Ýangyç-energetika toplumynyň Merkezi binasynda Halkara zenanlar gününiň hormatyna dabaraly maslahat geçirildi
20:32 07.03.2026 1026
6-njy martda Türkmenistanyň nebitgaz toplumynyň Merkezi binasynda 8-nji mart — Halkara zenanlar gününe bagyşlanan dabaraly maslahat geçirildi.
Dabara «Türkmengaz», «Türkmennebit» döwlet konsernleriniň we «Türkmengeologiýa» döwlet korporasiýasynyň zenan işgärleri gatnaşdylar.
Mälim bolşy ýaly, Prezident Serdar Berdimuhamedow Halkara zenanlar güni mynasybetli Türkmenistanyň ähli zenanlaryna dabaraly ýagdaýda pul sowgatlaryny gowşurmak barada Buýruga gol çekipdi.
Maslahatyň dowamynda Türkmenistanyň Döwlet ministri – «Türkmengaz» döwlet konserniniň başlygy Maksat Babaýew, «Türkmengeologiýa» döwlet korporasiýasynyň başlygy Gurbangeldi Garlyýew we «Türkmennebit» döwlet konserniniň başlygynyň orunbasary Wekilmuhammet Ussaýew nebitgaz toplumynyň işgärlerine Türkmenistanyň Prezidentiniň adyndan pul we gymmat bahaly sowgatlary gowşurdylar.
Maslahatda nebitgaz pudagynda zähmet çekýän zenanlaryň bitiren hyzmatlary bellenilip, olaryň ýurduň energetika sektoryny ösdürmäge goşýan saldamly goşantlary nygtaldy.
Dabaraly çäre «Türkmengaz» döwlet konserniniň Medeni-işewürlik merkeziniň aýdymçylarynyň we döredijilik toparlarynyň çykyşlary bilen dowam etdi, olarda häzirki zaman döwründe zenanlaryň obrazy wasp edildi.
Gahryman Arkadagymyz: Türkmenistan bilen Tatarystanyň arasyndaky ikitaraplaýyn gatnaşyklar täze derejä çykdy
18-nji fewralda türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow ýurdumyza iş sapary bilen gelen Russiýa Federasiýasynyň Tatarystan Respublikasynyň Baştutany Rustam Minnihanow bilen duşuşdy. Bu barada TDH habar berýär.
Dünýä boýunça nebit ibermeleri iýul aýynda pandemiýadan soňky iň ýokary çägine ýetdi - HEA
OPEC+ ýurtlary tarapyndan nebit çykarylyşynyň artmagy, şeýle hem birnäçe sebitlerde tehniki hyzmat senagatynyň düýpli dikeldilmegi netijesinde dünýä boýunçe nebit ibermeleri iýul aýynda pandemiýadan soňky iň ýokary çägine ýetdi diýip, Interfaks Halkara energetika agentliginiň her aýlyk hasabatyna salgylanyp habar berýär.
Türkmenistanyň Prezidenti Tatarystanyň Baştutanyny Aşgabatda geçiriljek Halkara foruma çagyrdy
Prezident Serdar Berdimuhamedow Türkmenistana iş sapary bilen gelen Russiýa Federasiýasynyň Tatarystan Respublikasynyň Baştutany Rustam Minnihanow bilen duşuşygynda ony ýurdumyzyň hemişelik Bitaraplygynyň 30 ýyllygy mynasybetli geçiriljek foruma çagyrdy diýip, TDH habar berýär.
«Türkmennebit» DK ugurdaş gazyň köpçülikleýin ýitgisini azaltmaga ýykgyn edýär
«Türkmennebit» döwlet konserni Türkmenistanyň Lebap, Mary we Balkan welaýatlarynda nebit guýularyndan ugurdaş gazlaryny toplap, onuň köpçülikleýin ýitgisiniň öňüni almak ugrunda iş alyp barýar.
26-27-nji oktýabrda «Türkmenistanyň nebiti we gazy – 2022» XXVII Halkara maslahaty geçiriler
Aşgabatda 26-27-nji oktýabrda «Türkmenistanyň nebiti we gazy – 2022» XXVII Halkara maslahaty geçiriler. Forumyň guramaçylary hökmünde «Türkmengaz» we «Türkmennebit» döwlet konsernleri hem-de «Türkmengeologiýa» döwlet korporasiýasy GaffneyCline britan kompaniýasynyň goldawynda «Turkmen Forum» HJ bilen hyzmatdaşlykda çykyş edýärler diýip, guramaçylaryň saýtynda bellenilýär.