“Türkmenistanyň nebiti we gazy – OGT 2026” XXXI halkara maslahatyna we sergisine gatnaşyjylary hasaba almak başlandy
12:30 25.04.2026 1817
2026-njy ýylyň 21–23-nji oktýabry aralygynda Aşgabatda geçiriljek «Türkmenistanyň nebiti we gazy – OGT 2026» XXXI halkara maslahatyna we sergisine gatnaşmak üçin hasaba alyş açyldy.
«Energiýa. Hyzmatdaşlyk. Ösüş» şygary astynda geçirilýän bu maslahat halkara energetika hyzmatdaşlygynyň geljekki ugurlaryny kesgitlemek üçin dünýäniň energetika pudagynyň öňdebaryjy wekillerini, iri kompaniýalaryň ýolbaşçylaryny, maýadarlary, maliýe institutlaryny we tehnologiýa üpjünçilerini bir ýere jemlär.
Maslahatyň gün tertibiniň esasy ugry dünýäniň iň iri gaz känleriniň biri bolan «Galkynyş» gaz känini mundan beýläk-de özleşdirmek bolar. Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň we Hytaý Halk Respublikasynyň Döwlet geňeşiniň Premýeriniň birinji orunbasary Din Sýuesýanyň gatnaşmagynda golaýda geçirilen bu käni özleşdirmegiň dördünji tapgyryna badalga bermek dabarasy bu taslamanyň ikitaraplaýyn energetika hyzmatdaşlygyndaky strategik ähmiýetini ýene bir gezek tassyklady.
2026-njy ýylyň maksatnamasynyň çäginde energetika toplumyny ösdürmegiň esasy ileri tutulýan ugurlary, şol sanda «Galkynyş» känini tapgyrlaýyn özleşdirmek, TOPH gaz geçirijisiniň taslamasyny durmuşa geçirmek, Hazar deňziniň türkmen bölegindäki deňiz bloklaryny ösdürmek, şeýle-de çykaryjy, gaýtadan işleýji we ulag düzümlerini döwrebaplaşdyrmak meseleleri göz öňünde tutular.
Energiýa serişdelerini monetizasiýa etmek, gazhimiýa we nebithimiýa senagatyny ösdürmek, ýokary goşulan bahaly önümleri öndürmek we eksport ugurlaryny diwersifikasiýalaşdyrmak meselelerine aýratyn üns berler. Maslahatyň gün tertibinde häzirki zaman tehnologik meýilleri, şol sanda pudagyň sanly transformasiýasy, emeli aňyň ulanylmagy, amaly netijeliligi ýokarlandyrmak we öňdebaryjy ekologik çözgütleri ornaşdyrmak ýaly meseleler hem öz beýanyny tapar.
OGT 2026 metan zyňyndylaryny azaltmak, energiýa netijeliligini ýokarlandyrmak, uglerody tutmak we saklamak tehnologiýalaryny ornaşdyrmak, şeýle-de wodorod energetikasyny we gaýtadan dikeltýän energiýa çeşmelerini ösdürmek meselelerini ara alyp maslahatlaşmak üçin meýdança bolar. Bu ugurlar Türkmenistanyň halkara klimat gün tertibine işjeň gatnaşmagyna doly laýyk gelýär.
Maslahatyň maksatnamasynda ýokary derejeli plenar mejlisini, ministrleriň «tegelek stoluny», öňdebaryjy energetika kompaniýalarynyň ýolbaşçylarynyň gatnaşmagynda panel çekişmelerini, pudaklaýyn we maýadarlyk sessiýalaryny, şeýle-de 100-den gowrak kompaniýanyň gatnaşmagynda halkara sergini geçirmek göz öňünde tutulýar. B2B we B2G formatyndaky işewürlik duşuşyklaryna, ylmy we ýaşlar gatnaşyklaryny ösdürmäge aýratyn orun berler.
Goşmaça maglumat almak we hasaba durmak üçin resmi saýta girip bilersiňiz: https://www.ogt-turkmenistan.com
Türkmenistan Hazarda ekologiýa howpsuzlygy boýunça Hazarýaka döwletleriniň ýolbaşçylarynyň ýörite sammitini geçirmegi teklip etdi
Türkmenistanyň ýolbaşçylygy derwaýys meseleleri ara alyp maslahatlaşmak we Hazarda ekologiýa howpsuzlygyny üpjün etmek boýunça işleri güýçlendirmek maksady bilen, Hazarýaka döwletleriniň ýolbaşçylarynyň ýörite sammitini geçirmek baradaky başlangyjy beýan etdi.
Türkmenistanyň we Russiýa Federasiýasynyň daşary işler ministrleri hyzmatdaşlygyň ileri tutulýan ugurlaryny maslahatlaşdylar
25-nji iýunda Türkmenistanyň Daşary işler ministrliginde Türkmenistanyň daşary işler ministri R.Ö.Meredow bilen Aşgabat şäherine sapar bilen gelen Russiýa Federasiýasynyň daşary işler ministri S.W.Lawrowyň arasynda duşuşyk geçirildi diýip, DIM-niň saýtynda habar berilýär.
OPEK 2023-nji we 2024-nji ýyllar üçin nebite islegiň ösüş çaklamasyny saklap galdy
2023-nji ýylda nebite bolan isleg 2022-nji ýyldaka garanda günde 2,44 mln barrel artyp — günde 102,01 mln barrele ýeter, 2024-nji ýylda bolsa ýene-de 2,25 b/g artyp — 104,25 mln b/g ýeter. Şeýle çaklamalar OPEK-iň aýlyk hasabynda getirilýär diýip, Interfaks habar berýär. Şeýlelikde, gurama geçen aýda edilen çaklamalaryny saklap galdy.
Azerbaýjan Türkmenistanyň sargydy boýunça suwasty turbageçiriji çekdi
«Azerbaýjan hazar deňzi gämiçili» (ASCO) ÝGPJ degişli bolan «Suleýman Wezirow» gämi-turba geçiriji Hazar deňzinde Lam and Zhdanov nebit käninde suwasty turba geçirijiniň gurluşygyny tamamlady. Işler Türkmenistanyň sargydy boýunça ýerine ýetirildi diýip, ASCO-nyň metbugat gullugy habar berýär.
Nebit RF-niň ABŞ-a ibermelerini togtatmak mümkinçiligi zerarly barreli üçin 139 dollara çenli ýokarlandy
Duşenbe güni nebit barreli üçin 140 dollara çenli ýetip, 2008-nji ýyldan bäri iň ýokary derejesine çykdy. Bu ýagdaý ABŞ-nyň Russiýanyň importyna gadaganlyk goýmak mümkinçiliginiň netijesinde ýüze çykdy, diýip Interfaks habar berýär.