HEA-nyň ýolbaşçylygy bilen onlaýn-duşuşykda hyzmatdaşlygyň ugurlary maslahatlaşyldy
15:06 10.07.2020 3528
Halkara energetika agentliginiň Ýerine ýetiriji direktory Fatih Birol bilen Türkmenistanyň Ministrler Kabinetiniň Nebitgaz meseleleri boýunça orunbasary M.Meredowyň arasynda onlaýn görnüşinde geçirilen duşuşykda Halkara energetika agentligi bilen Türkmenistanyň ykdysadyýetiniň gaz, nebit we energetika sektorlarynda bilelikdäki syny taýýarlamagyň mümkinçilikleri ara alnyp maslahatlaşyldy.
Türkmenistanyň Nebitgaz toplumynyň Merkezi edarasynda gurnalan duşuşykda halkara bazarlarynyň öwrülişiginde orta möhletleýin we uzak möhletleýin görnüşde çaklamalary taýýarlamak boýunça hem-de energiýa täsirliligini ýokarlandyrmakda we “ýaşyl” energetikada tehnologiýalary ornaşdyrmak boýunça gysga möhletli okuwlary gurnamak arkaly hünärmenleri taýýarlamak boýunça tekliplere seredildi.
Duşuşygyň ahyrynda energiýanyň alternatiw we gaýtadan dikeldilýän çeşmeleri boýunça hyzmatdaşlygy ýola goýmak we ösdürmek meseleleri ara alnyp maslahatlaşyldy.
Mundan öň, halkara maslahatlarynda we prezentasiýalarda habar berlişi ýaly, Türkmenistanyň uglewodorod serişdeleriniň potensial gory 71,2 mlrd tonna nebite barabar bolup, şonuň 53 mlrd tonnasy gury ýere, 18,2 mlrd tonnasy bolsa deňiz bölegine düşýär.
«Gafney, Cline & Associates» britan garaşsyz kompaniýasynyň hasaplamasyna görä, diňe «Galkynyş» ägirt uly gaz käniniň gory 27,4 trln kub metr tebigy gaz möçberinde bahalandyrylýar. Onuň senagat taýdan özleşdirilmegi iri möçberli turba geçiriji, infrastruktura we gazy gaýtadan işleýiş taslamalaryny durmuşa geçirmäge ýardam eder.
Häzirki wagtda Türkmenistan «mawy ýangyjyny» Hytaýa we Russiýa eksport edýär. Türkmenistan – Owganystan – Pakistan – Hindistan gaz geçirijisiniň türkmen böleginde gurluşyk işleri alnyp barylýar. «Türkmengaz» döwlet konserni gazy Ýewropa bazarlaryna eksport etmegiň mümkinçiliklerini öwrenýär.
Türkmenistanyň tebigy gaz eksportyny ösdürmek bilen bir hatarda taýýar bolan gazhimiýa önümlerini öndürmek üçin gazy gaýtadan işlemeklik işi hem ýokary depginlerde alnyp barylýar. Netijede, Balkan welaýatynda Gyýanlyda her ýylda 5 mlrd kub metr gazy gaýtadan işlemäge we 386 müň tonna polietilen hem-de 81 müň tonna polipropilen öndürmäge niýetlenen polimer zawody hereket edýär.
Ahal welaýatyndaky Owadandepe diýen ýerde tebigy gazdan 600 müň tonna ECO-93 benzinini, şeýle hem 12 müň tonna arassalanan dizel ýangyjyny we 115 müň tonna suwuklandyrylan gazy öndürmek üçin niýetlenen dünýäde ilkinji zawod işe girizildi.
Geljekde tebigy gazy gaýtadan işleýän we dürli görnüşli taýýar gazhimiýa önümlerini öndürýän täze desgalary gurmak meýilleşdirilýär.
«Awazada» geçirilen maslahatda Hazar sebitiniň döwletleriniň dürli ugurlarda özara gatnaşyklary ara alnyp maslahatlaşyldy
12-nji awgustda «Awaza» milli syýahatçylyk zolagynda geçirilen «Hazar deňzi — parahatçylyk we dostluk deňzi” atly ylmy-amaly maslahatda Hazar sebitiniň döwletleriniň mundan beýläkki özara gatnaşyklary bilen bagly meseleler ara alnyp maslahatlaşyldy.
Birža söwdalarynda ýol bitumy, suwuklandyrylan gaz, polipropilen ýerlenildi
Geçen hepdede Türkmenistanyň Döwlet haryt-çig mal biržasynyň söwdalarynda geleşikleriň 44-si hasaba alyndy.
Pakistanyň ministri bilen TOPH taslamasy barada pikir alşyldy
Türkmenistanyň Daşary işler ministri Raşid Meredow Pakistan Yslam Respublikasynyň senagat we önümçilik boýunça federal ministri Rana Tanwir Hussein bilen duşuşdy.
Türkmenistan Hazarüsti gazgeçirijisiniň taslamasy boýunça ýewropaly hyzmatdaşlary bilen özara gatnaşyklary dowam etmäge taýýar — DIM-niň ýolbaşçysy
Türkmenistan Hazarüsti gazgeçirijisiniň taslamasy boýunça ýewropaly hyzmatdaşlary bilen özara gatnaşyklary dowam etmäge taýýar. Bu barada Türkmenistanyň daşary işler ministri Raşid Meredow 12-nji awgustda «Awaza» milli syýahatçylyk zolagynda geçirilen «Hazar deňzi – parahatçylyk we dostluk deňzi» atly maslahatda eden çykyşynda belledi.
Nebitgazçylaryň we geologlaryň hünär baýramçylygy dabaraly pursatlara beslendi
Nebitgaz toplumynyň merkezi edara binasynda ,,Türkmenistan – parahatçylygyň we ynanyşmagyň Watany’’ ýylynda nebitgaz senagatynda we geologiýa pudagynda ýetilen sepgitler’’ atly dabaraly maslahat geçirildi. Türkmenistanyň Ministrler Kabinetiniň Başlygynyň orunbasary Şahym Abdrahmanowyň ýolbaşçylygynda geçirilen maslahata degişli toplumyň ýolbaşçylary, edara-kärhanalarynyň işgärleri we hünärmenleri gatnaşdy. Ilki bilen wise-premýer Nebitgaz senagaty we geologiýa işgärleriniň güni mynasybetli hormatly Prezidentimiziň iberen Gutlagyny okady.