Ýagşygeldi Kakaýew adyndaky HNGU-da 2026-njy ýylyň şygary maslahatlaşyldy
16:11 30.01.2026 2989
Ýagşygeldi Kakaýew adyndaky Halkara nebit we gaz uniwersitetinde 2026-njy ýylyň «Garaşsyz, baky Bitarap Türkmenistan — bedew batly at - myradyň mekany» diýlip yglan edilmegine bagyşlanan "tegelek stoluň" başyndaky söhbetdeşlik geçirildi.
Çykyş edenleriň belleýşi ýaly, 2026-njy ýylyň şeýle atlandyrylmagy Türkmenistanyň jemgyýetçilik-syýasy durmuşynda taryhy waka boldy. Bu şygar ýurdumyzyň şanly Garaşsyzlygynyň 35 ýyllyk baýramynyň bellenilýän ýylynda aýratyn many-mazmuna eýe bolýar.
Mejlisiň dowamynda bellenilişi ýaly, täze ýylyň şygary milli gymmatlyklara bolan çuňňur hormaty we Watanymyzyň geljekki ösüşiniň strategik ugurlaryny özünde jemleýär. Bedewiň syraty milli buýsanjyň, güýç-kuwwatyň we halkymyzyň ösüşe bolan ymtylmasynyň nyşanydyr. Atyň ýyndamlygy we wepalylygy bilen sazlaşýan bu şygar milli ösüş ýolumyzyň dowamatlylygyny alamatlandyrýar.
Garaşsyzlyk ýyllarynda ähli ulgamlarda, şol sanda nebitgaz toplumynda gazanylan üstünlikler halkymyzyň döredijilikli zähmetiniň aýdyň netijesidir.
Maslahata gatnaşyjylar hemişelik Bitaraplyk hukuk derejesine esaslanýan içerki we daşary syýasatyň ykdysady ösüş, halkara hyzmatdaşlygy giňeltmek we ilatyň durmuş-hal ýagdaýyny ýokarlandyrmak üçin mäkäm binýat bolup hyzmat edýändigini aýratyn bellediler.
Türkmenistan Hazarda ekologiýa howpsuzlygy boýunça Hazarýaka döwletleriniň ýolbaşçylarynyň ýörite sammitini geçirmegi teklip etdi
Türkmenistanyň ýolbaşçylygy derwaýys meseleleri ara alyp maslahatlaşmak we Hazarda ekologiýa howpsuzlygyny üpjün etmek boýunça işleri güýçlendirmek maksady bilen, Hazarýaka döwletleriniň ýolbaşçylarynyň ýörite sammitini geçirmek baradaky başlangyjy beýan etdi.
Türkmenistanyň we Russiýa Federasiýasynyň daşary işler ministrleri hyzmatdaşlygyň ileri tutulýan ugurlaryny maslahatlaşdylar
25-nji iýunda Türkmenistanyň Daşary işler ministrliginde Türkmenistanyň daşary işler ministri R.Ö.Meredow bilen Aşgabat şäherine sapar bilen gelen Russiýa Federasiýasynyň daşary işler ministri S.W.Lawrowyň arasynda duşuşyk geçirildi diýip, DIM-niň saýtynda habar berilýär.
OPEK 2023-nji we 2024-nji ýyllar üçin nebite islegiň ösüş çaklamasyny saklap galdy
2023-nji ýylda nebite bolan isleg 2022-nji ýyldaka garanda günde 2,44 mln barrel artyp — günde 102,01 mln barrele ýeter, 2024-nji ýylda bolsa ýene-de 2,25 b/g artyp — 104,25 mln b/g ýeter. Şeýle çaklamalar OPEK-iň aýlyk hasabynda getirilýär diýip, Interfaks habar berýär. Şeýlelikde, gurama geçen aýda edilen çaklamalaryny saklap galdy.
Azerbaýjan Türkmenistanyň sargydy boýunça suwasty turbageçiriji çekdi
«Azerbaýjan hazar deňzi gämiçili» (ASCO) ÝGPJ degişli bolan «Suleýman Wezirow» gämi-turba geçiriji Hazar deňzinde Lam and Zhdanov nebit käninde suwasty turba geçirijiniň gurluşygyny tamamlady. Işler Türkmenistanyň sargydy boýunça ýerine ýetirildi diýip, ASCO-nyň metbugat gullugy habar berýär.
Nebit RF-niň ABŞ-a ibermelerini togtatmak mümkinçiligi zerarly barreli üçin 139 dollara çenli ýokarlandy
Duşenbe güni nebit barreli üçin 140 dollara çenli ýetip, 2008-nji ýyldan bäri iň ýokary derejesine çykdy. Bu ýagdaý ABŞ-nyň Russiýanyň importyna gadaganlyk goýmak mümkinçiliginiň netijesinde ýüze çykdy, diýip Interfaks habar berýär.