Türkmenistanyň Birleşen Arap Emirliklerindäki ilçisi Dragon Oil bilen uzakmöhletleýin hyzmatdaşlygyň geljegini maslahatlaşdy
13:10 05.05.2026 1797
Türkmenistanyň Birleşen Arap Emirliklerindäki (BAE) ilçisi Baýram Baýramow Dubaý şäherinde «Dragon Oil» kompaniýasynyň baş ýerine ýetiriji direktory jenap Abdulkarim Al-Maazmi bilen duşuşyk geçirdi.
Duşuşygyň dowamynda Türkmenistan bilen BAE-niň arasyndaky energetika pudagyndaky uzakmöhletleýin hyzmatdaşlygyň strategik ähmiýeti, şeýle hem onuň ykdysady gatnaşyklary berkitmekdäki orny ara alnyp maslahatlaşyldy. Şunda Türkmenistanyň ilçisi «Dragon Oil» kompaniýasynyň alyp barýan işleriniň ikitaraplaýyn ykdysady gatnaşyklaryň möhüm bölegidigini belledi. Kompaniýanyň ýolbaşçysy öz gezeginde institusional hyzmatdaşlygy has-da berkitmäge uly gyzyklanma bildirýändigini mälim etdi.
Taraplar özara bähbitli hyzmatdaşlygy mundan beýläk-de giňeltmegiň mümkinçilikleri we sebitiň energetika pudagyny ösdürmäge gönükdirilen bilelikdäki başlangyçlar barada pikir alyşdylar.
Duşuşygyň ahyrynda taraplar netijeli gepleşikleri dowam etdirmäge we häzirki amaly işler üçin durnukly şertleri üpjün etmäge taýýardyklaryny tassykladylar diýlip, Türkmenistanyň BAE-däki ilçihanasynyň saýtynda habar berilýär.
Türkmenistan Hazarda ekologiýa howpsuzlygy boýunça Hazarýaka döwletleriniň ýolbaşçylarynyň ýörite sammitini geçirmegi teklip etdi
Türkmenistanyň ýolbaşçylygy derwaýys meseleleri ara alyp maslahatlaşmak we Hazarda ekologiýa howpsuzlygyny üpjün etmek boýunça işleri güýçlendirmek maksady bilen, Hazarýaka döwletleriniň ýolbaşçylarynyň ýörite sammitini geçirmek baradaky başlangyjy beýan etdi.
Türkmenistanyň we Russiýa Federasiýasynyň daşary işler ministrleri hyzmatdaşlygyň ileri tutulýan ugurlaryny maslahatlaşdylar
25-nji iýunda Türkmenistanyň Daşary işler ministrliginde Türkmenistanyň daşary işler ministri R.Ö.Meredow bilen Aşgabat şäherine sapar bilen gelen Russiýa Federasiýasynyň daşary işler ministri S.W.Lawrowyň arasynda duşuşyk geçirildi diýip, DIM-niň saýtynda habar berilýär.
OPEK 2023-nji we 2024-nji ýyllar üçin nebite islegiň ösüş çaklamasyny saklap galdy
2023-nji ýylda nebite bolan isleg 2022-nji ýyldaka garanda günde 2,44 mln barrel artyp — günde 102,01 mln barrele ýeter, 2024-nji ýylda bolsa ýene-de 2,25 b/g artyp — 104,25 mln b/g ýeter. Şeýle çaklamalar OPEK-iň aýlyk hasabynda getirilýär diýip, Interfaks habar berýär. Şeýlelikde, gurama geçen aýda edilen çaklamalaryny saklap galdy.
Azerbaýjan Türkmenistanyň sargydy boýunça suwasty turbageçiriji çekdi
«Azerbaýjan hazar deňzi gämiçili» (ASCO) ÝGPJ degişli bolan «Suleýman Wezirow» gämi-turba geçiriji Hazar deňzinde Lam and Zhdanov nebit käninde suwasty turba geçirijiniň gurluşygyny tamamlady. Işler Türkmenistanyň sargydy boýunça ýerine ýetirildi diýip, ASCO-nyň metbugat gullugy habar berýär.
Nebit RF-niň ABŞ-a ibermelerini togtatmak mümkinçiligi zerarly barreli üçin 139 dollara çenli ýokarlandy
Duşenbe güni nebit barreli üçin 140 dollara çenli ýetip, 2008-nji ýyldan bäri iň ýokary derejesine çykdy. Bu ýagdaý ABŞ-nyň Russiýanyň importyna gadaganlyk goýmak mümkinçiliginiň netijesinde ýüze çykdy, diýip Interfaks habar berýär.