Dabaraly maslahat geçirildi
07:11 12.10.2023 8183
Türkmenistanyň nebitgaz toplumynyň merkezi binasynda «Türkmen halkynyň Milli Lideriniň nusgalyk döwlet taglymaty we Arkadagly Gahryman Serdarymyzyň ýoly bilen beýik geljege tarap» atly dabaraly maslahat geçirildi. Oňa «Türkmengeologiýa» döwlet korporasiýasynyň başlygy Gurbangeldi Garlyýew, toplumyň birleşikleriniň, müdirlikleriniň, edara-kärhanalarynyň hünärmenleridir ýolbaşçylary, Ýagşygeldi Kakaýew adyndaky Halkara nebit we gaz uniwersitetiniň mugallymlarydyr talyp ýaşlary gatnaşdylar.
Maslahatda «Türkmengeologiýa» döwlet korporasiýasynyň başlygy Gurbangeldi Garlyýew, «Türkmengaz» döwlet konserniniň başlygynyň orunbasary Berdimyrat Amanow, «Türkmennebit» döwlet konserniniň başlygynyň orunbasary Batyr Jumaýew dagy öz çykyşlarynda mukaddes Garaşsyzlygymyzyň geçen şanly 32 ýylynda ýurdumyz boýunça ýetilen belent sepgitler hem-de onuň öň ýanynda ýokary guramaçylykly geçirilen Türkmenistanyň Halk Maslahatynyň nobatdaky mejlisinde ara alnyp maslahatlaşylan meseleleriň we kabul edilen döwletli çözgütleriň türkmen halkynyň buýsanjyny, şatlygyny has-da artdyrandygyny bellediler. Döwletli maslahatda Arkadagly Serdarymyza Türkmenistanyň Gahrymany diýen belent adyň dakylmagy bolsa her bir ynsanyň göwnüni ganatlandyran, ruhuny galkyndyran ajaýyp taryhy waka öwrüldi.
Türkmenistanyň Halk Maslahatynyň nobatdaky mejlisinde Gahryman Arkadagymyzyň we hormatly Prezidentimiziň eden taryhy çykyşlary, kesgitlenilen wajyp wezipeler tutuş adamzadyň şu gününiň hem-de ýagty geljeginiň bähbidine gönükdirilendir. Garaşsyzlygymyzyň geçen ýyllarynda Türkmenistan döwletimiz syýasy, ykdysady we ýaşaýyş-durmuş taýdan ýokary ösüş depginlerine eýe bolýar. Türkmenistan demokratik, hukuk, dünýewi döwletiň berk binýadyny tutup, Garaşsyzlyk taglymaty esasynda berkararlygynyň esaslaryny berkidýär, durnukly durmuşy, ykdysady ösüşi üpjün edýär, halkymyzyň ýaşaýyş-durmuş şertlerini yzygiderli ýokarlandyrýar. Şonuň netijesinde ata Watanymyz, mähriban halkymyz türkmen halkynyň Milli Lideriniň nusgalyk döwlet taglymatyna we Arkadagly Gahryman Serdarymyzyň ýoluna eýerip, beýik geljege tarap öňe barýar. Bular dogrusynda dabaraly maslahatda Türkmenistanyň Nebitgaz senagaty toplumynyň işgärleriniň kärdeşler arkalaşygynyň Geňeşiniň başlygy Sapar Ataberdiýew, Ýagşygeldi Kakaýew adyndaky Halkara nebit we gaz uniwersitetiniň innowasiýa ylmy-okuw merkeziniň hünärmeni Mergen Amanow, «Türkmengaz» döwlet konserniniň «Nebit-gaz» gazetiniň baş redaktory Ussa Ussaýew, «Türkmennebit» döwlet konserniniň Umumy bölüminiň baş hünärmeni, konserniň demokratik partiýasynyň ilkinji guramasynyň başlygy Muhammetmyrat Atagarryýew, «Türkmengeologiýa» döwlet korporasiýasynyň geofizika bölüminiň baş hünärmeni Çeper Babaýewa dagy öz çykyşlarynda buýsanç bilen bellediler. Dabaraly çäräniň dowamynda «Türkmengaz» döwlet konserniniň Medeni-işewürlik merkeziniň sungat ussatlarynyň ýerine ýetiren aýdym-sazlary nebitgazçylarda we myhmanlarda ýakymly täsir galdyrdy.
