TNGIZT birinji çärýekde durnukly ösüş depginini üpjün etdi
15:27 20.04.2022 12147
Türkmenbaşydaky nebiti gaýtadan işleýän zawodlar toplumy (TNGIZT) içerki bazarlary ýokary hilli nebit önümleri bilen üpjün etmek, şeýle hem isleg bildirilýän önümleri täze görnüşlerini öndürmek boýunça öňde goýlan wezipeleri üstünlikli çözýär.
2022-nji ýylyň birinji çärýeginiň netijeleri boýunça Türkmenbaşy şäherindäki TNGIZT-niň baş zawodynda önümçiligiň ösüş infeksi 100,7 % boldy, birinji çärýek üçin meýilnama geçen ýylyň degişli döwri bilen deňeşdirilende 110,5% boldy.
Önümleriň giň toplumynyň önümçiligi boýunça durnukly ösüş gazanyldy, meýilnamalar artygy bilen ýerine ýetirildi. Netijede, bellenilen meýilnama bilen deňeşdirilende, 76 müň tonna awtomobil benzini işlenip taýýarlanyldy. Şol bir wagtda bazarda uly islegden peýdalanýan A-95 benzini öndürmek boýunça meýilnama 106,4%, ösüş depgini 112,4% boldy. A-92 benzininiň 33 müň tonnadan gowragy, A-80 benzininiň 28,5 müň tonnadan gowragy meýilnamadan artyk öndürildi.
Önümçilik görkezijileriniň oňyn depgini ähli kysymdaky kerosinleri, dizel ýangyjyny, polipropileni, suwuklandyrylan gazy, nebit bitumyny, kokslary we çalgy ýaglaryny işläp taýýarlamakda gazanyldy.
Nebiti gaýtadan işlemek boýunça çärýekleýin önümçilik maksatnamasy 110,7% ýerine ýetirildi. Şol bir wagtda öndürilen önümleriň hatarynda ýangyjyň täze görnüşleri az däl. Şolaryň hatarynda deňiz gämileri üçin 1701 tonna dizel ýangyjy, A-98 awtobenzininiň synag tapgyry we Jet A1 kysymly awiasion kerosiniň bäş ýarym tonnasy öndürildi.
Türkmenistanyň Halk Maslahatynyň Başlygy we Palestinanyň daşary işler ministri özara bähbitli hyzmatdaşlygy ýola goýmagyň mümkinçiliklerini maslahatlaşdylar
Penşenbe güni türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow bilen Palestina Döwletiniň daşary işler we daşary ýurtlarda ýaşaýan palestinalylaryň işleri boýunça ministri Riýad al-Malikiniň arasynda geçirilen duşuşykda özara bähbitli türkmen-palestina ykdysady gatnaşyklaryny ýola goýmak üçin giň mümkinçilikleriň barlygy maslahatlaşyldy diýip, TDH habar berýär.
Ýanwar-iýul aýlarynda Türkmenistanda jemi içerki önümiň ösüşi 6,2% boldy
2023-nji ýylyň ýanwar-iýul aýlarynda Türkmenistanda jemi içerki önümiň ösüş depgini 6,2% boldy. Bu barada maglumat geçen anna güni sanly ulgam arkaly geçirilen Hökümet mejlisinde aýdyldy.
Türkmenistanyň ýangyç-energetika toplumynda ýedi aýda alnyp barlan işleriň netijelerine garaldy
27-nji awgustda Türkmenistanyň nebitgaz toplumynyň merkezi binasynda Arkadag Serdarly bagtyýar ýaşlar ýylynyň geçen ýedi aýynda ýerine ýetirilen işleriň jemlerine bagyşlanan hasabat ýygnagy geçirildi. Onda 25-nji awgustda hormatly Prezidentimiz Serdar Berdimuhamedowyň ýurdumyzyň ykdysadyýetiniň pudaklarynda alnyp barlan işleriň netijelerine bagyşlap sanly ulgam arkaly geçiren Türkmenistanyň Ministrler Kabinetiniň mejlisinde nebitgaz toplumynyň öňünde goýan wezipeleri ara alnyp maslahatlaşyldy hem-de bu ugurda işleri has-da ilerletmegiň anyk ýollary kesgitlenildi.
Hökümet mejlisinde nebitgaz toplumynyň işiniň ýanwar-iýul aýlary boýunça işiniň netijelerine seredildi
Geçen anna güni zähmet rugsadynda bolýan Prezident Serdar Berdimuhamedow şu gün sanly ulgam arkaly Ministrler Kabinetiniň nobatdaky mejlisini geçirdi. Onda wise-premýerleriň şu ýylyň ýanwar — iýul aýlarynda ýerine ýetirilen işler baradaky hasabatlary diňlenildi hem-de ýurdumyzy durmuş-ykdysady taýdan ösdürmegiň gaýragoýulmasyz wezipelerine garaldy.
Yragyň wekiliýeti «Türkmengaz» DK bilen türkmen tebigy gazyny satyn almagyň mümkinçiliklerini maslahatlaşdy
Türkmenistanyň Nebitgaz toplumynyň Merkezi binasynda «Türkmengaz» döwlet konserniniň ýolbaşçylygy bilen Türkmenistana sapar bilen gelen Yrak Respublikasynyň arasynda gepleşikler geçirildi. Yragyň wekiliýetine Energetika ministriniň orunbasary Adil Karim Kak Ahmed we nebit ministriniň orunbasary Ezat Sabir Esmail ýolbaşçylyk etdi.