Türkmenistanyň gazçylary “mawy ýangyjyň” bökdençsiz iberilmegini üpjün edýär
10:54 17.03.2026 1609
«Türkmengazakdyryş» birleşiginiň «Gündogargazakdyryş» müdiriýetiniň işgärleri 2026-njy ýylda umumy uzynlygy 3,9 müň kilometrden gowrak bolan ýokary basyşly magistral gaz geçirijileri arkaly tebigy gazyň bökdençsiz daşalmagyny dowam etdirýärler. Olaryň netijeli zähmeti Mary we Lebap welaýatlarynyň ilatyny hem-de kärhanalaryny gaz bilen ygtybarly üpjün etmäge mümkinçilik berýär.
Müdiriýetiň hünärmenleri 93 sany gaz paýlaýjy bekediň we 14 sany kadalaşdyryjy desganyň işine yzygiderli gözegçilik edip, tehnologik talaplaryň berjaý edilmegine we tebigy gazyň dogry ugradylmagyna göz ýetirýärler. Geçen ýylyň dowamynda ulgam arkaly içerki we daşarky sarp edijilere 42 milliard kub metrden gowrak gaz ugradyldy.
№1 we №2 gulluklara degişli bolan gaz paýlaýjy beketlerde döwrebap ölçeg, kadalaşdyryş we arassalaýyş desgalary gurnaldy. Ýangyç üpjünçiliginde bökdençlikleriň öňüni almak üçin magistral gaz geçirijilerinde yzygiderli öňüni alyş işleri we düýpli abatlaýyş geçirilýär. Hususan-da, 2025-nji ýylda Sakar — Atamyrat we Zerger — Sakar magistral gaz geçirijilerinde könelen turbalar täzeleri bilen çalşyryldy, kebşirleýiş we beýleki dikeldiş işleri ýerine ýetirildi.
Şeýle-de, müdiriýetiň desgalarynda, şol sanda gazy daşary bazarlara eksport etmegi üpjün edýän «Garagum» we «Şatlyk» gaz gysyjy beketlerinde uly göwrümli abatlaýyş işleri geçirildi. «Şatlyk — Garagum» gaz geçirijisiniň birinji ugrunyň 13,7 kilometrlik böleginde düýpli abatlaýyş işleri alnyp baryldy. Häzirki wagtda ugruň agramly böleginde täze turbalar goýuldy we gurluşyk işleri hereket edýän gaz geçirijisine doly birikdirilýänçä dowam etdirilýär.
Sarp edijileri gaz bilen üpjün etmekde Oguzhan etrabynyň Döwletli zaman şäherçesindäki «Döwrebap» bekediniň hünärmenleriniň hem uly goşandy bar. Operatorlar gije-gündizleýin ýangyç akymyna gözegçilik edip, sebitiň kiçi we orta kärhanalarynyň bökdençsiz işlemegini üpjün edýärler.
«Gündogargazakdyryş» müdiriýetiniň başlygy Baýramgeldi Ataýewiň belleýşi ýaly, gazçylaryň ähli tagallalary Türkmenistanyň Prezidentiniň tebigy gazyň çykarylyşyny artdyrmak we ony içerki hem-de daşarky sarp edijilere bökdençsiz ýetirmek barada goýan wezipelerini ýerine ýetirmäge gönükdirilendir.
Türkmenistan Hazarda ekologiýa howpsuzlygy boýunça Hazarýaka döwletleriniň ýolbaşçylarynyň ýörite sammitini geçirmegi teklip etdi
Türkmenistanyň ýolbaşçylygy derwaýys meseleleri ara alyp maslahatlaşmak we Hazarda ekologiýa howpsuzlygyny üpjün etmek boýunça işleri güýçlendirmek maksady bilen, Hazarýaka döwletleriniň ýolbaşçylarynyň ýörite sammitini geçirmek baradaky başlangyjy beýan etdi.
Türkmenistanyň we Russiýa Federasiýasynyň daşary işler ministrleri hyzmatdaşlygyň ileri tutulýan ugurlaryny maslahatlaşdylar
25-nji iýunda Türkmenistanyň Daşary işler ministrliginde Türkmenistanyň daşary işler ministri R.Ö.Meredow bilen Aşgabat şäherine sapar bilen gelen Russiýa Federasiýasynyň daşary işler ministri S.W.Lawrowyň arasynda duşuşyk geçirildi diýip, DIM-niň saýtynda habar berilýär.
OPEK 2023-nji we 2024-nji ýyllar üçin nebite islegiň ösüş çaklamasyny saklap galdy
2023-nji ýylda nebite bolan isleg 2022-nji ýyldaka garanda günde 2,44 mln barrel artyp — günde 102,01 mln barrele ýeter, 2024-nji ýylda bolsa ýene-de 2,25 b/g artyp — 104,25 mln b/g ýeter. Şeýle çaklamalar OPEK-iň aýlyk hasabynda getirilýär diýip, Interfaks habar berýär. Şeýlelikde, gurama geçen aýda edilen çaklamalaryny saklap galdy.
Azerbaýjan Türkmenistanyň sargydy boýunça suwasty turbageçiriji çekdi
«Azerbaýjan hazar deňzi gämiçili» (ASCO) ÝGPJ degişli bolan «Suleýman Wezirow» gämi-turba geçiriji Hazar deňzinde Lam and Zhdanov nebit käninde suwasty turba geçirijiniň gurluşygyny tamamlady. Işler Türkmenistanyň sargydy boýunça ýerine ýetirildi diýip, ASCO-nyň metbugat gullugy habar berýär.
Nebit RF-niň ABŞ-a ibermelerini togtatmak mümkinçiligi zerarly barreli üçin 139 dollara çenli ýokarlandy
Duşenbe güni nebit barreli üçin 140 dollara çenli ýetip, 2008-nji ýyldan bäri iň ýokary derejesine çykdy. Bu ýagdaý ABŞ-nyň Russiýanyň importyna gadaganlyk goýmak mümkinçiliginiň netijesinde ýüze çykdy, diýip Interfaks habar berýär.