SOCAR — «Türkmenistanyň nebiti we gazy» halkara forumynyň premýer hyzmatdaşy
04:03 25.10.2023 7318
SOCAR kompaniýasy 25-27-nji oktýabr aralygynda Aşgabatda geçiriljek “Türkmenistanyň nebiti we gazy” (OGT 2023) XXVIII halkara konferensiýasynyň we sergisiniň premýer-hyzmatdaşy hökmünde yglan edildi. Üç günlük çäre, “Türkmengaz” we “Türkmennebit” döwlet konsernleri, Türkmenistanyň Söwda-senagat edarasy we “Türkmengeologiýa” döwlet korporasiýasy şeýle-de iňlis kompaniýasy bolan GaffneyCline-iň goldawy bilen “Türkmen forum” HJ bilen bilelikde gurnalýar.
Ştab-kwartirasy Şweýsariýada ýerleşýän SOCAR 2007-nji ýylyň dekabrynda Azerbaýjanyň Döwlet nebit kompaniýasynyň (SOCAR) marketing bölümi hökmünde hasaba alyndy. Ol Azeri-Çirag-Güneşli ýatagyndan we Azerbaýjanyň beýleki ýakyn ýataklaryndan alnan Azerbaýjanyň nebitini satmak maksady bilen döredildi. Şondan bäri bu kompaniýa halkara bazaryndaky gatnaşygyny ep-esli giňeltdi we häzirki wagtda Türkmenistan bilen nebit we nebit önümleri babatynda uzak möhletleýin hyzmatdaşlyga eýe boldy.
SOCAR logistika amallaryna maýa goýmakda, nebit we üçünji tarap nebit önümlerini satmakda we nebiti gaýtadan işlemek işlerine gatnaşmakda möhüm ösüş gazandy. Şeýle hem bu kompaniýa, Gruziýada ýerleşýän Günbatar ugrunda nebit turbageçirijisi bilen (WREP), Türkiýede Baku-Tbilisi-Jeýhan (BTC) we Russiýada Baku-Noworossiysk arkaly Azerbaýjan nebitini iberýär.
Hazar deňzinde bu kompaniýa söwda akymlaryny ýeňilleşdirmek üçin birnäçe fiziki infrastruktura taslamalaryna maýa goýdy we sebitde öndürilýän dürli derejeli nebit eksport akymlary üçin logistika merkezine öwrüldi. Gymmatlyk zynjyrynyň ähli basgançaklarynda bar bolan SOCAR, 2021-2033-nji ýyllarda ýeňil nebit we suwuklandyrylan tebigy gaz söwdasyny artdyrmak, nebit önümleri söwdasyny ösdürmek we Günorta we Gündogar Ýewropadaky gaz söwdasynda ornuny giňeltmek bilen has-da ösýär.
SOCAR, 2021-nji ýylyň ýanwar aýynda Hazar deňzindäki Dostluk uglewodorod ýatagyny bilelikde gözlemek we ösdürmek boýunça iki hökümetiň arasynda özara düşünişmek Memorandumyna gol çekilenden soň, Azerbaýjan bilen Türkmenistanyň arasyndaky söwdanyň has-da möhüm rol oýnajakdygyna ynanýar.
Bu ýatak, Günbatara tebigy gaz eksport etmek üçin täze mümkinçilikler açar. Onuň nebit gorlary takmynan 60 million tonna, tebigy gaz gory bolsa - 100 milliard kub metre barabardyr.
Iş toparynyň dördünji ýygnagynda Türkmenistan bilen Azerbaýjanyň hökümetleriniň arasynda Hazar Dostluk ýatagynyň uglewodorod baýlyklaryny bilelikde gözlemek we özleşdirmek boýunça ylalaşygy taýýarlamak üçin bilelikdäki işde gazanylan üstünlikler bellendi.
SOCAR-yň OGT 2023-e gatnaşmagy, bu çärä gatnaşjak milli we halkara energiýa kompaniýalary bilen özara peýdaly hyzmatdaşlygy mundan beýläk-de pugtalandyrmagyň indiki tapgyry bolar.
