Teklibiň peselmek howatyrlanmasynyň netijesinde Brent-iň bahasy 107,93 dollara ýetdi
09:25 22.04.2022 11608
ABŞ-da gorlaryň düýpli azalmagynda dünýä bazarynda teklibiň peselmek howatyrlanmasy zerarly nebitiň bahalary penşenbe güni ýokarlanýar.
Syýasy dawalar zerarly Liwiýada önümçilik pese düşdi, şol bir wagtda Ýewropada rus energiýa serişdeleriniň importyny çäklendirmek mümkinçiligi ara alnyp maslahatlaşylmagyny dowam edýär. Şeýlelikde, GFR-niň DIM-niň ýolbaşçysy Annalena Berbok 20-nji aprelde Germaniýanyň ýylyň ahyryna çenli rus nebitini import etmekden doly el çekjekdigini beýan etdi.
Interfaksyň habar bermegine görä, Brent söwda belgili nebitiň bahasy Londonyň ICE Futures biržasynda 1,06% gymmatlap, 107,93 dollara ýetdi. Öňküsi gün ol 106,8 dollardan satylýardy.
WTI-niň bahasy Nýu-Ýorkuň haryt biržasynda (NYMEX) 0,97% gymmatlap, 103,18 dollara bardy. Öňküsi gün ol 102,19 dollardan satylýardy.
ABŞ-da nebitiň harytlyk ätiýaçlyklary geçen hepdede 8,02 mln barrel azalyp — 413,73 mln barrele ýetdi. Muňa ABŞ-nyň energetika ministrliginiň maglumatlary şaýatlyk edýär. Bloomberg agentligi tarapyndan sorag edilen bilermenleriň bellemegine görä, gorlaryň ortaça 3 mln barrel artmagyna garaşylýardy.
Nymex-de satylýan nebitiň saklanýan Kuşing (Oklahoma) terminalynyň ätiýaçlyk gorlary 185 müň barrel azalyp, 26,2 mln barrele ýetdi diýip, Energetika ministrligi habar berýär. ABŞ-da nebit önümçiligi günde 100 müň barrel artyp, 11,9 mln b/s-e ýetdi.
Türkmenistanyň Halk Maslahatynyň Başlygy we Palestinanyň daşary işler ministri özara bähbitli hyzmatdaşlygy ýola goýmagyň mümkinçiliklerini maslahatlaşdylar
Penşenbe güni türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow bilen Palestina Döwletiniň daşary işler we daşary ýurtlarda ýaşaýan palestinalylaryň işleri boýunça ministri Riýad al-Malikiniň arasynda geçirilen duşuşykda özara bähbitli türkmen-palestina ykdysady gatnaşyklaryny ýola goýmak üçin giň mümkinçilikleriň barlygy maslahatlaşyldy diýip, TDH habar berýär.
Ýanwar-iýul aýlarynda Türkmenistanda jemi içerki önümiň ösüşi 6,2% boldy
2023-nji ýylyň ýanwar-iýul aýlarynda Türkmenistanda jemi içerki önümiň ösüş depgini 6,2% boldy. Bu barada maglumat geçen anna güni sanly ulgam arkaly geçirilen Hökümet mejlisinde aýdyldy.
Türkmenistanyň ýangyç-energetika toplumynda ýedi aýda alnyp barlan işleriň netijelerine garaldy
27-nji awgustda Türkmenistanyň nebitgaz toplumynyň merkezi binasynda Arkadag Serdarly bagtyýar ýaşlar ýylynyň geçen ýedi aýynda ýerine ýetirilen işleriň jemlerine bagyşlanan hasabat ýygnagy geçirildi. Onda 25-nji awgustda hormatly Prezidentimiz Serdar Berdimuhamedowyň ýurdumyzyň ykdysadyýetiniň pudaklarynda alnyp barlan işleriň netijelerine bagyşlap sanly ulgam arkaly geçiren Türkmenistanyň Ministrler Kabinetiniň mejlisinde nebitgaz toplumynyň öňünde goýan wezipeleri ara alnyp maslahatlaşyldy hem-de bu ugurda işleri has-da ilerletmegiň anyk ýollary kesgitlenildi.
Hökümet mejlisinde nebitgaz toplumynyň işiniň ýanwar-iýul aýlary boýunça işiniň netijelerine seredildi
Geçen anna güni zähmet rugsadynda bolýan Prezident Serdar Berdimuhamedow şu gün sanly ulgam arkaly Ministrler Kabinetiniň nobatdaky mejlisini geçirdi. Onda wise-premýerleriň şu ýylyň ýanwar — iýul aýlarynda ýerine ýetirilen işler baradaky hasabatlary diňlenildi hem-de ýurdumyzy durmuş-ykdysady taýdan ösdürmegiň gaýragoýulmasyz wezipelerine garaldy.
Yragyň wekiliýeti «Türkmengaz» DK bilen türkmen tebigy gazyny satyn almagyň mümkinçiliklerini maslahatlaşdy
Türkmenistanyň Nebitgaz toplumynyň Merkezi binasynda «Türkmengaz» döwlet konserniniň ýolbaşçylygy bilen Türkmenistana sapar bilen gelen Yrak Respublikasynyň arasynda gepleşikler geçirildi. Yragyň wekiliýetine Energetika ministriniň orunbasary Adil Karim Kak Ahmed we nebit ministriniň orunbasary Ezat Sabir Esmail ýolbaşçylyk etdi.