Lebap welaýatynyň gaz torlaryna ýokary hilli we öz wagtynda hyzmat edilýär
08:12 26.08.2020 8195
«Lebapgazüpjünçilik» müdirliginiň önümçilik işjeňligi sarp edijileri bökdençsiz gaz bilen üpjün etmeklige, welaýatyň gaz geçirijilerine we gaz torlaryna hyzmat etmekden ybaratdyr.
Müdirlik 8,4 müň kilometrden gowrak gaz geçirijilerine, 452 sany gaz paýlaýjy beketlere, 3,8 müň sany gaz sazlaýjy beketlere hyzmat edip, Lebap welaýatynyň müňlerçe ýaşaýjylaryny «mawy ýangyç» bilen üpjün edýärler. Bu ulgamyň bökdençsiz hem kadaly işläp durmagyny müdirligiň ýokary hünär taýýarlykly hünärmenleri üpjün edýär.
Häzirki wagtda ýurdumyzyň çetli ilatly nokatlaryny gaz bilen üpjün etmek boýunça işler dowam edýär. Bu ugurda «Lebapgazüpjünçilik» müdirligi meýilnamalaýyn işleri alyp barýar. Bu günki gün hünärmenler tarapyndan işleriň düýpli möçberi amal edildi.
208,7 müň sarp edijä gaz geçirijileri çekildi, galyberse-de, şu ýylyň alty aýynda bu görkeziji 1,9 müň artdy. Häzirki wagtda täze ýaşaýyş jaýlaryna getiriji hem paýlaýjy torlary çekmek hem-de olarda gaz hasaplaýjylaryny oturtmak işleri alnyp barylýar. Şular ýaly işler Türkmenabat şäherinde, Halaç we Kerki etraplarynda hem geçirilýär.
Geçen döwürde güýz-gyş möwsümine taýýarlyk boýunça işleri ýerine ýetirmekde özleşdirilen serişdeleriň möçberi 3,5 mln manada deň boldy.
«Lebapgazüpjünçilik» müdirliginiň işiniň netijeleri ýurdumyzyň ykdysadyýetiniň nebitgaz toplumynyň üstünlikli ösmegine düýpli goşandyny goşýar.
Türkmenistanda nebiti gaýtadan işleýän senagaty ösdürmegiň Konseptual strategiýasynyň tehniki-ykdysady esaslandyrmasy işlenip düzülýär
Türkmenistanyň Prezidenti Gurbanguly Berdimuhamedowyň geçen anna güni geçiren giňişleýin Hökümet mejlisinde Ministrler Kabinetiniň Başlygynyň orunbasary Ş.Abdrahmanow ýangyç-energetika toplumyndaky işleriň ýagdaýy hem-de nebiti gaýtadan işleýän senagaty kämilleşdirmek boýunça alnyp barylýan işler we ugurdaş, uzak möhletli iş meýilnamalarynyň taýýarlanylyşy barada hasabat berdi.
Türkmenistan Kazanda «Russia Halal Expo 2025» Halkara sergisinde Milli pawilýonyny hödürledi
Tatarstan Respublikasynyň paýtagtynda «Russia Halal Expo 2025» Halkara sergisi geçirilýär. Sergä Türkmenistan Milli pawilýony gatnaşýar diýip, TDH habar berýär.
Türkmenistanyň Prezidenti Petronas we ADNOC kompaniýalarynyň ýolbaşçylary bilen nebitgaz ulgamynda hyzmatdaşlygyň geljegini maslahatlaşdy
14-nji maýda Türkmenistanyň Prezident Serdar Berdimuhamedow Malaýziýanyň “PETRONAS” we Birleşen Arap Emirlikleriniň ADNOC kompaniýalarynyň ýolbaşçylary bilen duşuşyklary geçirdi.
Türkmenistanyň Prezidenti wezipesine dalaşgärleri hödürlemek we bellige almak dowam edýär
Geçen şenbe güni Türkmenistanda Saýlawlary we sala salşyklary geçirmek boýunça merkezi toparyň ýolbaşçysynyň hem-de agzalarynyň, köpçülikleýin habar beriş serişdeleriniň wekilleriniň gatnaşmagynda toparyň nobatdaky mejlisinde Türkmenistanyň Prezidenti wezipesine raýatlaryň teklipçi toparlary tarapyndan hödürlenen dalaşgärleri bellige almak meselesi girizildi.
Nebitgazçy türgenleriň üstünligi
2024-nji «Pähim-paýhas ummany Magtymguly Pyragy» ýylynda «Türkmennebit» döwlet konserniniň TNGIZT-niň Medeni-sport toplumynyň erkin göreş boýunça türgenleri, Türkmenistanyň erkin göreş boýunça ýygyndy toparynyň baş tälimçisi Afis Weliýewiň taýýarlamagynda, iýul aýynyň 5 — 7-si aralygynda Gazagystan Respublikasynyň Aktau şäherinde birnäçe döwletiň gatnaşmagynda «Kaýrat Buhanow» ýadygärligine bagyşlanyp geçirilen erkin göreş boýunça ýaryşa gatnaşdylar.