Daewoo Engineering & Construction Aşgabatda şahamçasyny açdy
15:08 06.11.2023 10297
Türkmenistanyň öňden gelýän hyzmatdaşy bolan Daewoo Engineering & Construction koreý kompaniýasy 31-nji oktýabrda Aşgabatda şahamçasyny açdy. Bu şahamça Merkezi Aziýada kompaniýanyň işini giňeltmek üçin öňdebaryjy baza öwrüler diýip, kompaniýanyň Metbugat gullugy habar berdi.
Çärä Koreýa Respublikasynyň Daşary işler ministrliginiň wekilleri, şol sanda Daewoo Engineering & Construction-nyň ýolbaşçysy Jong Won-Çžu, daşary işler ministri Pak Jin, Türkmenistandaky ilçisi Ji Gýu Tek we Ýewropa işleri boýunça direktory Çhwe Te Ho bar. Türkmen tarapyndan energetika, senagat we gurluşyk işleri boýunça wise-premýer Baýmyrat Annamämmedow bar.
Şahamçanyň açylyş dabarasynda Jong Won-Çžu şeýle belledi: «Türkmenistanyň we Koreýanyň Hökümetlerine, şeýle hem resmi adamlara Daewoo E&C-nyň şahamçasyny döretmekde goşant goşandyklary üçin tüýs ýürekden minnetdarlyk bildirýärin — bu ýöne bir hususy kompaniýa diýerden uly zat. Bu Koreýa bilen Türkmenistanyň arasyndaky köpri».
Daewoo E&C koreý kompaniýasy geçen ýylyň noýabr aýynda «Türkmenhimiýa» döwlet konserni bilen Özara düşünişmek hakynda Ähtnama gol çekdi we şol resminamanyň esasynda bilelikdäki taslamalar durmuşa geçirilýär. Birinji taslama — Balkan welaýatynda ammiak-karbamid zawodynyň gurluşygy. Ikinji — ýylda 300 000 tonna kuwwaty bolan fosfat dökün öndürýän zawod. Taslamalar Koreýanyň we Ýewropanyň karz edaralarynyň hasabyna çekilen serişdeleriň hasabyna maliýeleşdirilýär.
Kompaniýada habar berlişi ýaly, Daewoo E&C-nyň Arkadag şäheriniň ikinji tapgyrynyň durmuşa geçirilişine gatnaşmagyna hem garaşylýar.
Yragyň wekiliýeti «Türkmengaz» DK bilen türkmen tebigy gazyny satyn almagyň mümkinçiliklerini maslahatlaşdy
Türkmenistanyň Nebitgaz toplumynyň Merkezi binasynda «Türkmengaz» döwlet konserniniň ýolbaşçylygy bilen Türkmenistana sapar bilen gelen Yrak Respublikasynyň arasynda gepleşikler geçirildi. Yragyň wekiliýetine Energetika ministriniň orunbasary Adil Karim Kak Ahmed we nebit ministriniň orunbasary Ezat Sabir Esmail ýolbaşçylyk etdi.
Türkmenistanyň ýangyç-energetika toplumynda ýedi aýda alnyp barlan işleriň netijelerine garaldy
27-nji awgustda Türkmenistanyň nebitgaz toplumynyň merkezi binasynda Arkadag Serdarly bagtyýar ýaşlar ýylynyň geçen ýedi aýynda ýerine ýetirilen işleriň jemlerine bagyşlanan hasabat ýygnagy geçirildi. Onda 25-nji awgustda hormatly Prezidentimiz Serdar Berdimuhamedowyň ýurdumyzyň ykdysadyýetiniň pudaklarynda alnyp barlan işleriň netijelerine bagyşlap sanly ulgam arkaly geçiren Türkmenistanyň Ministrler Kabinetiniň mejlisinde nebitgaz toplumynyň öňünde goýan wezipeleri ara alnyp maslahatlaşyldy hem-de bu ugurda işleri has-da ilerletmegiň anyk ýollary kesgitlenildi.
Türkmenistanyň Halk Maslahatynyň Başlygy we Palestinanyň daşary işler ministri özara bähbitli hyzmatdaşlygy ýola goýmagyň mümkinçiliklerini maslahatlaşdylar
Penşenbe güni türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow bilen Palestina Döwletiniň daşary işler we daşary ýurtlarda ýaşaýan palestinalylaryň işleri boýunça ministri Riýad al-Malikiniň arasynda geçirilen duşuşykda özara bähbitli türkmen-palestina ykdysady gatnaşyklaryny ýola goýmak üçin giň mümkinçilikleriň barlygy maslahatlaşyldy diýip, TDH habar berýär.
Ýanwar-iýul aýlarynda Türkmenistanda jemi içerki önümiň ösüşi 6,2% boldy
2023-nji ýylyň ýanwar-iýul aýlarynda Türkmenistanda jemi içerki önümiň ösüş depgini 6,2% boldy. Bu barada maglumat geçen anna güni sanly ulgam arkaly geçirilen Hökümet mejlisinde aýdyldy.
Türkmenistanyň we Malaýziýanyň DIM-niň wekilleri söwda, energetika we beýleki ugurlarda hyzmatdaşlyk meselelerini maslahatlaşdylar
Çarşenbe güni Türkmenistanyň Daşary işler ministrliginde Türkmen-Malaýziýa DIM-leriniň arasynda onlaýn görnüşde geňeşmeler geçirildi. Geňeşleriň dowamynda iki ýurduň diplomatlary syýasy-diplomatik, söwda-ykdysady, energetika we ynsanperwer ugurlarda köptaraplaýyn we ikitaraplaýyn hyzmatdaşlygyň köp meselelerini ara alyp maslahatlaşdylar diýip, Türkmenistanyň DIM-niň saýty habar berýär.