Owganystan TOPH taslamasyny durmuşa geçirmäge doly taýýar
09:12 11.03.2022 7076
Owganystan TOPH taslamasyny durmuşa geçirmäge doly taýýar. Bu barada Owganystanyň dag magdan senagaty we nebit ministriniň wezipesini ýerine ýetiriji Şahabuddin Delawar žurnalistlere habar berdi diýip, TOLO news owgan habarlar agentligi habar berýär.
«Owgan tarapyndan mesele ýok, işleri ýakyn wagtda gaýtadan dikeltmek üçin biz mümkin bolanyny ederis. Öň howpsuzlyk meselesi bardy, emma häzir Owganystandan howpsuzlyk dolulygyna üpjün edildi we TOPH boýunça hyzmatdaşlar mundan habarly» - diýip, Delawar belledi.
Mälim bolşy ýaly, ýyllyk kuwwaty 33 mlrd kub metr bolan TOPH gaz geçirijisi «Galkynyş» türkmen gaz käninden gözbaş alyp, Hyrat we Kandagar owgan şäherlerinden, Kwetta we Multan pakistan şäherlerinden geçip, Hindistanyň günbataryndaky Fazilka şäherine barar. Türkmen bleginiň gurluşygy 2015-nji ýylyň dekabrynda başlandy. 2018-nji ýylyň fewralynda owgan böleginiň gurluşygyna badalga berildi.
Bu taslama, öň, Russiýanyň, ABŞ-nyň we dünýäniň beýleki ýurtlarynyň makullamasyny alypdy. TOPH taslamasyny maliýeleşdirmek meýli barada AÖB, ÝTÖB, YÖB, Saud ösüş gaznasy we beýlekiler mälim etdi. Hünärmenleriň bahalandyrmagyna görä, taslamanyň bahasy 8-10mlrd dollara barabar bolar.
Owganystanda häkimiýet taliban hereketiniň eline geçenden soň, Hereketiň resmi wekilleriniň birnäçesi TOPH taslamasyny we ýurtdaky beýleki iri infrastruktura taslamalaryny durmuşa geçirmäge gyzyklanmalaryny bildirdiler we olaryň gurluşygynyň howpsuzlygyny kepillendirmegi wada etdiler.
Şu ýylyň ýanwar aýynyň ortalarynda «Taliban» hereketiniň DIM-i elektrik üpjünçiligi, TOPH we demir ýol aragatnaşygyny giňeltmek boýunça işleriň 2022-nji ýylyň martynda açylyp, başlanjakdygyny habar berdi.
Türkmenistanyň Halk Maslahatynyň Başlygy we Palestinanyň daşary işler ministri özara bähbitli hyzmatdaşlygy ýola goýmagyň mümkinçiliklerini maslahatlaşdylar
Penşenbe güni türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow bilen Palestina Döwletiniň daşary işler we daşary ýurtlarda ýaşaýan palestinalylaryň işleri boýunça ministri Riýad al-Malikiniň arasynda geçirilen duşuşykda özara bähbitli türkmen-palestina ykdysady gatnaşyklaryny ýola goýmak üçin giň mümkinçilikleriň barlygy maslahatlaşyldy diýip, TDH habar berýär.
Ýanwar-iýul aýlarynda Türkmenistanda jemi içerki önümiň ösüşi 6,2% boldy
2023-nji ýylyň ýanwar-iýul aýlarynda Türkmenistanda jemi içerki önümiň ösüş depgini 6,2% boldy. Bu barada maglumat geçen anna güni sanly ulgam arkaly geçirilen Hökümet mejlisinde aýdyldy.
Türkmenistanyň ýangyç-energetika toplumynda ýedi aýda alnyp barlan işleriň netijelerine garaldy
27-nji awgustda Türkmenistanyň nebitgaz toplumynyň merkezi binasynda Arkadag Serdarly bagtyýar ýaşlar ýylynyň geçen ýedi aýynda ýerine ýetirilen işleriň jemlerine bagyşlanan hasabat ýygnagy geçirildi. Onda 25-nji awgustda hormatly Prezidentimiz Serdar Berdimuhamedowyň ýurdumyzyň ykdysadyýetiniň pudaklarynda alnyp barlan işleriň netijelerine bagyşlap sanly ulgam arkaly geçiren Türkmenistanyň Ministrler Kabinetiniň mejlisinde nebitgaz toplumynyň öňünde goýan wezipeleri ara alnyp maslahatlaşyldy hem-de bu ugurda işleri has-da ilerletmegiň anyk ýollary kesgitlenildi.
Hökümet mejlisinde nebitgaz toplumynyň işiniň ýanwar-iýul aýlary boýunça işiniň netijelerine seredildi
Geçen anna güni zähmet rugsadynda bolýan Prezident Serdar Berdimuhamedow şu gün sanly ulgam arkaly Ministrler Kabinetiniň nobatdaky mejlisini geçirdi. Onda wise-premýerleriň şu ýylyň ýanwar — iýul aýlarynda ýerine ýetirilen işler baradaky hasabatlary diňlenildi hem-de ýurdumyzy durmuş-ykdysady taýdan ösdürmegiň gaýragoýulmasyz wezipelerine garaldy.
Yragyň wekiliýeti «Türkmengaz» DK bilen türkmen tebigy gazyny satyn almagyň mümkinçiliklerini maslahatlaşdy
Türkmenistanyň Nebitgaz toplumynyň Merkezi binasynda «Türkmengaz» döwlet konserniniň ýolbaşçylygy bilen Türkmenistana sapar bilen gelen Yrak Respublikasynyň arasynda gepleşikler geçirildi. Yragyň wekiliýetine Energetika ministriniň orunbasary Adil Karim Kak Ahmed we nebit ministriniň orunbasary Ezat Sabir Esmail ýolbaşçylyk etdi.