Döwranguly Atahanow - “Türkmen Milli nebitgaz kompaniýasy” ýapyk görnüşli paýdarlar jemgyýetiniň Marketing we logistika bölüminiň başlygy
21:10 27.03.2022 10176
- Ýurdumyzda amala aşyrylýan demokratik özgertmelere hil taýdan täze itergi berildi. Döwletimiziň ösüşiniň täze döwründe ata Watanymyzyň we halkymyzyň ykbaly üçin jogapkärçiligi üstüne almaga ukyply ýaş ýolbaşçylara giň ýol açyldy.
Hormatly Prezidentimiz Serdar Berdimuhamedow ýurdumyzy öňdebaryjy, senagat taýdan ösen döwlete öwürmegi özüniň baş maksady diýip kesgitledi. Şunuň bilen baglylykda ýangyç-energetika toplumyny has-da ösdürmäge, hususan-da, döwrebap tehnologiýalaryň esasynda uglewodorod serişdeleriniň gaýtadan işlenilmegine, dünýäde uly isleg bildirilýän ýokary hilli önümleriň – benziniň, polipropileniň, polietileniň we suwuklandyrylan gazyň önümçiligine aýratyn ähmiýet berilýär.
Hormatly Prezidentimiziň belleýşi ýaly, ýangyç-energetika babatda Türkmenistan geljekde hem goňşy döwletler hem-de iri möçberli ykdysady gatnaşyklar birleşdirýän beýleki ýurtlar bilen ýakyn hyzmatdaşlygy dowam etdirer. Bu ugurda Türkmenistan-Owganystan-Pakistan-Hindistan gazgeçirijisiniň taslamasyny durmuşa geçirmek möhüm ähmiýete eýe bolup durýar. Bu bolsa, ýurdumyza uly peýda getirmekden başga-da, goňşy halklaryň ojaklaryna ýylylyk we ýagtylyk getirer.
Türkmenistanyň Prezidenti maksatnamalaýyn çykyşynda logistikanyň mümkinçiliklerine uly ähmiýet berip, amatly geosyýasy ýagdaýyň, awtomobil we demir ýollarynyň bolmagy tebigy serişdeleri özleşdirmegi, gazyp almagy we gaýtadan işlemegi ýeňilleşdirýär diýip belledi.
Elbetde, biz nebitgaz pudagynyň öňünde durýan wezipeleriň gerimine we möhümligine düşünmek bilen , öz nobatynda olary üstünlikli çözmek üçin ähli güýjümizi, bilimlerimizi we tejribämizi gaýgyrmajakdygymyza ynandyrýarys.
Türkmenistanyň Halk Maslahatynyň Başlygy we Palestinanyň daşary işler ministri özara bähbitli hyzmatdaşlygy ýola goýmagyň mümkinçiliklerini maslahatlaşdylar
Penşenbe güni türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow bilen Palestina Döwletiniň daşary işler we daşary ýurtlarda ýaşaýan palestinalylaryň işleri boýunça ministri Riýad al-Malikiniň arasynda geçirilen duşuşykda özara bähbitli türkmen-palestina ykdysady gatnaşyklaryny ýola goýmak üçin giň mümkinçilikleriň barlygy maslahatlaşyldy diýip, TDH habar berýär.
Ýanwar-iýul aýlarynda Türkmenistanda jemi içerki önümiň ösüşi 6,2% boldy
2023-nji ýylyň ýanwar-iýul aýlarynda Türkmenistanda jemi içerki önümiň ösüş depgini 6,2% boldy. Bu barada maglumat geçen anna güni sanly ulgam arkaly geçirilen Hökümet mejlisinde aýdyldy.
Türkmenistanyň ýangyç-energetika toplumynda ýedi aýda alnyp barlan işleriň netijelerine garaldy
27-nji awgustda Türkmenistanyň nebitgaz toplumynyň merkezi binasynda Arkadag Serdarly bagtyýar ýaşlar ýylynyň geçen ýedi aýynda ýerine ýetirilen işleriň jemlerine bagyşlanan hasabat ýygnagy geçirildi. Onda 25-nji awgustda hormatly Prezidentimiz Serdar Berdimuhamedowyň ýurdumyzyň ykdysadyýetiniň pudaklarynda alnyp barlan işleriň netijelerine bagyşlap sanly ulgam arkaly geçiren Türkmenistanyň Ministrler Kabinetiniň mejlisinde nebitgaz toplumynyň öňünde goýan wezipeleri ara alnyp maslahatlaşyldy hem-de bu ugurda işleri has-da ilerletmegiň anyk ýollary kesgitlenildi.
Hökümet mejlisinde nebitgaz toplumynyň işiniň ýanwar-iýul aýlary boýunça işiniň netijelerine seredildi
Geçen anna güni zähmet rugsadynda bolýan Prezident Serdar Berdimuhamedow şu gün sanly ulgam arkaly Ministrler Kabinetiniň nobatdaky mejlisini geçirdi. Onda wise-premýerleriň şu ýylyň ýanwar — iýul aýlarynda ýerine ýetirilen işler baradaky hasabatlary diňlenildi hem-de ýurdumyzy durmuş-ykdysady taýdan ösdürmegiň gaýragoýulmasyz wezipelerine garaldy.
Yragyň wekiliýeti «Türkmengaz» DK bilen türkmen tebigy gazyny satyn almagyň mümkinçiliklerini maslahatlaşdy
Türkmenistanyň Nebitgaz toplumynyň Merkezi binasynda «Türkmengaz» döwlet konserniniň ýolbaşçylygy bilen Türkmenistana sapar bilen gelen Yrak Respublikasynyň arasynda gepleşikler geçirildi. Yragyň wekiliýetine Energetika ministriniň orunbasary Adil Karim Kak Ahmed we nebit ministriniň orunbasary Ezat Sabir Esmail ýolbaşçylyk etdi.