Türkmenistan sebit hyzmatdaşlygyny ösdürmekde YHG-nyň çäklerinde energetika dialogyny öňe sürýär
10:13 21.05.2026 1213
Türkmenistanyň wekiliýeti 17-nji maýda geçirilen Ykdysady Hyzmatdaşlyk Guramasynyň (YHG) Sebit Meýilleşdiriş Geňeşiniň (SMG) 36-njy mejlisine gatnaşdy. Çäre gibrid görnüşinde guralyp, ol Pakistan Yslam Respublikasynyň başlyklyk etmeginde 2026-njy ýylyň 20-nji maýyna çenli dowam eder.
Duşuşyk «Durnukly YHG üçin sebitleýin galkyndyrmak» şygary astynda geçdi we Gurama agza döwletleriň wekiliýet ýolbaşçylaryny SMG-nyň 35-nji mejlisiniň kararlarynyň durmuşa geçirilişiniň barşyny ara alyp maslahatlaşmak, şeýle hem 2026-njy ýyl üçin Iş maksatnamasyny we Çäreleriň senenamasyny tassyklamak üçin ýygnady.
Türkmenistanyň wekiliýetiniň ýolbaşçysy öz çykyşynda sebit hyzmatdaşlygyny ösdürmek boýunça ýurdumyzyň esasy garaýyşlaryny beýan etdi. Ileri tutulýan ugurlaryň hatarynda şular bar: ulag-logistika integrasiýasyny çuňlaşdyrmak; energetika dialogyny öňe sürmek; söwda-ykdysady gatnaşyklary giňeltmek; ynsanperwer gatnaşyklary berkitmek.
Çykyşda Aziýa we Ýewropa sebitlerini birleşdirýän üstaşyr geçelgeleriniň möhüm halkasy hökmünde Türkmenbaşy Halkara deňiz portunyň ähmiýeti aýratyn bellenildi. Türkmen tarapy, şeýle hem «Gündogar–Günbatar» we «Demirgazyk–Günorta» geçelgelerini has-da ösdürmäge, multimodal düzümleri döretmäge we sebitiň logistika mümkinçiliklerini giňeltmäge goldaw bildirdi.
Ekologik gün tertibiniň nukdaýnazarynda Türkmenistanyň wekiliýeti energiýa üpjünçiliginiň marşrutlaryny diwersifikasiýalaşdyrmagyň, ygtybarly we durnukly energetika howpsuzlygyny üpjün etmegiň, şeýle hem döwrebap energiýa netijeli tehnologiýalaryny we «ýaşyl» ösüş ýörelgelerini ornaşdyrmagyň möhümdigini belledi.
Türkmenistan 2035-nji ýyla çenli ykdysady hyzmatdaşlygyň Strategik maksatlarynyň üstünde alnyp barylýan işleri goldaýandygyny bildirdi. Şunuň bilen birlikde, ýurdumyz YHG-nyň işine mundan biläni hem işjeň gatnaşmaga, bilelikdäki maksatnamalaryň we başlangyçlaryň durmuşa geçirilmegine netijeli goşant goşmaga, şeýle-de Guramanyň halkara giňişligindäki ornuny we abraýyny berkitmäge taýýardygyny tassyklady diýip, Türkmenistanyň DIM-nde habar berdiler.
Türkmenistan Hazarda ekologiýa howpsuzlygy boýunça Hazarýaka döwletleriniň ýolbaşçylarynyň ýörite sammitini geçirmegi teklip etdi
Türkmenistanyň ýolbaşçylygy derwaýys meseleleri ara alyp maslahatlaşmak we Hazarda ekologiýa howpsuzlygyny üpjün etmek boýunça işleri güýçlendirmek maksady bilen, Hazarýaka döwletleriniň ýolbaşçylarynyň ýörite sammitini geçirmek baradaky başlangyjy beýan etdi.
Türkmenistanyň we Russiýa Federasiýasynyň daşary işler ministrleri hyzmatdaşlygyň ileri tutulýan ugurlaryny maslahatlaşdylar
25-nji iýunda Türkmenistanyň Daşary işler ministrliginde Türkmenistanyň daşary işler ministri R.Ö.Meredow bilen Aşgabat şäherine sapar bilen gelen Russiýa Federasiýasynyň daşary işler ministri S.W.Lawrowyň arasynda duşuşyk geçirildi diýip, DIM-niň saýtynda habar berilýär.
OPEK 2023-nji we 2024-nji ýyllar üçin nebite islegiň ösüş çaklamasyny saklap galdy
2023-nji ýylda nebite bolan isleg 2022-nji ýyldaka garanda günde 2,44 mln barrel artyp — günde 102,01 mln barrele ýeter, 2024-nji ýylda bolsa ýene-de 2,25 b/g artyp — 104,25 mln b/g ýeter. Şeýle çaklamalar OPEK-iň aýlyk hasabynda getirilýär diýip, Interfaks habar berýär. Şeýlelikde, gurama geçen aýda edilen çaklamalaryny saklap galdy.
Azerbaýjan Türkmenistanyň sargydy boýunça suwasty turbageçiriji çekdi
«Azerbaýjan hazar deňzi gämiçili» (ASCO) ÝGPJ degişli bolan «Suleýman Wezirow» gämi-turba geçiriji Hazar deňzinde Lam and Zhdanov nebit käninde suwasty turba geçirijiniň gurluşygyny tamamlady. Işler Türkmenistanyň sargydy boýunça ýerine ýetirildi diýip, ASCO-nyň metbugat gullugy habar berýär.
Nebit RF-niň ABŞ-a ibermelerini togtatmak mümkinçiligi zerarly barreli üçin 139 dollara çenli ýokarlandy
Duşenbe güni nebit barreli üçin 140 dollara çenli ýetip, 2008-nji ýyldan bäri iň ýokary derejesine çykdy. Bu ýagdaý ABŞ-nyň Russiýanyň importyna gadaganlyk goýmak mümkinçiliginiň netijesinde ýüze çykdy, diýip Interfaks habar berýär.