonna;
· Kerosin: 434 müň tonna;
· Dizel ýangyjy: 1 539 800 tonna;
· Suwuklandyrylan gaz: 124 200 tonna;
· Polipropilen: 57 600 tonna;
· Çalgy ýaglary: 54 100 tonna;
· Nebit bitumy: 458 400 tonna.
Döwrebap senagat kärhanasy iş depginini yzygiderli ýokarlandyrmagy dowam etdirýär. Toplumyň ähli tehnologik tapgyrlarynyň doly awtomatlaşdyrylandygy hünärmenlere we işçilere bellenilen önümçilik meýilnamalaryny üstünlikli ýerine ýetirmäge we artygy bilen berjaý etmäge mümkinçilik berýär. Bu barada turkmennebit.gov.tm saýtynda habar berilýär.
Gahryman Arkadagymyz: Türkmenistan bilen Tatarystanyň arasyndaky ikitaraplaýyn gatnaşyklar täze derejä çykdy
18-nji fewralda türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow ýurdumyza iş sapary bilen gelen Russiýa Federasiýasynyň Tatarystan Respublikasynyň Baştutany Rustam Minnihanow bilen duşuşdy. Bu barada TDH habar berýär.
Dünýä boýunça nebit ibermeleri iýul aýynda pandemiýadan soňky iň ýokary çägine ýetdi - HEA
OPEC+ ýurtlary tarapyndan nebit çykarylyşynyň artmagy, şeýle hem birnäçe sebitlerde tehniki hyzmat senagatynyň düýpli dikeldilmegi netijesinde dünýä boýunçe nebit ibermeleri iýul aýynda pandemiýadan soňky iň ýokary çägine ýetdi diýip, Interfaks Halkara energetika agentliginiň her aýlyk hasabatyna salgylanyp habar berýär.
Türkmenistanyň Prezidenti Tatarystanyň Baştutanyny Aşgabatda geçiriljek Halkara foruma çagyrdy
Prezident Serdar Berdimuhamedow Türkmenistana iş sapary bilen gelen Russiýa Federasiýasynyň Tatarystan Respublikasynyň Baştutany Rustam Minnihanow bilen duşuşygynda ony ýurdumyzyň hemişelik Bitaraplygynyň 30 ýyllygy mynasybetli geçiriljek foruma çagyrdy diýip, TDH habar berýär.
«Türkmennebit» DK ugurdaş gazyň köpçülikleýin ýitgisini azaltmaga ýykgyn edýär
«Türkmennebit» döwlet konserni Türkmenistanyň Lebap, Mary we Balkan welaýatlarynda nebit guýularyndan ugurdaş gazlaryny toplap, onuň köpçülikleýin ýitgisiniň öňüni almak ugrunda iş alyp barýar.
26-27-nji oktýabrda «Türkmenistanyň nebiti we gazy – 2022» XXVII Halkara maslahaty geçiriler
Aşgabatda 26-27-nji oktýabrda «Türkmenistanyň nebiti we gazy – 2022» XXVII Halkara maslahaty geçiriler. Forumyň guramaçylary hökmünde «Türkmengaz» we «Türkmennebit» döwlet konsernleri hem-de «Türkmengeologiýa» döwlet korporasiýasy GaffneyCline britan kompaniýasynyň goldawynda «Turkmen Forum» HJ bilen hyzmatdaşlykda çykyş edýärler diýip, guramaçylaryň saýtynda bellenilýär.