Güýz-gyş möwsümine taýýarlyk işleri başlandy
07:11 26.08.2020 9729
Mary welaýatynyň «Ýolötenetrapgaz» gaz hojalyk edarasy guramaçylyk-tehniki işleriň toplumyny ýerine ýetirmäge girişdi. Bu işleriň durmuşa geçirilmegi gaz hojalygyny geljek güýz-gyş möwsümde ygtybarly we howpsuz ulanmaklygy üpjün etmeklige gönükdirilendir.
Ähli sarp edijilere güýz-gyş möwsüminde bökdençsiz hem üznüksiz gaz üpjünçiligi üpjün etmek maksady bilen kärhanada gaz üpjünçilik ulgamlary abatlamak, gaz geçirijileri toplumlaýyn enjamlaýyn barlamak, olaryň tehniki ýagdaýyny bahalandyrmak, turba geçirijilerini çalyşmak boýunça işler alnyp barylýar.
Hususan-da, hünärmenler Ýolöten etrabynyň çäginden geçýän umumy uzynlygy 923 km bolan dürli basyşly gaz geçirijileriniň bökdençsiz işlemegini üpjün edýärler. Bu etrabyň çäginde hünärmenler 29 sany gaz paýlaýjy we 320 sany gaz sazlaýjy desgalara tehniki hyzmat işlerini ýerine ýetirýärler.
Soltanbent, Ýeňiş, Ýaşlyk geňeşliklerinde ýyladyş möwsüminiň başyna çenli gazçylar 2182 metr ýerasty gaz geçirijilerini abatladylar, 487 metrlik ýerasty turba geçirijilerini çalyşdylar. Şeýle hem uzynlygy 850 metr bolan pes basyşly gaz geçirijiniň diametrini ulaltmak we ony abatlamak boýunça işleri ýerine ýetirildi. Etrabyň obalarynda we şäherçelerinde kuwwatly gaz paýlaýjy we gaz sazlaýjy desgalara oturdyldy. Bu bolsa etrabyň ýaşaýjylaryny «mawy ýangyç» bilen bökdençsiz üpjün etmäge mümkinçilik berýär.
«Ýolötenetrapgaz» gaz hojalyk edarasy ilat arasynda hojalykda gazdan howpsuz peýdalanmak boýunça wagyz işlerine aýratyn üns berýärler. Işgärler zerur bolan serişdeler, materiallar we ýörite tehnikalar bilen üpjün edilýär. Bu bolsa gaz torlarynda meýilleşdirilen abatlaýyş-taýýarlyk işleriniň ýokary hilli we öz wagtynda ýerine ýetiriljekdigine ynam bilen aýtmaga esas berýär.
Türkmenistanda nebiti gaýtadan işleýän senagaty ösdürmegiň Konseptual strategiýasynyň tehniki-ykdysady esaslandyrmasy işlenip düzülýär
Türkmenistanyň Prezidenti Gurbanguly Berdimuhamedowyň geçen anna güni geçiren giňişleýin Hökümet mejlisinde Ministrler Kabinetiniň Başlygynyň orunbasary Ş.Abdrahmanow ýangyç-energetika toplumyndaky işleriň ýagdaýy hem-de nebiti gaýtadan işleýän senagaty kämilleşdirmek boýunça alnyp barylýan işler we ugurdaş, uzak möhletli iş meýilnamalarynyň taýýarlanylyşy barada hasabat berdi.
Türkmenistan Kazanda «Russia Halal Expo 2025» Halkara sergisinde Milli pawilýonyny hödürledi
Tatarstan Respublikasynyň paýtagtynda «Russia Halal Expo 2025» Halkara sergisi geçirilýär. Sergä Türkmenistan Milli pawilýony gatnaşýar diýip, TDH habar berýär.
Türkmenistanyň Prezidenti Petronas we ADNOC kompaniýalarynyň ýolbaşçylary bilen nebitgaz ulgamynda hyzmatdaşlygyň geljegini maslahatlaşdy
14-nji maýda Türkmenistanyň Prezident Serdar Berdimuhamedow Malaýziýanyň “PETRONAS” we Birleşen Arap Emirlikleriniň ADNOC kompaniýalarynyň ýolbaşçylary bilen duşuşyklary geçirdi.
Türkmenistanyň Prezidenti wezipesine dalaşgärleri hödürlemek we bellige almak dowam edýär
Geçen şenbe güni Türkmenistanda Saýlawlary we sala salşyklary geçirmek boýunça merkezi toparyň ýolbaşçysynyň hem-de agzalarynyň, köpçülikleýin habar beriş serişdeleriniň wekilleriniň gatnaşmagynda toparyň nobatdaky mejlisinde Türkmenistanyň Prezidenti wezipesine raýatlaryň teklipçi toparlary tarapyndan hödürlenen dalaşgärleri bellige almak meselesi girizildi.
Nebitgazçy türgenleriň üstünligi
2024-nji «Pähim-paýhas ummany Magtymguly Pyragy» ýylynda «Türkmennebit» döwlet konserniniň TNGIZT-niň Medeni-sport toplumynyň erkin göreş boýunça türgenleri, Türkmenistanyň erkin göreş boýunça ýygyndy toparynyň baş tälimçisi Afis Weliýewiň taýýarlamagynda, iýul aýynyň 5 — 7-si aralygynda Gazagystan Respublikasynyň Aktau şäherinde birnäçe döwletiň gatnaşmagynda «Kaýrat Buhanow» ýadygärligine bagyşlanyp geçirilen erkin göreş boýunça ýaryşa gatnaşdylar.