Nusgalyk şäher
15:30 29.04.2021 2978
(Ýaşlar guramasynyň bäsleşigine)
Häzirki ösen döwürde paýtagt derejesindäki şäherler döwletiň geçmişini, şu gününi we geljegini, ösüşini, ýaşaýyş derejesini açyp görkezýär. Öz döreýşi boýunça her bir paýtagt şäheriň özboluşly aýratynlyklary bar. Garaşsyz, hemişelik Bitarap Türkmenistan döwletimiziň paýtagty Aşgabat şäheriniň döreýşi türkmen halkynyň ruhy we milli galkynyşy bilen baglanyşyklydyr. Hormatly Prezidentimiz Gurbanguly Berdimuhamedowyň taýsyz tagallalary bilen Aşgabat şäheri dünýäde nusgalyk şäherleriň birine öwrüldi. «Türkmenistan — parahatçylygyň we ynanyşmagyň Watany» ýylynda Aşgabat şäheriniň döredilmeginiň 140 ýyllygynyň hem-de mukaddes Garaşsyzlygymyzyň 30 ýyllygynyň dabaralarynyň belleniljek günleri barha golaýlaşýar. Bu taryhy gün milli senenamamyza altyn harplar bilen ýazylar.
Hormatly Prezidentimiziň bu şanly seneleri nusgalyk derejede bellemek üçin görülýän taýýarlyk işlerini üns merkezinde saklamagy bilen şäheriň seýilgählerinde baýramçylyk çäreleri, sungat ussatlarynyň çykyşlary, ýörite sergiler, medeniýet we sungat işgärleriniň arasynda döredijilik bäsleşikleri giň gerim alýar. Aşgabat barada dürli döredijilik eserleriniň, wideofilmleriň taýýarlanmagy, täze, döwrebap desgalaryň dabaraly açylyşlary, geçirilýän sport ýaryşlary, aýlawlardaky at çapyşyklary ildeşlerimiziň baýramçylyk duýgularyny has-da artdyrýar.
Hormatly Prezidentimiz Aşgabat şäheriniň asudalygyň, parahatçylygyň, dost-doganlyk gatnaşyklarynyň rowaçlanýan merkezi hökmünde ykrar edilendigini belleýär. Şonuň netijesinde Aşgabady dünýäniň iň gözel we ýaşamak üçin ähli amatlyklary bolan şäherleriniň birine öwürmek boýunça yzygiderli işler durmuşa geçirilýär. Aşgabat şäheriniň ençeme gezek dürli ugurlar boýunça Ginnesiň rekordlar kitabyna girizilmegi, dünýäniň abraýly halkara guramalary tarapyndan ekologiýa abadançylygy, ilatyň ýaşaýyş-durmuş şertleriniň kämilligi, binalarynyň döwrebaplygy, bezeg aýratynlyklary boýunça mynasyp derejelere eýe bolmagy munuň aýdyň mysalydyr.
Taryhyň dürli döwürlerinde Aşgabat täzelenişiň, galkynyşyň, özgerişiň, ykbalyň göterilişiniň nusgasy bolupdyr. Häzirki wagtda gözel paýtagtymyz Gahryman Arkadagymyzyň başda durmagynda sanlyja ýyllaryň içinde täze, döwrebap keşbe eýe boldy. Ak mermer ymaratlaryň bezeg aýratynlyklary halkymyzyň milli aýratynlyklaryndan gözbaş alýar. Gojaman Köpetdagdan uzalyp gidýän döwrebap Aşgabat tebigatyň, ösen innowasion tehnologiýalaryň, eşretli durmuşyň, ösüşiň-özgerişiň beýany bolup görünýär.
Goý, mähriban halkymyzy eşretli durmuşda ýaşadýan, ýurdumyzyň ýüregi bolan gözel Aşgabat şäherimizi dünýäde nusgalyk şäherleriň birine öwren milli Liderimiziň jany sag, ömri uzak, tutumly işleri elmydama rowaç bolsun!
Arslan ATAHANOW,
Türkmen döwlet binagärlik-gurluşyk
institutynyň talyby.
Surata düşüren Arslan MÜLLIKOW.
«Mawy ýangyç» bilen bökdençsiz üpjün edilýär
Hormatly Prezidentimiziň amala aşyrýan il-ýurt bähbitli tutumlaryndan ruhlanýan Balkan welaýatynyň edara-kärhanalarynyň zähmet toparlary hem şu günler hemişelik Bitaraplygymyzyň 30 ýyllyk şanly senesiniň dabaraly belleniljek Halkara parahatçylyk we ynanyşmak ýylyny üstünliklere beslemegi maksat edinip, has-da gaýratly zähmet çekýärler.
Egsilmez gujur-gaýrat bilen
Şu ýylyň «Arkadag Serdarly bagtyýar ýaşlar ýyly» diýlip atlandyrylmagy önümçilik kärhanalarynyň işgärleriniň arasynda ýokary ruhubelentlik ýagdaýyny döretdi. Bu ýyly zähmet üstünliklerine beslemek, ýurdumyzyň bedew batly ösüşlerine mynasyp goşant goşmak ugrundaky hereket giň gerim alýar. Şeýle kärhanalaryň hatarynda «Türkmengaz» döwlet konserniniň «Lebapgazçykaryş» müdirliginiň başarjaň we zähmetsöýer işgärleri hem bar. Olar täze ýylyň ilkinji günlerinden yhlasly zähmet çekip, «mawy ýangyjyň» öndürilýän möçberlerini yzygiderli artdyrýarlar.
«Mawy ýangyç» — ojaklaryň höziri
Indi onlarça ýyldan bäri bagtyýar ildeşlerimiz gyşyn-ýazyn türkmen topragyndan alynýan «mawy ýangyjyň» hözirini görüp gelýär. Şol bir wagtyň özünde-de täze döreýän obalara, şäherçelerdir şäherlere gaz geçirijiler çekilýär.
Zähmet gadamy batlanýar
«Türkmengaz» döwlet konserniniň gazçylarynyň ýurdumyzyň sebitleriniň çäklerinde ýerleşýän gaz känleriniň ulanyş guýularyny burawlap, «mawy ýangyjyň» akymyny almak ugrundaky netijeli işlerinde konserniň beýleki edara-kärhanalarynyň işgärleri bilen birlikde, Ulaglar müdirliginiň hünärmenleridir işçileriniň hem goşantlarynyň saldamlydygyny aýtmak gerek. Kärhananyň işgärleri konserniň edara-kärhanalaryna buýurmalar esasynda ulag hyzmatlaryny öz wagtynda bökdençsiz ýerine ýetirýärler.
Zähmet gadamlary batlanýar
«Türkmengaz» döwlet konserniniň iri hem-de öňdebaryjy önümçilik düzümleriniň biri bolan «Marygazçykaryş» müdirliginiň gazçylary tebigy gazy çykarmak, ony gaýtadan işläp, sarp edijilere ugratmak boýunça geçen ýyl üçin bellenilen meýilnamalaýyn tabşyrygy üstünlikli berjaý etdiler. Gazanylan ýokary netijede gaz gorunyň möçberi boýunça dünýäde öňdäki orunlaryň birini eýeleýän «Galkynyş» gaz käninde zähmet çekýän edermen gazçylaryň mynasyp paýy bar.