«Nebitgazylmytaslama» instituty: nebitgaz senagatynyň öňdebaryjy ylmy barlaglary we tehnologiýalary
15:49 19.02.2026 1283
Balkanabat şäherindäki “Türkmennebit” döwlet konserniniň düzümindäki “Nebitgazylmytaslama” institutynyň alymlary we hünärmenleri Türkmenistanda nebitgaz senagatynyň ösüşine uly goşant goşýarlar.
Institutyň hünärmenleri pudagyň dürli ugurlarynda täze usullary ylmy taýdan esaslandyrmak we olaryň çözgütlerini tapmak boýunça işleri alyp barýarlar. Täze guýulary özleşdirmek bilen bir hatarda, häzirki wagtda esasy wezipeleriň biri hem köne guýularyň durnukly işlemegini üpjün etmek we olaryň öndürijiligini ýokarlandyrmakdan ybaratdyr.
Şeýle hem plast suwlarynyň akymyny çäklendirmek, gatlaklardan suwuň gelmeginiň öňüni almak, emele gelýän parafin çökündilerini has täsirli arassalamagyň usullaryny işläp taýýarlamak boýunça ylmy-barlag işleri geçirilýär. “Nebitgazylmytaslama” institutynyň ylmy işgärleri Balkan welaýatynyň çägindäki Goturdepe, Barsagelmez, Keýmir, Altyguýy, Günorta Gamyşlyja we Çeleken känlerindäki nebit guýularynda alnyp barlan şeýle işler boýunça gowy netijeleri gazandylar.
Dag jynslarynyň litokollektor we mineralogik düzümini, konstruktiw aýratynlyklaryny, haryt nebitiniň häsiýetlerini, degazasiýa tizligini, buraw we sementleýji erginleriň tehnologik görkezijilerini öwrenmek üçin täze enjamlaryň satyn alynmagy institutyň işiniň netijeliligini mundan beýläk-de ýokarlandyrmaga ýardam eder diýip, turkmennebit.gov.tm saýtynda habar berilýär.
Gahryman Arkadagymyz: Türkmenistan bilen Tatarystanyň arasyndaky ikitaraplaýyn gatnaşyklar täze derejä çykdy
18-nji fewralda türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow ýurdumyza iş sapary bilen gelen Russiýa Federasiýasynyň Tatarystan Respublikasynyň Baştutany Rustam Minnihanow bilen duşuşdy. Bu barada TDH habar berýär.
Dünýä boýunça nebit ibermeleri iýul aýynda pandemiýadan soňky iň ýokary çägine ýetdi - HEA
OPEC+ ýurtlary tarapyndan nebit çykarylyşynyň artmagy, şeýle hem birnäçe sebitlerde tehniki hyzmat senagatynyň düýpli dikeldilmegi netijesinde dünýä boýunçe nebit ibermeleri iýul aýynda pandemiýadan soňky iň ýokary çägine ýetdi diýip, Interfaks Halkara energetika agentliginiň her aýlyk hasabatyna salgylanyp habar berýär.
Türkmenistanyň Prezidenti Tatarystanyň Baştutanyny Aşgabatda geçiriljek Halkara foruma çagyrdy
Prezident Serdar Berdimuhamedow Türkmenistana iş sapary bilen gelen Russiýa Federasiýasynyň Tatarystan Respublikasynyň Baştutany Rustam Minnihanow bilen duşuşygynda ony ýurdumyzyň hemişelik Bitaraplygynyň 30 ýyllygy mynasybetli geçiriljek foruma çagyrdy diýip, TDH habar berýär.
«Türkmennebit» DK ugurdaş gazyň köpçülikleýin ýitgisini azaltmaga ýykgyn edýär
«Türkmennebit» döwlet konserni Türkmenistanyň Lebap, Mary we Balkan welaýatlarynda nebit guýularyndan ugurdaş gazlaryny toplap, onuň köpçülikleýin ýitgisiniň öňüni almak ugrunda iş alyp barýar.
26-27-nji oktýabrda «Türkmenistanyň nebiti we gazy – 2022» XXVII Halkara maslahaty geçiriler
Aşgabatda 26-27-nji oktýabrda «Türkmenistanyň nebiti we gazy – 2022» XXVII Halkara maslahaty geçiriler. Forumyň guramaçylary hökmünde «Türkmengaz» we «Türkmennebit» döwlet konsernleri hem-de «Türkmengeologiýa» döwlet korporasiýasy GaffneyCline britan kompaniýasynyň goldawynda «Turkmen Forum» HJ bilen hyzmatdaşlykda çykyş edýärler diýip, guramaçylaryň saýtynda bellenilýär.