HNGU-da Türkmenistan bilen HHR-iň strategik hyzmatdaşlygynyň möhüm ugurlary maslahatlaşyldy
00:45 23.04.2026 1267
Ýagşygeldi Kakaýew adyndaky Halkara nebit we gaz uniwersitetinde türkmen-hytaý dostlugyna bagyşlanan dabaraly çäre geçirildi. Duşuşygyň dowamynda Türkmenistan bilen Hytaý Halk Respublikasynyň arasyndaky strategik hyzmatdaşlygyň esasy ugurlaryna bagyşlanan çykyşlar diňlenildi.
Şolaryň hatarynda gaz pudagyndaky strategik hyzmatdaşlygyň 20 ýyllygy, Ýagşygeldi Kakaýew adyndaky Halkara nebit we gaz uniwersitetiniň binýadynda Türkmenistanda «Lu Ban ussahanasynyň» açylmagy, Türkmen-hytaý energetika okuw merkezini döretmek baradaky Ylalaşyga gol çekilmegi, şeýle-de ýakynda «Galkynyş» gaz känini özleşdirmegiň dördünji tapgyryna badalga berilmegi bellenilip geçildi.
Çykyş edenler Türkmenistandaky «Lu Ban ussahanasynda» ýaş nesle bilim bermek üçin döredilen mümkinçilikler üçin minnetdarlyk bildirdiler. Döwrebap enjamlar bilen üpjün edilen bu merkez türkmen-hytaý hyzmatdaşlygynyň üstünlikli ösüşiniň aýdyň nusgasydyr.
Ylym-bilim ulgamynda halkara hyzmatdaşlygy ösdürmek maksady bilen 2023-nji ýylda gol çekilen Ähtnamanyň we şol resminamanyň çäginde durmuşa geçirilýän taslamalaryň ähmiýetine aýratyn üns çekildi. 2026-njy ýylyň 16-njy aprelinde gol çekilen Türkmen-hytaý energetika okuw merkezini döretmek baradaky Ylalaşyk hem bu ugurdaky hyzmatdaşlygyň netijeli ösýändigine şaýatlyk edýär.
Maslahatyň çäginde döredijilik toparlarynyň çykyşlary hem boldy.
Türkmenistan Hazarda ekologiýa howpsuzlygy boýunça Hazarýaka döwletleriniň ýolbaşçylarynyň ýörite sammitini geçirmegi teklip etdi
Türkmenistanyň ýolbaşçylygy derwaýys meseleleri ara alyp maslahatlaşmak we Hazarda ekologiýa howpsuzlygyny üpjün etmek boýunça işleri güýçlendirmek maksady bilen, Hazarýaka döwletleriniň ýolbaşçylarynyň ýörite sammitini geçirmek baradaky başlangyjy beýan etdi.
Türkmenistanyň we Russiýa Federasiýasynyň daşary işler ministrleri hyzmatdaşlygyň ileri tutulýan ugurlaryny maslahatlaşdylar
25-nji iýunda Türkmenistanyň Daşary işler ministrliginde Türkmenistanyň daşary işler ministri R.Ö.Meredow bilen Aşgabat şäherine sapar bilen gelen Russiýa Federasiýasynyň daşary işler ministri S.W.Lawrowyň arasynda duşuşyk geçirildi diýip, DIM-niň saýtynda habar berilýär.
OPEK 2023-nji we 2024-nji ýyllar üçin nebite islegiň ösüş çaklamasyny saklap galdy
2023-nji ýylda nebite bolan isleg 2022-nji ýyldaka garanda günde 2,44 mln barrel artyp — günde 102,01 mln barrele ýeter, 2024-nji ýylda bolsa ýene-de 2,25 b/g artyp — 104,25 mln b/g ýeter. Şeýle çaklamalar OPEK-iň aýlyk hasabynda getirilýär diýip, Interfaks habar berýär. Şeýlelikde, gurama geçen aýda edilen çaklamalaryny saklap galdy.
Azerbaýjan Türkmenistanyň sargydy boýunça suwasty turbageçiriji çekdi
«Azerbaýjan hazar deňzi gämiçili» (ASCO) ÝGPJ degişli bolan «Suleýman Wezirow» gämi-turba geçiriji Hazar deňzinde Lam and Zhdanov nebit käninde suwasty turba geçirijiniň gurluşygyny tamamlady. Işler Türkmenistanyň sargydy boýunça ýerine ýetirildi diýip, ASCO-nyň metbugat gullugy habar berýär.
Nebit RF-niň ABŞ-a ibermelerini togtatmak mümkinçiligi zerarly barreli üçin 139 dollara çenli ýokarlandy
Duşenbe güni nebit barreli üçin 140 dollara çenli ýetip, 2008-nji ýyldan bäri iň ýokary derejesine çykdy. Bu ýagdaý ABŞ-nyň Russiýanyň importyna gadaganlyk goýmak mümkinçiliginiň netijesinde ýüze çykdy, diýip Interfaks habar berýär.