Uglewodorodlary çykarmagyň ekologiýa jähtler we «ýaşyl» energetika geçiş — maslahatyň üns merkezinde
13:21 23.06.2022 10788
Şu gün irden Aşgabatdaky «Ýyldyz» otelinde «Uglewodorod serişdelerini çykarmagyň ekologiýa jähtleri» Halkara ylmy maslahaty öz işine başlady. Maslahat «GaffneyCline» britan kompaniýasynyň goldamagynda «Turkmen Forum» kompaniýasy bilen hyzmatdaşlykda «Türkmengaz» we «Türkmennebit» döwlet konsernleri tarapyndan guralýar.
Gibrid görnüşde geçirilýän bu duşuşyga gatnaşmak üçin dünýäniň dürli ýurtlaryndan 100-den gowrak wekil bellige alyndy. Garaşylyşy ýaly, Maslahatyň mejlislerinde dürli institutlara we dünýäniň öňdebaryjy nebitgaz kompaniýalaryna wekilçilik edýän 30-dan gowrak wekil çykyş eder. Olaryň hatarynda: Halkara energetika agentligi, OPEC, ESKATO, BMG, BMGÖM, ÝHHG, SPE, Metan zyňyndysy boýunça halkara obserwatoriýasy we beýlekiler.
Türkmenistandan maslahatda ministrlikleriň we edaralaryň wekilleri: Oba hojalyk we daşky gurşawy goramak ministrliginiň, Daşary işler minsitrliginiň, Energetika ministrliginiň, «Türkmengaz» döwlet konserniniň, «Türkmengeologiýa» döwlet korporasiýasynyň, «Türkmengaz» we «Türkmennebit» ylmy-barlag institutlarynyň, «Türkmenenergo» döwlet korporasiýasynyň wekilleri bar.
Maslahata şeýle hem Petronas, Dragon Oil, Shell, Itochu, Mitsubishi, GaffneyCline, Honeywell, Schlumberger, Vitol, Sojitz we beýleki köp sanly daşary ýurt kompaniýalarynyň wekilleri gatnaşýar.
Gatnaşyjylaryň hatarynda şeýle hem Ýewropanyň täzeleniş we ösüş bankynyň, Energetika barlaglarynyň Oksford institutynyň, Türkmenistanyň Ylymlar akademiýasynyň, Ýagşygeldi Kakaýew adyndaky Halkara nebit we gaz uniwersitetiniň wekilleri bar.
Ylmy maslahatyň işini köp sanly daşary ýurt habar beriş serişdeleri, şol sanda Russiýanyň, Beýik Briýaniýanyň, ABŞ-nyň, Fransiýanyň, Azerbaýjanyň, Türkiýäniň we beýleki ýurtlaryň habarlar agentlikleri şöhlelendirýär.
Maslahatyň aýratyn bölümçesiniň çäginde uglewodorodlary işläp taýýarlamgyň ekologiýa jähtleri we täze eýýamyň energetikasyna geçiş, metanyň we СО2-niň zyňyndylaryny azaltmak, ekologiýa we klimat maliýeleşdirmesiniň täze mümkinçilikleri, arassa energetikany ilerletmegiň başlangyçlary ýaly meseleler maslahatlaşylýar.
Aýratyn panel diskussiýasynyň çäklerinde «Wodorod – geljegiň ýangyjy» maslahatlaşmasy, şeýle hem täze eýýamyň energetikasyna geçmekde uglerod bazarlarynyň orny, dikeldilýän energetikanyň mümkinçilikleri we energetika ulgamynyň diwersifikasiýasy, gün we ýel energetikasynyň ösüşi, tebigy gaz we energiýanyň dikeldilýän çeşmeleri ýaly temalar ara alnyp maslahatlaşylar.
Energetika hyzmatdaşlygyny ösdürmek — Azerbaýjanyň wekiliýeti bilen duşuşygyň üns merkezinde
Çarşenbe güni Türkmenistanyň Daşary işler ministrliginiň binasynda wise-premýer, Türkmenistanyň Daşary işler ministri Raşid Meredowyň Aşgabada iş sapary bilen gelen Azerbaýjan Respublikasynyň Ykdysadyýet ministri Mikail Jabbarowyň baştutanlygyndaky wekilýet bilen duşuşygynda energetika ulgamynda ikitaraplaýyn hyzmatdaşlygy ösdürmegiň mümkinçilikleri ara alnyp maslahatlaşyldy. Bu barada Türkmenistanyň daşary syýasat edarasynyň saýty habar berýär.
Türkmenistanyň DIM-niň ýolbaşçysy Eýranyň energetika ministri bilen energetika we gaz pudagynda hyzmatdaşlygy maslahatlaşdy
Türkmenistanyň Daşary işler ministrliginde Raşid Meredow bilen Eýranyň Energetika ministri Abbas Aliabadiniň arasynda geçirilen duşuşykda energetika we gaz pudaklarynda ikitaraplaýyn hyzmatdaşlygyň meseleleri maslahatlaşyldy diýip, türkmen daşary syýasat edarasynyň saýtynda habar berilýär.
«Halkara ulag-üstaşyr geçelgeleri: özara baglanyşyklylyk we ösüş» Halkara maslahaty 18-20-nji iýulda geçiriler
18-20-nji iýulda Aşgabatda «Halkara ulag-üstaşyr geçelgeleri: özara baglanyşyklylyk we ösüş» Halkara maslahaty geçiriler. Forumyň maksady pandemiýadan soňky dikeldiş boýunça ileri tutulýan meseleleri maslahatlaşmak, halkara daşamalar ulgamynda täze şertlere uýgunlaşmak we netijeli halkara ulag-üstaşyr geçelgelerini ösdürmek bolup durýar.
Türkmenistanyň Prezidenti ABŞ-nyň işewür toparlarynyň wekilleri bilen hyzmatdaşlygyň ileri tutulýan ugurlaryny maslahatlaşdy
16-njy dekabr Prezident Serdar Berdimuhamedow Türkmen-amerikan işewürlik maslahatyna gatnaşmak üçin ýurdumyza gelen ABŞ-nyň işewür toparlarynyň wekilleri bilen hyzmatdaşlygyň ileri tutulýan ugurlaryny maslahatlaşdy diýip, TDH habar berýär.
Türkmenistan we Ýaponiýa ykdysady hyzmatdaşlygy giňeltmegiň meselelerini maslahatlaşdylar
16-njy dekabrda Aşgabatda “Ýyldyz” otelinde Ykdysady hyzmatdaşlyk boýunça türkmen-ýapon komitetiniň 15-nji mejlisi geçirildi.