Iş toparynyň dördünji ýygnagynda Türkmenistan bilen Azerbaýjanyň hökümetleriniň arasynda Hazar Dostluk ýatagynyň uglewodorod baýlyklaryny bilelikde gözlemek we özleşdirmek boýunça ylalaşygy taýýarlamak üçin bilelikdäki işde gazanylan üstünlikler bellendi.
SOCAR-yň OGT 2023-e gatnaşmagy, bu çärä gatnaşjak milli we halkara energiýa kompaniýalary bilen özara peýdaly hyzmatdaşlygy mundan beýläk-de pugtalandyrmagyň indiki tapgyry bolar.
Mohammed Barkindo: erkin çykaryş kuwwatlyklary taryhda iň pes ýagdaýda, syýasy çözgütler zerur
Gazylyp alynýan ýangyçdan el çekmäge çagyryşyň netijesinde pudaga doly maýa goýmazlyk zerarly 62 ýyllyk taryhyň dowamynda OPEC ýurtlarynyň erkin çykaryş kuwwatlyklary iň pes ýagdaýda, bazarda nebit ýetmezçiliginiň meselesini çözmek üçin syýasy çözgütler zerur. Bu barada OPEC-iň Baş sekretary Mohammed Barkindo 5-nji iýulda Nigeriýadan geçen maslahatyň açylyşynda eden çykyşynda belledi. Görlüp oturylsa, bu Mohammed Barkindonyň köpçüligiň öňünde iň soňky çykyşy boldy. Ol şol gün gije aradan çykdy.
«Halkara ulag-üstaşyr geçelgeleri: özara baglanyşyklylyk we ösüş» Halkara maslahaty 18-20-nji iýulda geçiriler
18-20-nji iýulda Aşgabatda «Halkara ulag-üstaşyr geçelgeleri: özara baglanyşyklylyk we ösüş» Halkara maslahaty geçiriler. Forumyň maksady pandemiýadan soňky dikeldiş boýunça ileri tutulýan meseleleri maslahatlaşmak, halkara daşamalar ulgamynda täze şertlere uýgunlaşmak we netijeli halkara ulag-üstaşyr geçelgelerini ösdürmek bolup durýar.
Energetika hyzmatdaşlygyny ösdürmek — Azerbaýjanyň wekiliýeti bilen duşuşygyň üns merkezinde
Çarşenbe güni Türkmenistanyň Daşary işler ministrliginiň binasynda wise-premýer, Türkmenistanyň Daşary işler ministri Raşid Meredowyň Aşgabada iş sapary bilen gelen Azerbaýjan Respublikasynyň Ykdysadyýet ministri Mikail Jabbarowyň baştutanlygyndaky wekilýet bilen duşuşygynda energetika ulgamynda ikitaraplaýyn hyzmatdaşlygy ösdürmegiň mümkinçilikleri ara alnyp maslahatlaşyldy. Bu barada Türkmenistanyň daşary syýasat edarasynyň saýty habar berýär.
Türkmenistanyň DIM-niň ýolbaşçysy Eýranyň energetika ministri bilen energetika we gaz pudagynda hyzmatdaşlygy maslahatlaşdy
Türkmenistanyň Daşary işler ministrliginde Raşid Meredow bilen Eýranyň Energetika ministri Abbas Aliabadiniň arasynda geçirilen duşuşykda energetika we gaz pudaklarynda ikitaraplaýyn hyzmatdaşlygyň meseleleri maslahatlaşyldy diýip, türkmen daşary syýasat edarasynyň saýtynda habar berilýär.
ABŞ daşary ýurtlara strategiki ätiýaçlygyndan nebit iberýär - HBS
Şu ýylyň iýun aýynda ABŞ strategiki nebit gorundan 5 mln töweregi nebit eksport etdi diýip, habar beriş serişdeleri gümrük statistikasynyň we çeşmeleriň maglumatlaryna esaslanyp habar berýär. Interfaksyň amerikan gümrükhanasynyň maglumatlaryn esaslanyp, habar bermegine görä, 470 müň barrel nebit Italiýanyň Triestine Tehasdaky ammardan iberildi. Triestden Merkezi Ýewropadaky nebiti gaýtadan işleýän zawodlara nebiti ýetirýän turba geçiriji geçýär.