OGT 2023 Halkara forumynyň gatnaşyjylaryna alty ugur boýunça baýraklar gowşuryldy
12:44 30.10.2023 5045
25-27-nji oktýabrda Aşgabatda geçirilen «Türkmenistanyň nebiti we gazy 2023» (OGT 2023) Halkara sergisi we maslahaty Türkmenistanyň ýangyç-energetika toplumynyň iň iri hem üstünlikli çäreleriniň biri boldy. Forum 700-den gowrak milli we daşary ýurt wekillerini, 400-den gowrak kompaniýalary we 10 müň töweregi sergä gatnaşyjylary özüne çekdi.
Anna güni, maslahatynyň soňky gününde, foruma gatnaşyjylary alty ugur boýunça sylaglamak dabarasy geçirildi: Excellence in Energy Award, Best Moderator Award, Excellence in Catering Services, Outstanding Contribution as a Knowledge Partner, Distinguished Excellence in Technical Panel Hosting, Exhibition Excellence Award.
Excellence in Energy Award baýragyna energetika ulgamynda gazananlary üçin Socar, Dragon Oil, CNPC, Pel Limited, Auguste International, Çalik Enerji, Daewoo E&C Branch in Ashgabat, Baker Hughes, Yug-Neftegaz, Hyundai Engineering, Mitro International limited, Buried Hill, ENI Turkmenistan Limited, Schlumberger, NAPECO, LX International, Sewertransnerud kompaniýalary mynasyp boldy.
Maslahatyň iň gowy moderatory diýlip, ÝHHG-niň Aşgabatdaky Merkeziniň ýolbaşçysy ilçi Jon Makgregor yglan edildi.
Jemgyýetçilik iýmiti ulgamynda iň gowy hyzmat — Excellence in Catering Services baýragyna Gul Zaman we Arassa Deniz restoranlary mynasyp boldy.
Outstanding Contribution as a Knowledge Partner — bilimler boýunça hyzmatdaş hökmünde goşandy üçin baýragyna S&P Global Commodity Insights kompaniýasynyň analitika boýunça ýolbaşçysy Kler Godar mynasyp boldy. S&P forumyň guramaçylaryna onuň gün tertibini düzmekde we ýokary derejeli çykyş edýänleri çagyrmakda ýardam etdi.
Distinguished Excellence in Technical Panel Hosting — tehniki panelleriň hostinginde goşandy üçin baýragyna SPE – Society of Petroleum Engineers kompaniýasy mynasyp boldy.
Exhibition Excellence Award — OGT 2023-de pawilýonynyň iň owadan dizaýny üçin 70 kompaniýanyň içinden saýlanan iki sany kompaniýa mynasyp boldy — Petronas malaýziýa we Söwda Gurluşyk Maslahaty türkmen kompaniýasy.
Yragyň wekiliýeti «Türkmengaz» DK bilen türkmen tebigy gazyny satyn almagyň mümkinçiliklerini maslahatlaşdy
Türkmenistanyň Nebitgaz toplumynyň Merkezi binasynda «Türkmengaz» döwlet konserniniň ýolbaşçylygy bilen Türkmenistana sapar bilen gelen Yrak Respublikasynyň arasynda gepleşikler geçirildi. Yragyň wekiliýetine Energetika ministriniň orunbasary Adil Karim Kak Ahmed we nebit ministriniň orunbasary Ezat Sabir Esmail ýolbaşçylyk etdi.
Türkmenistanyň ýangyç-energetika toplumynda ýedi aýda alnyp barlan işleriň netijelerine garaldy
27-nji awgustda Türkmenistanyň nebitgaz toplumynyň merkezi binasynda Arkadag Serdarly bagtyýar ýaşlar ýylynyň geçen ýedi aýynda ýerine ýetirilen işleriň jemlerine bagyşlanan hasabat ýygnagy geçirildi. Onda 25-nji awgustda hormatly Prezidentimiz Serdar Berdimuhamedowyň ýurdumyzyň ykdysadyýetiniň pudaklarynda alnyp barlan işleriň netijelerine bagyşlap sanly ulgam arkaly geçiren Türkmenistanyň Ministrler Kabinetiniň mejlisinde nebitgaz toplumynyň öňünde goýan wezipeleri ara alnyp maslahatlaşyldy hem-de bu ugurda işleri has-da ilerletmegiň anyk ýollary kesgitlenildi.
Türkmenistanyň Halk Maslahatynyň Başlygy we Palestinanyň daşary işler ministri özara bähbitli hyzmatdaşlygy ýola goýmagyň mümkinçiliklerini maslahatlaşdylar
Penşenbe güni türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow bilen Palestina Döwletiniň daşary işler we daşary ýurtlarda ýaşaýan palestinalylaryň işleri boýunça ministri Riýad al-Malikiniň arasynda geçirilen duşuşykda özara bähbitli türkmen-palestina ykdysady gatnaşyklaryny ýola goýmak üçin giň mümkinçilikleriň barlygy maslahatlaşyldy diýip, TDH habar berýär.
Ýanwar-iýul aýlarynda Türkmenistanda jemi içerki önümiň ösüşi 6,2% boldy
2023-nji ýylyň ýanwar-iýul aýlarynda Türkmenistanda jemi içerki önümiň ösüş depgini 6,2% boldy. Bu barada maglumat geçen anna güni sanly ulgam arkaly geçirilen Hökümet mejlisinde aýdyldy.
Türkmenistanyň we Malaýziýanyň DIM-niň wekilleri söwda, energetika we beýleki ugurlarda hyzmatdaşlyk meselelerini maslahatlaşdylar
Çarşenbe güni Türkmenistanyň Daşary işler ministrliginde Türkmen-Malaýziýa DIM-leriniň arasynda onlaýn görnüşde geňeşmeler geçirildi. Geňeşleriň dowamynda iki ýurduň diplomatlary syýasy-diplomatik, söwda-ykdysady, energetika we ynsanperwer ugurlarda köptaraplaýyn we ikitaraplaýyn hyzmatdaşlygyň köp meselelerini ara alyp maslahatlaşdylar diýip, Türkmenistanyň DIM-niň saýty habar berýär.