“Tatneft” KPJ-niň Türkmenistandaky şahamçasy buraw sorujylary üçin ätiýaçlyk şaýlaryny satyn almak boýunça bäsleşik yglan etdi
20:47 23.04.2026 1645
«Tatneft» köpçülikleýin paýdarlar jemgyýetiniň Türkmenistandaky şahamçasy F-800 buraw sorujylary üçin ätiýaçlyk şaýlaryny satyn almak boýunça bäsleşik yglan etdi. Bäsleşik teklipleri «Nebit-Gaz» gazetinde we «www.oilgas.gov.tm» saýtynda (Tenderler bölümi) resmi çap edilen gününden başlap, on iş gününiň dowamynda berilmelidir.
«Tatneft-iň» Balkanabat şäherinde ýerleşýän şahamçasy ýurdumyzda «Türkmennebit» döwlet konserni bilen baglaşylan serwis şertnamasynyň çäginde işleýär. Onuň esasy önümçilik işi Goturdepe nebitgaz käninde jemlenendir.
Şahamçanyň baş wezipesi gatlaklaryň nebit berijiligini ýokarlandyrmakdan we nebit çykarylyşyny güýçlendirmek üçin serwis hyzmatlaryny etmekden ybaratdyr. Hususan-da, kompaniýa guýulary düýpli abatlaýar, ozal özleşdirilmedik gatlak böleklerini ulanyşa girizmäge mümkinçilik berýän gapdal sütünleri burawlamak tehnologiýasyny ulanýar hem-de guýularyň abatlaýyş aralygyndaky iş möhletini uzaltmak üçin döwrebap tehnologiýalary ornaşdyrýar.
Şahamça öz önümçilik kuwwatlyklaryny üpjün etmek üçin ätiýaçlyk şaýlaryny satyn almak, tehnikalary kärendesine almak we gurluşyk-gurnama işleri boýunça yzygiderli bäsleşikleri geçirip durýar.
«Tatneft-iň» işi Türkmenistanyň nebitgaz pudagyny döwrebaplaşdyrmaga gönükdirilen strategik hyzmatdaşlyk hökmünde garalýar. «Türkmennebit» DK we «Tatneft» PJ-niň köp ýyllyk we netijeli hyzmatdaşlygy netijesinde, işlemeýän guýulary dikeltmegiň hasabyna Goturdepe käninde nebit çykarylyşynyň ep-esli artmagy gazanylýar. Ulanylýan döwrebap tehnologiýalar gatlaklaryň nebit berijiliginiň ösmegini üpjün etmäge we guýularyň abatlaýyşsyz iş möhletini ep-esli artdyrmaga mümkinçilik berýär.
«Tatneft» PJ hyzmatdaşlyk şertnamalary, işgärleri okatmak we ýurduň iň irki ýataklarynda nebit berijiligini ýokarlandyrmak usullaryny ornaşdyrmak arkaly türkmen hünärmenlerine öz tehnologik tejribesini işjeň geçirýär.
Türkmenistan Hazarda ekologiýa howpsuzlygy boýunça Hazarýaka döwletleriniň ýolbaşçylarynyň ýörite sammitini geçirmegi teklip etdi
Türkmenistanyň ýolbaşçylygy derwaýys meseleleri ara alyp maslahatlaşmak we Hazarda ekologiýa howpsuzlygyny üpjün etmek boýunça işleri güýçlendirmek maksady bilen, Hazarýaka döwletleriniň ýolbaşçylarynyň ýörite sammitini geçirmek baradaky başlangyjy beýan etdi.
Türkmenistanyň we Russiýa Federasiýasynyň daşary işler ministrleri hyzmatdaşlygyň ileri tutulýan ugurlaryny maslahatlaşdylar
25-nji iýunda Türkmenistanyň Daşary işler ministrliginde Türkmenistanyň daşary işler ministri R.Ö.Meredow bilen Aşgabat şäherine sapar bilen gelen Russiýa Federasiýasynyň daşary işler ministri S.W.Lawrowyň arasynda duşuşyk geçirildi diýip, DIM-niň saýtynda habar berilýär.
OPEK 2023-nji we 2024-nji ýyllar üçin nebite islegiň ösüş çaklamasyny saklap galdy
2023-nji ýylda nebite bolan isleg 2022-nji ýyldaka garanda günde 2,44 mln barrel artyp — günde 102,01 mln barrele ýeter, 2024-nji ýylda bolsa ýene-de 2,25 b/g artyp — 104,25 mln b/g ýeter. Şeýle çaklamalar OPEK-iň aýlyk hasabynda getirilýär diýip, Interfaks habar berýär. Şeýlelikde, gurama geçen aýda edilen çaklamalaryny saklap galdy.
Azerbaýjan Türkmenistanyň sargydy boýunça suwasty turbageçiriji çekdi
«Azerbaýjan hazar deňzi gämiçili» (ASCO) ÝGPJ degişli bolan «Suleýman Wezirow» gämi-turba geçiriji Hazar deňzinde Lam and Zhdanov nebit käninde suwasty turba geçirijiniň gurluşygyny tamamlady. Işler Türkmenistanyň sargydy boýunça ýerine ýetirildi diýip, ASCO-nyň metbugat gullugy habar berýär.
Nebit RF-niň ABŞ-a ibermelerini togtatmak mümkinçiligi zerarly barreli üçin 139 dollara çenli ýokarlandy
Duşenbe güni nebit barreli üçin 140 dollara çenli ýetip, 2008-nji ýyldan bäri iň ýokary derejesine çykdy. Bu ýagdaý ABŞ-nyň Russiýanyň importyna gadaganlyk goýmak mümkinçiliginiň netijesinde ýüze çykdy, diýip Interfaks habar berýär.