Innowasiýalar we täze tehnologiýalar «Türkmennebit» bilen «Tatneftiň» netijeli hyzmatdaşlygynyň girewi
03:32 26.08.2020 3701
«Türkmennebit» döwlet konserni öz işini, esasan, Türkmenistanyň günbatar sebitinde alyp barýar. BU ýerde nebit känleri jemlenendir. Olaryň aglabasy baryp XIX asyryň ahyrlaryndan senagat taýdan ulanylyp başlanypdyr.Bu sebitiň ähli känleri diýen ýaly, çylşyrymly geologiki şerleri bilen häsiýetlendirilýär, köp plastly gurluşa eýe, şol sanda onlarça aýry gorlar bar. Şulary nazara alyp, bu känlerden nebitiň çykarylyşyny işjeňleşdirmek üçin innowasion tehnologiýalaryň we ýokary netijeli enjamlaryň ornaşdyrylmagy aýratyn möhüm ähmiýete eýedir.Şu maksat bilen «Türkmennebit» DK daşary ýurtly hyzmatdaşlar bilen hyzmatdaşlygyny giňeldýär. Netijede, RF-iň “Tatneft” kompaniýasy 2010-njy ýylda “Türkmennebit” döwlet konserni bilen baglaşylan şertnama laýyklykda, Goturdepede nebit guýularynda düýpli abatlaýyş işlerini geçirmek hem-de nebit çykarylyşyny ýokarlandyrmak boýunça hyzmatlary ýerine ýetirýär.Türkmenistanyň nebitgaz toplumynyň elektron gazetiniň habar bermegine görä, geologiýa-tehniki işleriň geçirilmeginiň netijesinde 128 sany nebit guýularynda nebit çykaryş işleri täzelendi. Bu taslama $32 milliondan gowrak maýa goýuldy.2018-nji ýylyň dekabrynda “Türkmennebit” hem-de “Tatneft” 88 sany guýynyň abatlaýyş işlerini göz öňünde tutýan täze şertnama baglaşdylar. Şertnamanyň çäginde “Tatneft” kompaniýasynyň Balkanabat şäherindäki şahamçasy türkmen hünärmenlerini işe çagyrmak bilen 12 sany topar düzdi. Häzirki wagtda 48 sany ýerasty guýular işe girizildi. Bu taslama $30 milliona golaý maýa goýuldy.Bilelikdäki işiň möhüm aýratynlyklarynyň biri hem türkmen hünärmenlerini taýýarlamak we hünär derejesini ýokarlandyrmak boýunça alnyp barylýan işler bolup durýar. Türkmenistanyň nebitgaz toplumynyň wekilleri önümçilik işjeňligi, öňdebaryjy tehnologiýalaryň we häzirki zaman ylmy-tehniki çözgütleriň ornaşdyrylmagy bilen tanyşmak maksady bilen «Tatneftiň» Almetýewskidäki we Nižnekamskiýdäki önümçilik desgalaryna birnäçe gezek baryp gördüler.
Türkmenistanyň Prezidenti «Yug-Neftegaz Private Limited» kompaniýasynyň direktory bilen duşuşdy
Sişenbe güni Türkmenistanyň Prezidenti Gurbanguly Berdimuhamedow «Yug-Neftegaz Private Limited» (Singapur) kompaniýasynyň direktory Igor Burkinskiýni kabul etdi.
«Türkmenistanyň nebiti we gazy — 2022» sergisi: innowasiýalar we hyzmatdaşlyk
26-njy oktýabrda «Türkmenistanyň nebiti we gazy» diňe bir XXVII Halkara maslahaty däl, eýsem, üç günlük adybir Halkara sergisi hem geçiriler diýip, forumyň guramaçylary habar berýär.
Ýewropada gazyň kub metriniň bahasy taryhda ilkinji gezek 1000 dollardan geçdi
Ýewropada gazyň kub metriniň bahasy taryhda ilkinji gezek 1000 dollardan geçsi. Bu barada çarşenbe güni RIA Nowosti agentligi ICE Futures-iň söwdalaryna salgylanyp habar berdi.
TDHÇMB-niň söwdalarynda Türkiýeden we Owganystandan telekeçiler «Türkmennebit» DK-nyň awtobenzinini satyn aldylar
Geçen hepdede Türkmenistanyň Döwlet haryt-çig mal biržasynyň söwdalarynda geleşikleriň 25-si hasaba alyndy.
«Mawy ýangyç» Halaç etrabynyň sarp edijilerine bökdençsiz ýetirilýär
«Türkmenistany durmuş-ykdysady taýdan ösdürmegiň Milli maksatnamasyna» laýyklykda, ýurdumyzda durmuşa geçirilýän esasy wezipeleriň biri hem ilatly nokatlary gaz bilen üpjün etmek bolup durýar. Bu günki gün «mawy ýangyjyň» hözirini ýurdumyzyň çetki ilatly nokatlary hem görýär. Obalary we şäherleri gaz bilen üpjün etmek boýunça giň gerimli çäreleriň netijesinde tebigy gaz Lebap welaýatynyň Halaç etrabynyň ilatly nokatlaryna hem bökdençsiz ýetirilýär.