Türkmenistan we UNESCAP hyzmatdaşlygy netijeli hyzmatdaşlygy mundan beýläk hem çuňlaşdyrmaga taýýarlygyny mälim etdiler
10:48 24.01.2026 2210
22-nji ýanwarda Türkmenistanyň daşary işler ministri Raşid Meredow BMG-niň Aziýa we Ýuwaş umman sebiti boýunça ykdysady we durmuş komissiýasynyň (UNESCAP) Ýerine ýetiriji sekretarynyň orunbasary Şombi Şarp bilen geçiren duşuşygynda hyzmatdaşlygyň ileri tutulýan ugurlaryny ara alyp maslahatlaşdy. Bu barada türkmen daşary syýasat edarasynyň saýtynda habar berilýär.
“Duşuşygyň dowamynda Türkmenistanyň ESCAP bilen hyzmatdaşlygynyň häzirki ýagdaýy we geljekki mümkinçilikleri ara alnyp maslahatlaşyldy. Türkmen tarapy hyzmatdaşlygyň ýokary derejesini nygtamak bilen, durnukly ösüş, ulag we energetika, tebigy betbagtçylyklaryň töwekgelçiligini azaltmak, şeýle hem SPECA-nyň çägindäki hyzmatdaşlyk ýaly ileri tutulýan ugurlar boýunça bilelikdäki işleriň netijelerine oňyn baha berdi” diýip, DIM habar berýär.
Türkmenistanyň 2030-njy ýyla çenli döwür üçin Durnukly ösüş boýunça Gün tertibini durmuşa geçirmäge, şeýle hem BMG-niň Ykdysady we durmuş geňeşiniň (ECOSOC) we degişli forumlarynyň işine işjeň gatnaşmaga ygrarlydygy bellenildi. Duşuşykda sanlylaşdyrma, kagyzsyz söwdany ösdürmek, «Bir penjire» ýörelgesini ornaşdyrmak, şeýle hem UNESCAP-yň institutlary bilen amaly hyzmatdaşlygy giňeltmek meselelerine aýratyn üns berildi.
Türkmen tarapy UNESCAP-yň ýurduň halkara we sebit başlangyçlaryny, şol sanda durnukly ösüşe we daşky gurşaw meseleleriniň, şol sanda Aral deňziniň howdany bilen baglanyşykly meseleleriň çözgüdine gönükdirilen çözgütleri goldaýandygy üçin hoşallyk bildirdi.
Duşuşygyň ahyrynda sebitiň durnukly ösüşiniň bähbidine Türkmenistanyň we UNESCAP-yň arasynda netijeli hyzmatdaşlygy mundan beýläk-de çuňlaşdyrmaga taýýarlyk tassyklanyldy.
Türkmenistan Hazarda ekologiýa howpsuzlygy boýunça Hazarýaka döwletleriniň ýolbaşçylarynyň ýörite sammitini geçirmegi teklip etdi
Türkmenistanyň ýolbaşçylygy derwaýys meseleleri ara alyp maslahatlaşmak we Hazarda ekologiýa howpsuzlygyny üpjün etmek boýunça işleri güýçlendirmek maksady bilen, Hazarýaka döwletleriniň ýolbaşçylarynyň ýörite sammitini geçirmek baradaky başlangyjy beýan etdi.
Türkmenistanyň we Russiýa Federasiýasynyň daşary işler ministrleri hyzmatdaşlygyň ileri tutulýan ugurlaryny maslahatlaşdylar
25-nji iýunda Türkmenistanyň Daşary işler ministrliginde Türkmenistanyň daşary işler ministri R.Ö.Meredow bilen Aşgabat şäherine sapar bilen gelen Russiýa Federasiýasynyň daşary işler ministri S.W.Lawrowyň arasynda duşuşyk geçirildi diýip, DIM-niň saýtynda habar berilýär.
OPEK 2023-nji we 2024-nji ýyllar üçin nebite islegiň ösüş çaklamasyny saklap galdy
2023-nji ýylda nebite bolan isleg 2022-nji ýyldaka garanda günde 2,44 mln barrel artyp — günde 102,01 mln barrele ýeter, 2024-nji ýylda bolsa ýene-de 2,25 b/g artyp — 104,25 mln b/g ýeter. Şeýle çaklamalar OPEK-iň aýlyk hasabynda getirilýär diýip, Interfaks habar berýär. Şeýlelikde, gurama geçen aýda edilen çaklamalaryny saklap galdy.
Azerbaýjan Türkmenistanyň sargydy boýunça suwasty turbageçiriji çekdi
«Azerbaýjan hazar deňzi gämiçili» (ASCO) ÝGPJ degişli bolan «Suleýman Wezirow» gämi-turba geçiriji Hazar deňzinde Lam and Zhdanov nebit käninde suwasty turba geçirijiniň gurluşygyny tamamlady. Işler Türkmenistanyň sargydy boýunça ýerine ýetirildi diýip, ASCO-nyň metbugat gullugy habar berýär.
Nebit RF-niň ABŞ-a ibermelerini togtatmak mümkinçiligi zerarly barreli üçin 139 dollara çenli ýokarlandy
Duşenbe güni nebit barreli üçin 140 dollara çenli ýetip, 2008-nji ýyldan bäri iň ýokary derejesine çykdy. Bu ýagdaý ABŞ-nyň Russiýanyň importyna gadaganlyk goýmak mümkinçiliginiň netijesinde ýüze çykdy, diýip Interfaks habar berýär.