CNPC-niň ýolbaşçysy: Hytaý we Türkmenistan gaz ulgamynda hyzmatdaşlyk üçin ägirt uly mümkinçiliklere eýe
14:01 26.10.2023 13364
Hytaýyň Milli nebitgaz korporasiýasynyň (CNPC) prezidenti Hou Siszýun çarşenbe güni “Türkmenistanyň nebiti we gazy – 2023” atly halkara konferensiýanyň umumy sessiýasynda eden çykyşynda Hytaý bilen Türkmenistanyň halkara energetika bazarynda möhüm rol oýnaýandygyny we bu ýurtlarda çuň strategiki ähmiýete eýe bolan ägirt uly hyzmatdaşlyk potensialynyň bardygyny belledi.
CNPC-niň ýolbaşçysy türkmen hyzmatdaşlaryny gaz pudagynda hyzmatdaşlygy işjeň ösdürmäge we energetika pudagynda täze ösüş nokatlaryny döretmäge çagyrdy.
Hou Siszýunyň aýdyşy ýaly, iki ýurduň baştutanlarynyň strategiki ýolbaşçylygy netijesinde gaz hyzmatdaşlygy tebigy gazy gözlemek we gazyp almak, onuň söwdasy, inženerçilik gurluşygy, tehniki hyzmat, enjamlar we materiallar bilen üpjün etmek, ýaşyl pes uglerodly ösüş, işgärleri taýýarlamak ýaly ugurlarda öndümli netijeleri gazandy.
2023-nji ýylyň sentýabr aýyna çenli ýagdaýa görä, Hytaý bilen Türkmenistanyň arasyndaky tebigy gaz söwdasynyň göwrümi 76 mlrd ABŞ dollary mukdaryndaky haryt dolanyşygy bilen 380 mlrd kub metrden geçdi.
Hytaý eýýäm 12 ýyl bäri Türkmenistanyň iň uly söwda hyzmatdaşy, Türkmenistan bolsa Hytaýa turbogeçiriji gazy iň uly eksport ediji ýurtdur – diýip, CNPC-niň prezidenti belleýär.
Hou Siszýun iki ýurduň sosial-ykdysady ösüşine uly goşant goşmak üçin türkmen hyzmatdaşlary bilen bilelikde iki döwletiň baştutanlary tarapyndan gazanylan möhüm ylalaşyklary durmuşa geçirmäge, maliýe we tehnologiýa, bazar gurşawynda CNPC-niň artykmaçlyklaryndan, transmilli turbogeçirijileri gurmak we ulanylyşa girizmek mümkinçiliklerinden doly peýdalanmaga, has ýakyn energetika hyzmatdaşlygyny döretmäge taýýardygyny aýtdy.
Şeýle-de, ol CNPC-niň Türkmenistan bilen gaz biznesini meýilleşdirmek, bioenergiýa, transporty elektrikleşdirmek, wodorod energetikasy we ş.m. ugurlar boýunça hyzmatdaşlygy ara alyp maslahatlaşmaga taýýardygyny belledi.
Hou Siszýun CNPC-niň Türkmenistanda ýerli hünärmenleri taýýarlamaga uly ähmiýet berýändigini sözüniň üstüne goşdy. 16 ýylyň dowamynda 56 müň türkmen işgäri taýýarlandy, 139 raýat bolsa HHR-iň ýokary okuw mekdeplerinde okamak üçin saýlandy.
Yragyň wekiliýeti «Türkmengaz» DK bilen türkmen tebigy gazyny satyn almagyň mümkinçiliklerini maslahatlaşdy
Türkmenistanyň Nebitgaz toplumynyň Merkezi binasynda «Türkmengaz» döwlet konserniniň ýolbaşçylygy bilen Türkmenistana sapar bilen gelen Yrak Respublikasynyň arasynda gepleşikler geçirildi. Yragyň wekiliýetine Energetika ministriniň orunbasary Adil Karim Kak Ahmed we nebit ministriniň orunbasary Ezat Sabir Esmail ýolbaşçylyk etdi.
Türkmenistanyň ýangyç-energetika toplumynda ýedi aýda alnyp barlan işleriň netijelerine garaldy
27-nji awgustda Türkmenistanyň nebitgaz toplumynyň merkezi binasynda Arkadag Serdarly bagtyýar ýaşlar ýylynyň geçen ýedi aýynda ýerine ýetirilen işleriň jemlerine bagyşlanan hasabat ýygnagy geçirildi. Onda 25-nji awgustda hormatly Prezidentimiz Serdar Berdimuhamedowyň ýurdumyzyň ykdysadyýetiniň pudaklarynda alnyp barlan işleriň netijelerine bagyşlap sanly ulgam arkaly geçiren Türkmenistanyň Ministrler Kabinetiniň mejlisinde nebitgaz toplumynyň öňünde goýan wezipeleri ara alnyp maslahatlaşyldy hem-de bu ugurda işleri has-da ilerletmegiň anyk ýollary kesgitlenildi.
Türkmenistanyň Halk Maslahatynyň Başlygy we Palestinanyň daşary işler ministri özara bähbitli hyzmatdaşlygy ýola goýmagyň mümkinçiliklerini maslahatlaşdylar
Penşenbe güni türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow bilen Palestina Döwletiniň daşary işler we daşary ýurtlarda ýaşaýan palestinalylaryň işleri boýunça ministri Riýad al-Malikiniň arasynda geçirilen duşuşykda özara bähbitli türkmen-palestina ykdysady gatnaşyklaryny ýola goýmak üçin giň mümkinçilikleriň barlygy maslahatlaşyldy diýip, TDH habar berýär.
Ýanwar-iýul aýlarynda Türkmenistanda jemi içerki önümiň ösüşi 6,2% boldy
2023-nji ýylyň ýanwar-iýul aýlarynda Türkmenistanda jemi içerki önümiň ösüş depgini 6,2% boldy. Bu barada maglumat geçen anna güni sanly ulgam arkaly geçirilen Hökümet mejlisinde aýdyldy.
Türkmenistanyň we Malaýziýanyň DIM-niň wekilleri söwda, energetika we beýleki ugurlarda hyzmatdaşlyk meselelerini maslahatlaşdylar
Çarşenbe güni Türkmenistanyň Daşary işler ministrliginde Türkmen-Malaýziýa DIM-leriniň arasynda onlaýn görnüşde geňeşmeler geçirildi. Geňeşleriň dowamynda iki ýurduň diplomatlary syýasy-diplomatik, söwda-ykdysady, energetika we ynsanperwer ugurlarda köptaraplaýyn we ikitaraplaýyn hyzmatdaşlygyň köp meselelerini ara alyp maslahatlaşdylar diýip, Türkmenistanyň DIM-niň saýty habar berýär.