Türkmenistanyň DIM-niň ýolbaşçysy HHR-iň ilçisi bilen hyzmatdaşlygy ösdürmegiň ileri tutulýan ugurlaryny maslahatlaşdy
13:04 26.03.2026 695
Türkmenistanyň daşary işler ministri Raşid Meredow Hytaý Halk Respublikasynyň Türkmenistandaky Adatdan daşary we Doly ygtyýarly ilçisi Szi Şumin bilen duşuşyk geçirdi. Bu barada türkmen daşary syýasat edarasynyň saýtynda habar berilýär.
“Duşuşygyň dowamynda taraplar Türkmenistan bilen Hytaý Halk Respublikasynyň arasyndaky hyzmatdaşlygy has-da ösdürmek bilen bagly meseleleriň giň toplumyny ara alyp maslahatlaşdylar” diýlip habarda nygtalýar.
Şol bir wagtda Türkmenistanyň Halk Maslahatynyň Başlygy Gahryman Arkadagymyzyň golaýda Hytaý Halk Respublikasyna amala aşyran dostlukly saparyna aýratyn ähmiýet berildi. Şol saparyň çäklerinde HHR-nyň Başlygy Si Szinpin bilen netijeli we dostlukly duşuşygyň geçirilendigi nygtaldy.
Gepleşikleriň barşynda diplomatlar agzalan saparyň dowamynda gazanylan ylalaşyklary iş ýüzünde durmuşa geçirmek barada pikir alyşdylar.
Ýatladyp geçsek, 18-nji martda Hytaýda Gahryman Arkadagymyzyň HHR-nyň Başlygy Si Szinpin bilen geçiren duşuşygynda ýangyç-energetika toplumynda, aýratyn-da, «Galkynyş» gaz känini özleşdirmek boýunça hyzmatdaşlygyň geljegine uly üns berildi. Taraplar, şeýle hem, ulag-logistika ulgamynda, tehnika üpjünçiliginde, «ýaşyl» energetikada we beýleki ugurlarda özara gatnaşyklaryň mümkinçiliklerini ara alyp maslahatlaşdylar.
Gurbanguly Berdimuhamedow Hytaýyň Başlygy Si Szinpine Prezident Serdar Berdimuhamedowyň Türkmenistana sapar bilen gelmek baradaky çakylygyny gowşurdy.
Geçen hepdede Türkmenistanyň Prezidenti Serdar Berdimuhamedow Karara gol çekdi. Resminama laýyklykda, «Türkmengaz» döwlet konsernine «Galkynyş» gaz känini özleşdirmegiň 4-nji tapgyrynyň çäklerinde Hytaýyň «CNPC Amudarya Petroleum Company Ltd.» kompaniýasy bilen ýylda 10 milliard kub metr harytlyk gazy taýýarlaýjy desganyň we şol möçberdäki harytlyk gazy taýýarlamak üçin ulanyş guýularynyň taslamasyny düzmek hem-de olary «açary tabşyrmak» şertinde gurmak barada şertnama baglaşmaga ygtyýar berildi.
Şunlukda, Türkmenistanyň we Hytaýyň liderleriniň arasynda ýokary derejede gazanylan ylalaşyklar anyk işler we nebitgaz ulgamyndaky täze iri taslamalaryň durmuşa geçirilmegi bilen baýlaşdyrylýar.
Gahryman Arkadagymyz: Türkmenistan bilen Tatarystanyň arasyndaky ikitaraplaýyn gatnaşyklar täze derejä çykdy
18-nji fewralda türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow ýurdumyza iş sapary bilen gelen Russiýa Federasiýasynyň Tatarystan Respublikasynyň Baştutany Rustam Minnihanow bilen duşuşdy. Bu barada TDH habar berýär.
Dünýä boýunça nebit ibermeleri iýul aýynda pandemiýadan soňky iň ýokary çägine ýetdi - HEA
OPEC+ ýurtlary tarapyndan nebit çykarylyşynyň artmagy, şeýle hem birnäçe sebitlerde tehniki hyzmat senagatynyň düýpli dikeldilmegi netijesinde dünýä boýunçe nebit ibermeleri iýul aýynda pandemiýadan soňky iň ýokary çägine ýetdi diýip, Interfaks Halkara energetika agentliginiň her aýlyk hasabatyna salgylanyp habar berýär.
Türkmenistanyň Prezidenti Tatarystanyň Baştutanyny Aşgabatda geçiriljek Halkara foruma çagyrdy
Prezident Serdar Berdimuhamedow Türkmenistana iş sapary bilen gelen Russiýa Federasiýasynyň Tatarystan Respublikasynyň Baştutany Rustam Minnihanow bilen duşuşygynda ony ýurdumyzyň hemişelik Bitaraplygynyň 30 ýyllygy mynasybetli geçiriljek foruma çagyrdy diýip, TDH habar berýär.
«Türkmennebit» DK ugurdaş gazyň köpçülikleýin ýitgisini azaltmaga ýykgyn edýär
«Türkmennebit» döwlet konserni Türkmenistanyň Lebap, Mary we Balkan welaýatlarynda nebit guýularyndan ugurdaş gazlaryny toplap, onuň köpçülikleýin ýitgisiniň öňüni almak ugrunda iş alyp barýar.
26-27-nji oktýabrda «Türkmenistanyň nebiti we gazy – 2022» XXVII Halkara maslahaty geçiriler
Aşgabatda 26-27-nji oktýabrda «Türkmenistanyň nebiti we gazy – 2022» XXVII Halkara maslahaty geçiriler. Forumyň guramaçylary hökmünde «Türkmengaz» we «Türkmennebit» döwlet konsernleri hem-de «Türkmengeologiýa» döwlet korporasiýasy GaffneyCline britan kompaniýasynyň goldawynda «Turkmen Forum» HJ bilen hyzmatdaşlykda çykyş edýärler diýip, guramaçylaryň saýtynda bellenilýär.