“Burnebitgazhyzmat” müdirligi ýanwar-fewral aýlarynda meýilnamany 173,5% ýerine ýetirdi
11:57 03.04.2026 1586
«Nebitgazburawlaýyş» trestiniň «Burnebitgazhyzmat» müdirliginde ýokary zähmet görkezijileri gazanylýar. Munuň aýdyň subutnamasy hökmünde «Garaşsyz, baky Bitarap Türkmenistan – bedew batly at-myradyň mekany” ýylynyň ilkinji iki aýynda kärhanada 1 million 503 müň manada golaý işler ýerine ýetirildi. Bu barada «Türkmenistan» gazeti habar berýär.
«Burnebitgazhyzmat» müdirligi 2006-njy ýylyň 1-nji martynda «Türkmennebit» döwlet konserniniň düzüminde döredildi. Şu ýylyň başyndan bäri «Nebitgazburawlaýyş» trestiniň «Nebitdag», «Goturdepe», «Körpeje» we «Ekerem» buraw işleri müdirlikleri boýunça bellenen 11 300 metr meýilnamanyň deregine, jemi 19 610 metr buraw işleri amala aşyryldy. Bu ykdysady görkeziji meýilnamanyň 173,5 % ýerine ýetirilendigini aňladýar.
Işler döwrebap tejribä laýyklykda alnyp barylýar, zerur bolan meýdançalar buraw, gurnama we ulanyş turbalary bilen bökdençsiz üpjün edilýär. Müdirlikde ýük göterijiligi 12,5 tonna bolan 7 sany gurnama krany, 12-den 25 tonna çenli ýük göterýän 5 sany awtokran, şeýle hem onlarça ýokary ýük göterijilikli «Kamaz» we «Mercedes» awtoulaglary netijeli ulanylýar.
Buraw işlerinde ulanylýan turbalary dikeltmek bölüminde hünärmenleriň tagallasy bilen turbalar gaýtadan işlenilýär, arassalanýar we burawçylara gowşurylýar. Daşary ýurtlaryň döwrebap enjamlary bolan «ASW-1050» we «ASW-700» kysymly kuwwatly desgalar turbalaryň ýagdaýyny we basyşyny doly barlamaga mümkinçilik berýär.
Ähli turbalar — täze gelenlerinden başlap, ulanyşda bolanlaryna çenli — müdürligiň tehniki gullugynda barlagdan geçirilýär we degişli resminamalar bilen berkidilýär. Bentonit öndürýän bölümde ýylyň dowamynda 6 500 tonna bentonit garyndysyny öndürmek meýilleşdirilýär.
Türkmenistan Hazarda ekologiýa howpsuzlygy boýunça Hazarýaka döwletleriniň ýolbaşçylarynyň ýörite sammitini geçirmegi teklip etdi
Türkmenistanyň ýolbaşçylygy derwaýys meseleleri ara alyp maslahatlaşmak we Hazarda ekologiýa howpsuzlygyny üpjün etmek boýunça işleri güýçlendirmek maksady bilen, Hazarýaka döwletleriniň ýolbaşçylarynyň ýörite sammitini geçirmek baradaky başlangyjy beýan etdi.
Türkmenistanyň we Russiýa Federasiýasynyň daşary işler ministrleri hyzmatdaşlygyň ileri tutulýan ugurlaryny maslahatlaşdylar
25-nji iýunda Türkmenistanyň Daşary işler ministrliginde Türkmenistanyň daşary işler ministri R.Ö.Meredow bilen Aşgabat şäherine sapar bilen gelen Russiýa Federasiýasynyň daşary işler ministri S.W.Lawrowyň arasynda duşuşyk geçirildi diýip, DIM-niň saýtynda habar berilýär.
OPEK 2023-nji we 2024-nji ýyllar üçin nebite islegiň ösüş çaklamasyny saklap galdy
2023-nji ýylda nebite bolan isleg 2022-nji ýyldaka garanda günde 2,44 mln barrel artyp — günde 102,01 mln barrele ýeter, 2024-nji ýylda bolsa ýene-de 2,25 b/g artyp — 104,25 mln b/g ýeter. Şeýle çaklamalar OPEK-iň aýlyk hasabynda getirilýär diýip, Interfaks habar berýär. Şeýlelikde, gurama geçen aýda edilen çaklamalaryny saklap galdy.
Azerbaýjan Türkmenistanyň sargydy boýunça suwasty turbageçiriji çekdi
«Azerbaýjan hazar deňzi gämiçili» (ASCO) ÝGPJ degişli bolan «Suleýman Wezirow» gämi-turba geçiriji Hazar deňzinde Lam and Zhdanov nebit käninde suwasty turba geçirijiniň gurluşygyny tamamlady. Işler Türkmenistanyň sargydy boýunça ýerine ýetirildi diýip, ASCO-nyň metbugat gullugy habar berýär.
Nebit RF-niň ABŞ-a ibermelerini togtatmak mümkinçiligi zerarly barreli üçin 139 dollara çenli ýokarlandy
Duşenbe güni nebit barreli üçin 140 dollara çenli ýetip, 2008-nji ýyldan bäri iň ýokary derejesine çykdy. Bu ýagdaý ABŞ-nyň Russiýanyň importyna gadaganlyk goýmak mümkinçiliginiň netijesinde ýüze çykdy, diýip Interfaks habar berýär.