«Eni Turkmenistan Limited» kompaniýasy bäsleşige gatnaşmak üçin arzalary kabul edip başlady
10:45 24.01.2026 2880
«Eni Turkmenistan Limited» kompaniýasy №10123191 belgili bäsleşige gatnaşmak üçin resminamalary kabul etmegiň deslapky tapgyrynyň başlandygyny habar berýär. Taslama enjamlary düýpli abatlamak boýunça hyzmatlary bermegi we zerur bolan ätiýaçlyk şaýlarynyň üpjünçiligini göz öňünde tutýar diýip, Turkmenportal neşiri habar berýär.
Has giňişleýin tehniki şertler, hünär talaplary we işleriň doly möçberi bäsleşik amallarynyň indiki tapgyrynda gatnaşyjylara aýan ediler.
Gatnaşmaga isleg bildirýän potratçylara kompaniýanyň şertnamalar we üpjünçilik bölüminiň mekan.allaberdyev@eni.com we aleksey.butenko@eni.com elektron salgylaryna resmi hat ugratmak arkaly öz gyzyklanmalaryny tassyklamak maslahat berilýär.
Arzalary kabul etmegiň iň soňky möhletini: 2026-njy ýylyň 30-njy ýanwary, ýerli wagt bilen sagat 23:59-a çenli.
«Biznes Türkmenistan» neşiriniň habar bermegine görä, «Eni Turkmenistan Limited» kompaniýasy 2008-nji ýyldan bäri ýurdumyzda iş alyp barýar. Ol Türkmenistanyň günbatar böleginde ýerleşýän «Nebitdag» şertnamalaýyn çägi boýunça Önümi paýlaşmak hakyndaky ylalaşygyň operatory hökmünde çykyş edýär. Geçen döwürde nebitiň umumy çykarylyşy 19,5 million tonnadan geçdi, taslamalara goýlan maýa goýumlaryň möçberi bolsa 2,4 milliard ABŞ dollaryndan gowrak boldy.
ENI kompaniýasy hyzmatlaryň giň gerimini hödürleýär: nebit we gaz gözlegleri hem-de çykarylyşy; elektrik energiýasyny öndürmek taslamalary (alternatiw energiýa çeşmeleri bilen birlikde).
Italiýanyň ENI (Ente Nazionale Idrocarburi) energetika kompaniýasy 1953-nji ýylda esaslandyryldy we häzirki wagtda dünýäniň iň iri nebitgaz korporasiýalarynyň hataryna girýär. Kompaniýa 37 ýurtda iş alyp barýar, ENI brendiniň önümleri bolsa 70 döwletiň bazarlarynda hödürlenýär.
Türkmenistan Hazarda ekologiýa howpsuzlygy boýunça Hazarýaka döwletleriniň ýolbaşçylarynyň ýörite sammitini geçirmegi teklip etdi
Türkmenistanyň ýolbaşçylygy derwaýys meseleleri ara alyp maslahatlaşmak we Hazarda ekologiýa howpsuzlygyny üpjün etmek boýunça işleri güýçlendirmek maksady bilen, Hazarýaka döwletleriniň ýolbaşçylarynyň ýörite sammitini geçirmek baradaky başlangyjy beýan etdi.
Türkmenistanyň we Russiýa Federasiýasynyň daşary işler ministrleri hyzmatdaşlygyň ileri tutulýan ugurlaryny maslahatlaşdylar
25-nji iýunda Türkmenistanyň Daşary işler ministrliginde Türkmenistanyň daşary işler ministri R.Ö.Meredow bilen Aşgabat şäherine sapar bilen gelen Russiýa Federasiýasynyň daşary işler ministri S.W.Lawrowyň arasynda duşuşyk geçirildi diýip, DIM-niň saýtynda habar berilýär.
OPEK 2023-nji we 2024-nji ýyllar üçin nebite islegiň ösüş çaklamasyny saklap galdy
2023-nji ýylda nebite bolan isleg 2022-nji ýyldaka garanda günde 2,44 mln barrel artyp — günde 102,01 mln barrele ýeter, 2024-nji ýylda bolsa ýene-de 2,25 b/g artyp — 104,25 mln b/g ýeter. Şeýle çaklamalar OPEK-iň aýlyk hasabynda getirilýär diýip, Interfaks habar berýär. Şeýlelikde, gurama geçen aýda edilen çaklamalaryny saklap galdy.
Azerbaýjan Türkmenistanyň sargydy boýunça suwasty turbageçiriji çekdi
«Azerbaýjan hazar deňzi gämiçili» (ASCO) ÝGPJ degişli bolan «Suleýman Wezirow» gämi-turba geçiriji Hazar deňzinde Lam and Zhdanov nebit käninde suwasty turba geçirijiniň gurluşygyny tamamlady. Işler Türkmenistanyň sargydy boýunça ýerine ýetirildi diýip, ASCO-nyň metbugat gullugy habar berýär.
Nebit RF-niň ABŞ-a ibermelerini togtatmak mümkinçiligi zerarly barreli üçin 139 dollara çenli ýokarlandy
Duşenbe güni nebit barreli üçin 140 dollara çenli ýetip, 2008-nji ýyldan bäri iň ýokary derejesine çykdy. Bu ýagdaý ABŞ-nyň Russiýanyň importyna gadaganlyk goýmak mümkinçiliginiň netijesinde ýüze çykdy, diýip Interfaks habar berýär.