HNGU-da ýaşlaryň hukuk we terbiýe meseleleri boýunça duşuşyk geçirildi
10:03 09.05.2026 1231
Ýagşygeldi Kakaýew adyndaky Halkara nebit we gaz uniwersitetinde wagyz-nesihat duşuşygy geçirildi.
Çäräniň dowamynda Türkmenistanyň Mejlisiniň, Içeri işler ministrliginiň, Baş prokuraturasynyň, Ýokary kazyýetiň, Bilim ministrliginiň, Saglygy goraýyş we derman senagaty ministrliginiň, Demokratik partiýanyň, Kärdeşler arkalaşyklarynyň Milli merkeziniň, şeýle-de Magtymguly adyndaky Ýaşlar guramasynyň Merkezi geňeşiniň wekilleri çykyş etdiler.
Bellenilip geçilişi ýaly, «Garaşsyz, baky Bitarap Türkmenistan — bedew batly at-myradyň mekany» şygary astynda geçýän ýylda Türkmenistanyň Konstitusiýasyna, kanunlaryna we hukuk tertibine eýerilmegine, ýurtda alnyp barylýan döwlet syýasatynyň mazmunyny düşündirmäge, şeýle-de hukuk bozulmalarynyň öňüni almaga aýratyn üns berilýär.
Çykyşlarda ýaş nesliň arasynda watansöýüjilik we ahlaklylyk ýaly häsiýetleri kemala getirmekde nesilden-nesle geçip gelýän däp-dessurlaryň hem-de pederlerimiziň baý medeni mirasynyň möhüm orun tutýandygy nygtaldy. Bu ugurda milli ahlak ýörelgelerine eýermek, asyllylygy we pespälligi saklamak häzirki zaman ýaşlary üçin nusga bolup hyzmat edýär.
Mundan başga-da, çykyş edenler talyplaryň internetden maksadalaýyk peýdalanmaklary, jemgyýetçilik ýerlerinde özüňi alyp barmagyň kadalary, şeýle-de ýurdumyzyň awtoýollarynda ýol hereketiniň düzgünlerini berjaý etmek barada durup geçdiler diýlip, www.turkmennebit.gov.tm saýtynda habar berilýär.
Türkmenistan Hazarda ekologiýa howpsuzlygy boýunça Hazarýaka döwletleriniň ýolbaşçylarynyň ýörite sammitini geçirmegi teklip etdi
Türkmenistanyň ýolbaşçylygy derwaýys meseleleri ara alyp maslahatlaşmak we Hazarda ekologiýa howpsuzlygyny üpjün etmek boýunça işleri güýçlendirmek maksady bilen, Hazarýaka döwletleriniň ýolbaşçylarynyň ýörite sammitini geçirmek baradaky başlangyjy beýan etdi.
Türkmenistanyň we Russiýa Federasiýasynyň daşary işler ministrleri hyzmatdaşlygyň ileri tutulýan ugurlaryny maslahatlaşdylar
25-nji iýunda Türkmenistanyň Daşary işler ministrliginde Türkmenistanyň daşary işler ministri R.Ö.Meredow bilen Aşgabat şäherine sapar bilen gelen Russiýa Federasiýasynyň daşary işler ministri S.W.Lawrowyň arasynda duşuşyk geçirildi diýip, DIM-niň saýtynda habar berilýär.
OPEK 2023-nji we 2024-nji ýyllar üçin nebite islegiň ösüş çaklamasyny saklap galdy
2023-nji ýylda nebite bolan isleg 2022-nji ýyldaka garanda günde 2,44 mln barrel artyp — günde 102,01 mln barrele ýeter, 2024-nji ýylda bolsa ýene-de 2,25 b/g artyp — 104,25 mln b/g ýeter. Şeýle çaklamalar OPEK-iň aýlyk hasabynda getirilýär diýip, Interfaks habar berýär. Şeýlelikde, gurama geçen aýda edilen çaklamalaryny saklap galdy.
Azerbaýjan Türkmenistanyň sargydy boýunça suwasty turbageçiriji çekdi
«Azerbaýjan hazar deňzi gämiçili» (ASCO) ÝGPJ degişli bolan «Suleýman Wezirow» gämi-turba geçiriji Hazar deňzinde Lam and Zhdanov nebit käninde suwasty turba geçirijiniň gurluşygyny tamamlady. Işler Türkmenistanyň sargydy boýunça ýerine ýetirildi diýip, ASCO-nyň metbugat gullugy habar berýär.
Nebit RF-niň ABŞ-a ibermelerini togtatmak mümkinçiligi zerarly barreli üçin 139 dollara çenli ýokarlandy
Duşenbe güni nebit barreli üçin 140 dollara çenli ýetip, 2008-nji ýyldan bäri iň ýokary derejesine çykdy. Bu ýagdaý ABŞ-nyň Russiýanyň importyna gadaganlyk goýmak mümkinçiliginiň netijesinde ýüze çykdy, diýip Interfaks habar berýär.