Lebap welaýatynda TNGIZT-niň önümleriniň esasynda motor ýaglarynyň önümçiligi artýar
20:31 07.03.2026 1089
Lebap welaýatynyň Dänew etrabynda ýerleşýän «Asuda akym» hojalyk jemgyýeti «IMPEROL» we «Şir ýag» haryt nyşanlary bilen motor ýaglarynyň önümçilik göwrümini artdyrýar diýlip, «Rysgal» gazeti habar berýär.
Esasy çig mal hökmünde Türkmenbaşydaky nebiti gaýtadan işleýän zawodlar toplumynyň (TNGIZT) önümleri ulanylýar, bu bolsa ýaglaryň ýokary hilini we bäsdeşlige ukyply nyrhlaryny üpjün edýär.
Kärhana motor we çalgy ýaglarynyň 25 görnüşini, şol sanda içerki hem-de daşarky bazarlarda uly isleg bildirilýän ýarym sintetik we doly sintetik önümleri öndürýär.
Zawodyň önümçilik kuwwaty ýylda 20 müň tonna çenli önüme barabardyr. Kärhanada öňdebaryjy daşary ýurt öndürijileriniň döwrebap enjamlarynda işleýän 150 sany hünärmen zähmet çekýär. Taýýar önümler göwrümi 1, 5, 20 we 25 litr bolan plastik gaplara guýulýar, bu gaplar hem şol ýeriň özünde öndürilýär.
Häzirki wagtda kompaniýa goňşy ýurtlara eksport ugratmalaryny giňeldýär we geljekde önümçilik göwrümini has-da artdyrmagy meýilleşdirýär.
Kärhananyň ösmegi sebitiň senagat kuwwatynyň berkemegine we milli ykdysadyýetiň ösmegi üçin goşmaça mümkinçilikleriň döremegine ýardam edýär.
Gahryman Arkadagymyz: Türkmenistan bilen Tatarystanyň arasyndaky ikitaraplaýyn gatnaşyklar täze derejä çykdy
18-nji fewralda türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow ýurdumyza iş sapary bilen gelen Russiýa Federasiýasynyň Tatarystan Respublikasynyň Baştutany Rustam Minnihanow bilen duşuşdy. Bu barada TDH habar berýär.
Türkmenistanyň we Pakistanyň diplomatlary Duşenbede energetika, ulag we kommunikasiýa ulgamyndaky taslamalary maslahatlaşdylar
Türkmenistanyň Täjigistandaky ilçisi A.Goçmyradow bilen Pakistan Yslam Respublikasynyň Täjigistandaky ilçisi jenap M.S.Sarwaryň duşuşygynda ikitaraplaýyn hyzmatdaşlygyň ileri tutulýan meseleleri maslahatlaşyldy. Bu barada Türkmenistan Habarlar portaly Duşenbedäki türkmen diplomatik wekilhanasyna salgylanyp habar berýär.
Türkmenistanyň Prezidenti Tatarystanyň Baştutanyny Aşgabatda geçiriljek Halkara foruma çagyrdy
Prezident Serdar Berdimuhamedow Türkmenistana iş sapary bilen gelen Russiýa Federasiýasynyň Tatarystan Respublikasynyň Baştutany Rustam Minnihanow bilen duşuşygynda ony ýurdumyzyň hemişelik Bitaraplygynyň 30 ýyllygy mynasybetli geçiriljek foruma çagyrdy diýip, TDH habar berýär.
Dünýä boýunça nebit ibermeleri iýul aýynda pandemiýadan soňky iň ýokary çägine ýetdi - HEA
OPEC+ ýurtlary tarapyndan nebit çykarylyşynyň artmagy, şeýle hem birnäçe sebitlerde tehniki hyzmat senagatynyň düýpli dikeldilmegi netijesinde dünýä boýunçe nebit ibermeleri iýul aýynda pandemiýadan soňky iň ýokary çägine ýetdi diýip, Interfaks Halkara energetika agentliginiň her aýlyk hasabatyna salgylanyp habar berýär.
26-27-nji oktýabrda «Türkmenistanyň nebiti we gazy – 2022» XXVII Halkara maslahaty geçiriler
Aşgabatda 26-27-nji oktýabrda «Türkmenistanyň nebiti we gazy – 2022» XXVII Halkara maslahaty geçiriler. Forumyň guramaçylary hökmünde «Türkmengaz» we «Türkmennebit» döwlet konsernleri hem-de «Türkmengeologiýa» döwlet korporasiýasy GaffneyCline britan kompaniýasynyň goldawynda «Turkmen Forum» HJ bilen hyzmatdaşlykda çykyş edýärler diýip, guramaçylaryň saýtynda bellenilýär.