Kabul TOPH gaz geçirijisiniň owgan böleginiň gurluşygyna başlamaga taýýarlyk görýär
15:37 17.10.2023 5120
Kabul Türkmenistan - Owganystan - Pakistan - Hindistan (TOPH) gaz geçirijisiniň taslamasy üçin ýeri bölüp bermek boýunça çözgüdi kabul edendigini we taslamany iş ýüzünde durmuşa geçirip başlamaga taýýardygyny mälim etdi diýip, TOLOnews owgan neşiri habar berýär.
Owganystanyň Dag magdan senagaty we nebit ministrliginiň metbugat sekretary Humaýun Afgan «ýurtda howpsuzlygyň üpjün edilendigini, şeýle hem Yslam Emirliginiň taslama başlamaga taýýarydygyny» habar berdi.
Ol şeýle hem, degişli taslamany Owganystanda durmuşa geçirmek işini ilerletmekde Türkmenistanyň goşandyny hem nygtap geçdi we ýurduň bu babatdaky işlere başlamaga taýýardygyny aýdýar. Onuň "Eger-de mümkinçilik bolmadyk ýagdaýynda, biz öz çäklerimizdäki gurluşyklara özümiz goldamaga taýýar" diýen sözlerine "TOLO" habarlar agentligi salgylanýar.
TOPH gaz geçirijisiniň gurluşyk taslamasy ykdysady ösüş we ilat üçin iş ýerlerini döretmek üçin örän wajyp taslamalaryň biri hasaplanylýar. Jemi 1814 kilometre uzaýan gaz geçirijiniň 735 kilometri Owganystanyň çäginden geçmegi göz öňünde tutulýar. Onuň durmuşa geçirilmegi bilen Owganystan ýylda 400 million dollardan gowrak girdeji gazanyp biler.
Ýurduň ilat üçin müňlerçe goşmaça iş orunlary bilen birlikde, TOPH gaz geçirijisiniň durmuşa geçirilmegi Owganystana «mawy ýangyjyň» üstaşyr geçirilmeginden düýpli girdeji getirer.
TOPH gaz geçirijisiniň türkmen böleginiň gurluşygy 2015-nji ýylyň dekabrynda başlanyp, häzirki wagta çenli tamamlandy diýen ýaly.
«TAPI Pipeline Company» ýapyk görnüşli paýdarlar jemgyýetine «Türkmengaz» döwlet konserni, owgan gaz korporasiýasy, Inter State Gas Systems (Private) Limited pakistan kompaniýasy we GAIL hindi gaz kompaniýasy girýär.
TOPH gaz geçirijisiniň taslamasyny durmuşa geçirmegi tizleşdirmeklige gönükdirilen işler Pakistanda hem durmuşa geçirilýär. Şu ýylyň iýun aýynda Pakistanyň Federal ministrler kabineti TOPH gaz geçirijisiniň taslamasyny durmuşa geçirmegiň Bilelikdäki meýilnamasyny tassyklady. Bu çözgüt taslamanyň tehniki-ykdysady esaslandyrmasyny tamamlamagy tizleşdirmäge we gaz geçirijini gurmak tapgyryna geçmäge gönükdirilendir.
Yragyň wekiliýeti «Türkmengaz» DK bilen türkmen tebigy gazyny satyn almagyň mümkinçiliklerini maslahatlaşdy
Türkmenistanyň Nebitgaz toplumynyň Merkezi binasynda «Türkmengaz» döwlet konserniniň ýolbaşçylygy bilen Türkmenistana sapar bilen gelen Yrak Respublikasynyň arasynda gepleşikler geçirildi. Yragyň wekiliýetine Energetika ministriniň orunbasary Adil Karim Kak Ahmed we nebit ministriniň orunbasary Ezat Sabir Esmail ýolbaşçylyk etdi.
Türkmenistanyň ýangyç-energetika toplumynda ýedi aýda alnyp barlan işleriň netijelerine garaldy
27-nji awgustda Türkmenistanyň nebitgaz toplumynyň merkezi binasynda Arkadag Serdarly bagtyýar ýaşlar ýylynyň geçen ýedi aýynda ýerine ýetirilen işleriň jemlerine bagyşlanan hasabat ýygnagy geçirildi. Onda 25-nji awgustda hormatly Prezidentimiz Serdar Berdimuhamedowyň ýurdumyzyň ykdysadyýetiniň pudaklarynda alnyp barlan işleriň netijelerine bagyşlap sanly ulgam arkaly geçiren Türkmenistanyň Ministrler Kabinetiniň mejlisinde nebitgaz toplumynyň öňünde goýan wezipeleri ara alnyp maslahatlaşyldy hem-de bu ugurda işleri has-da ilerletmegiň anyk ýollary kesgitlenildi.
Türkmenistanyň Halk Maslahatynyň Başlygy we Palestinanyň daşary işler ministri özara bähbitli hyzmatdaşlygy ýola goýmagyň mümkinçiliklerini maslahatlaşdylar
Penşenbe güni türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow bilen Palestina Döwletiniň daşary işler we daşary ýurtlarda ýaşaýan palestinalylaryň işleri boýunça ministri Riýad al-Malikiniň arasynda geçirilen duşuşykda özara bähbitli türkmen-palestina ykdysady gatnaşyklaryny ýola goýmak üçin giň mümkinçilikleriň barlygy maslahatlaşyldy diýip, TDH habar berýär.
Ýanwar-iýul aýlarynda Türkmenistanda jemi içerki önümiň ösüşi 6,2% boldy
2023-nji ýylyň ýanwar-iýul aýlarynda Türkmenistanda jemi içerki önümiň ösüş depgini 6,2% boldy. Bu barada maglumat geçen anna güni sanly ulgam arkaly geçirilen Hökümet mejlisinde aýdyldy.
Türkmenistanyň we Malaýziýanyň DIM-niň wekilleri söwda, energetika we beýleki ugurlarda hyzmatdaşlyk meselelerini maslahatlaşdylar
Çarşenbe güni Türkmenistanyň Daşary işler ministrliginde Türkmen-Malaýziýa DIM-leriniň arasynda onlaýn görnüşde geňeşmeler geçirildi. Geňeşleriň dowamynda iki ýurduň diplomatlary syýasy-diplomatik, söwda-ykdysady, energetika we ynsanperwer ugurlarda köptaraplaýyn we ikitaraplaýyn hyzmatdaşlygyň köp meselelerini ara alyp maslahatlaşdylar diýip, Türkmenistanyň DIM-niň saýty habar berýär.