«Ak şäherim Aşgabat» forumynda strategik ylalaşyklaryň toplumyna gol çekildi
16:13 26.05.2026 896
Birnäçe daşary ýurt kompaniýalary bilen hyzmatdaşlyk baradaky resminamalara gol çekişmek dabarasy «Ak şäherim Aşgabat» atly XXV köpugurly halkara sergisiniň we maslahatynyň merkezi wakasy boldy. Bu bolsa Türkmenistanyň işjeň halkara hyzmatdaşlygyna we tehnologik ösüşe ymtylýandygyny ýene-de bir gezek tassyklady. Bu barada “Türkmenistan: Altyn asyr” elektron neşiri habar berýär.
Çärä Türkmenistanyň Hökümetiniň, pudaklaýyn ministrlikleriň we edaralaryň wekilleri, şeýle hem iri daşary ýurt kompaniýalarynyň ýolbaşçylary gatnaşdylar. Baglaşylan ylalaşyklar strategiki taýdan möhüm ugurlary — sanly tehnologiýalary, energetikany, senagaty, ulag infrastrukturasyny we şäher gurluşygyny öz içine aldy.
Forumyň esasy netijeleriniň biri Türkmenistanyň Energetika ministrliginiň, Aragatnaşyk ministrliginiň, Maliýe we ykdysadyýet ministrliginiň hem-de Singapuryň «Bitdeer Technologies Group» kompaniýasynyň arasynda özara düşünişmek hakyndaky köptaraply Ähtnama gol çekilmegi boldy. Resminama döwrebap sanly infrastrukturasyny ösdürmegi, innowasion tehnologik çözgütleri ornaşdyrmagy we ykdysady diwersifikasiýa proseslerini goldamagy göz öňünde tutýar.
Energetika pudagynda Türkmenistanyň Energetika ministrligi Ýaponiýanyň «Muroosystems Corporation» kompaniýasy bilen ylalaşyk baglaşdy. Taraplar innowasion tehnologiýalary ornaşdyrmak we pudagy döwrebaplaşdyrmak babatda hyzmatdaşlyk etmek barada ylalaşdylar.
Gün tertibindäki meselelerde senagat taslamalary aýratyn orun aldy. «Türkmenhimiýa» döwlet konserni düzümine «Mitsubishi Heavy Industries Asia Pacific Pte. Ltd.», «Mitsubishi Corporation Machinery Inc.» we Türkiýäniň «Çalık Enerji Sanayi ve Ticaret A.Ş.» kompaniýalary giren halkara konsorsiumy bilen Ähtnama gol çekdi. Ylalaşyk «Garabogazkarbamid» toplumyny tehniki taýdan hyzmat etmäge we döwrebaplaşdyrmaga gönükdirilendir. Mundan başga-da, «Türkmenhimiýa» Hytaýyň «Hong Kong Richie Sweet Co., Ltd.» kompaniýasy bilen önümçilik kuwwatlyklaryny giňeltmek we maýa goýum hyzmatdaşlygyny ösdürmek barada ylalaşyklara geldi.
Ulag pudagynda ýöriteleşdirilen tehnikalary täzelemegi, logistikany ösdürmegi we ýol infrastrukturasyny döwrebaplaşdyrmagy göz öňünde tutýan birnäçe resminama gol çekildi.
WCA 2026-nyň çäginde baglaşylan resminamalar Türkmenistanyň ykdysadyýeti, senagaty we şäher gurşawyny ösdürmäge toplumlaýyn çemeleşmegini, şeýle hem ýurduň halkara hyzmatdaşlygyny giňeltmek we häzirki zaman tehnologiýalaryny ornaşdyrmak ugrundaky syýasatyny tassyklady.
Türkmenistan Hazarda ekologiýa howpsuzlygy boýunça Hazarýaka döwletleriniň ýolbaşçylarynyň ýörite sammitini geçirmegi teklip etdi
Türkmenistanyň ýolbaşçylygy derwaýys meseleleri ara alyp maslahatlaşmak we Hazarda ekologiýa howpsuzlygyny üpjün etmek boýunça işleri güýçlendirmek maksady bilen, Hazarýaka döwletleriniň ýolbaşçylarynyň ýörite sammitini geçirmek baradaky başlangyjy beýan etdi.
Türkmenistanyň we Russiýa Federasiýasynyň daşary işler ministrleri hyzmatdaşlygyň ileri tutulýan ugurlaryny maslahatlaşdylar
25-nji iýunda Türkmenistanyň Daşary işler ministrliginde Türkmenistanyň daşary işler ministri R.Ö.Meredow bilen Aşgabat şäherine sapar bilen gelen Russiýa Federasiýasynyň daşary işler ministri S.W.Lawrowyň arasynda duşuşyk geçirildi diýip, DIM-niň saýtynda habar berilýär.
OPEK 2023-nji we 2024-nji ýyllar üçin nebite islegiň ösüş çaklamasyny saklap galdy
2023-nji ýylda nebite bolan isleg 2022-nji ýyldaka garanda günde 2,44 mln barrel artyp — günde 102,01 mln barrele ýeter, 2024-nji ýylda bolsa ýene-de 2,25 b/g artyp — 104,25 mln b/g ýeter. Şeýle çaklamalar OPEK-iň aýlyk hasabynda getirilýär diýip, Interfaks habar berýär. Şeýlelikde, gurama geçen aýda edilen çaklamalaryny saklap galdy.
Azerbaýjan Türkmenistanyň sargydy boýunça suwasty turbageçiriji çekdi
«Azerbaýjan hazar deňzi gämiçili» (ASCO) ÝGPJ degişli bolan «Suleýman Wezirow» gämi-turba geçiriji Hazar deňzinde Lam and Zhdanov nebit käninde suwasty turba geçirijiniň gurluşygyny tamamlady. Işler Türkmenistanyň sargydy boýunça ýerine ýetirildi diýip, ASCO-nyň metbugat gullugy habar berýär.
Nebit RF-niň ABŞ-a ibermelerini togtatmak mümkinçiligi zerarly barreli üçin 139 dollara çenli ýokarlandy
Duşenbe güni nebit barreli üçin 140 dollara çenli ýetip, 2008-nji ýyldan bäri iň ýokary derejesine çykdy. Bu ýagdaý ABŞ-nyň Russiýanyň importyna gadaganlyk goýmak mümkinçiliginiň netijesinde ýüze çykdy, diýip Interfaks habar berýär.