Yslamabatda türkmen-pakistan hyzmatdaşlygynyň geljegi maslahatlaşyldy
22:32 11.04.2026 1173
Türkmenistanyň Yslamabatdaky ilçihanasynda Lahoryň söwda-senagat edarasynyň wekilleri bilen duşuşyk geçirildi. Myhmanlara edaranyň Baş sekretary Şahid Halil ýolbaşçylyk etdi.
Duşuşygyň dowamynda Lahoryň söwda-senagat edarasynyň wekilleri iki ýurduň işewürler toparlarynyň arasyndaky amaly hyzmatdaşlygy giňeltmek mümkinçiliklerini öwrenmek üçin Türkmenistanyň ilçihanasy bilen işjeň gatnaşyklary pugtalandyrmaga gyzyklanma bildirdiler.
Öz gezeginde, türkmen tarapy Türkmenistanyň ýolbaşçylary tarapyndan amala aşyrylýan özgertmeler barada maglumat berdi. Bu özgertmeler daşary söwda gatnaşyklarynyň ösmegine güýçli itergi berýär we ýurduň dünýä ykdysady giňişligine has çuňňur goşulyşmagyna ýardam edýär.
Şunlukda, tebigy gazyň ätiýaçlyklaryna, şeýle hem nebit önümleriniň, dokma we oba hojalyk harytlarynyň eksportyna esaslanýan ýurduň barha artýan söwda-eksport mümkinçilikleri bellenilip geçildi.
Şeýle-de, şu ýyl geçirilmegi meýilleşdirilen we adatça dünýäniň dürli künjeklerinden ýüzlerçe işewürleri jemleýän halkara işewürlik-forumlara aýratyn üns berildi.
Duşuşygyň ahyrynda taraplar iki ýurduň arasynda özara bähbitli söwdany giňeltmegiň ýollaryny tapmaga we söwda-ykdysady hyzmatdaşlygy has-da ösdürmäge gönükdirilen bilelikdäki forumlara hem-de sergilere işewürler toparlarynyň wekilleriniň gatnaşmagyna gyzyklanma bildirýändiklerini tassykladylar. Bu barada THP habarlar portaly habar berýär.
Türkmenistan Hazarda ekologiýa howpsuzlygy boýunça Hazarýaka döwletleriniň ýolbaşçylarynyň ýörite sammitini geçirmegi teklip etdi
Türkmenistanyň ýolbaşçylygy derwaýys meseleleri ara alyp maslahatlaşmak we Hazarda ekologiýa howpsuzlygyny üpjün etmek boýunça işleri güýçlendirmek maksady bilen, Hazarýaka döwletleriniň ýolbaşçylarynyň ýörite sammitini geçirmek baradaky başlangyjy beýan etdi.
Türkmenistanyň we Russiýa Federasiýasynyň daşary işler ministrleri hyzmatdaşlygyň ileri tutulýan ugurlaryny maslahatlaşdylar
25-nji iýunda Türkmenistanyň Daşary işler ministrliginde Türkmenistanyň daşary işler ministri R.Ö.Meredow bilen Aşgabat şäherine sapar bilen gelen Russiýa Federasiýasynyň daşary işler ministri S.W.Lawrowyň arasynda duşuşyk geçirildi diýip, DIM-niň saýtynda habar berilýär.
OPEK 2023-nji we 2024-nji ýyllar üçin nebite islegiň ösüş çaklamasyny saklap galdy
2023-nji ýylda nebite bolan isleg 2022-nji ýyldaka garanda günde 2,44 mln barrel artyp — günde 102,01 mln barrele ýeter, 2024-nji ýylda bolsa ýene-de 2,25 b/g artyp — 104,25 mln b/g ýeter. Şeýle çaklamalar OPEK-iň aýlyk hasabynda getirilýär diýip, Interfaks habar berýär. Şeýlelikde, gurama geçen aýda edilen çaklamalaryny saklap galdy.
Azerbaýjan Türkmenistanyň sargydy boýunça suwasty turbageçiriji çekdi
«Azerbaýjan hazar deňzi gämiçili» (ASCO) ÝGPJ degişli bolan «Suleýman Wezirow» gämi-turba geçiriji Hazar deňzinde Lam and Zhdanov nebit käninde suwasty turba geçirijiniň gurluşygyny tamamlady. Işler Türkmenistanyň sargydy boýunça ýerine ýetirildi diýip, ASCO-nyň metbugat gullugy habar berýär.
Nebit RF-niň ABŞ-a ibermelerini togtatmak mümkinçiligi zerarly barreli üçin 139 dollara çenli ýokarlandy
Duşenbe güni nebit barreli üçin 140 dollara çenli ýetip, 2008-nji ýyldan bäri iň ýokary derejesine çykdy. Bu ýagdaý ABŞ-nyň Russiýanyň importyna gadaganlyk goýmak mümkinçiliginiň netijesinde ýüze çykdy, diýip Interfaks habar berýär.