Tanyşdyrylyş dabarasynyň ahyrynda Türkmenistanyň Prezidenti Serdar Berdimuhamedowa maslahata gatnaşyjylaryň adyndan Ýüzlenme kabul edildi.
Yragyň wekiliýeti «Türkmengaz» DK bilen türkmen tebigy gazyny satyn almagyň mümkinçiliklerini maslahatlaşdy
Türkmenistanyň Nebitgaz toplumynyň Merkezi binasynda «Türkmengaz» döwlet konserniniň ýolbaşçylygy bilen Türkmenistana sapar bilen gelen Yrak Respublikasynyň arasynda gepleşikler geçirildi. Yragyň wekiliýetine Energetika ministriniň orunbasary Adil Karim Kak Ahmed we nebit ministriniň orunbasary Ezat Sabir Esmail ýolbaşçylyk etdi.
Türkmenistanyň ýangyç-energetika toplumynda ýedi aýda alnyp barlan işleriň netijelerine garaldy
27-nji awgustda Türkmenistanyň nebitgaz toplumynyň merkezi binasynda Arkadag Serdarly bagtyýar ýaşlar ýylynyň geçen ýedi aýynda ýerine ýetirilen işleriň jemlerine bagyşlanan hasabat ýygnagy geçirildi. Onda 25-nji awgustda hormatly Prezidentimiz Serdar Berdimuhamedowyň ýurdumyzyň ykdysadyýetiniň pudaklarynda alnyp barlan işleriň netijelerine bagyşlap sanly ulgam arkaly geçiren Türkmenistanyň Ministrler Kabinetiniň mejlisinde nebitgaz toplumynyň öňünde goýan wezipeleri ara alnyp maslahatlaşyldy hem-de bu ugurda işleri has-da ilerletmegiň anyk ýollary kesgitlenildi.
Türkmenistanyň Halk Maslahatynyň Başlygy we Palestinanyň daşary işler ministri özara bähbitli hyzmatdaşlygy ýola goýmagyň mümkinçiliklerini maslahatlaşdylar
Penşenbe güni türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow bilen Palestina Döwletiniň daşary işler we daşary ýurtlarda ýaşaýan palestinalylaryň işleri boýunça ministri Riýad al-Malikiniň arasynda geçirilen duşuşykda özara bähbitli türkmen-palestina ykdysady gatnaşyklaryny ýola goýmak üçin giň mümkinçilikleriň barlygy maslahatlaşyldy diýip, TDH habar berýär.
Ýanwar-iýul aýlarynda Türkmenistanda jemi içerki önümiň ösüşi 6,2% boldy
2023-nji ýylyň ýanwar-iýul aýlarynda Türkmenistanda jemi içerki önümiň ösüş depgini 6,2% boldy. Bu barada maglumat geçen anna güni sanly ulgam arkaly geçirilen Hökümet mejlisinde aýdyldy.
Türkmenistanyň we Malaýziýanyň DIM-niň wekilleri söwda, energetika we beýleki ugurlarda hyzmatdaşlyk meselelerini maslahatlaşdylar
Çarşenbe güni Türkmenistanyň Daşary işler ministrliginde Türkmen-Malaýziýa DIM-leriniň arasynda onlaýn görnüşde geňeşmeler geçirildi. Geňeşleriň dowamynda iki ýurduň diplomatlary syýasy-diplomatik, söwda-ykdysady, energetika we ynsanperwer ugurlarda köptaraplaýyn we ikitaraplaýyn hyzmatdaşlygyň köp meselelerini ara alyp maslahatlaşdylar diýip, Türkmenistanyň DIM-niň saýty habar berýär.