“Türkmennebit” DK-nyň “Nebitgazçykaryş” trestine täze tehnikalaryň nobatdaky tapgyry geldi
11:44 08.01.2024 4743
“Türkmennebit” döwlet konserniniň Balkan welaýatynyň dolandyryş merkezinde ýerleşen “Nebitgazçykaryş” trestiniň tehnoparky ýakynda HHR-de öndürilen ýokary öndürijilikli tehnikalaryň 30 sanysy bilen ýetirildi. Trestiň nebitgaz çykaryş müdirliginiň hünärmenleri «TY 160G» kysymly täze buldozerleri uly minnetdarlyk bilen kabul etdiler. Bu tehnikalar ýokary talaplara laýyklykda, giň gerimli işleri durmuşa geçirmek üçin niýetlenendir.
Balkanabat şäherinde material-tehniki üpjünçilik çäginde geçirilen dabara konserniň edara-kärhanalarynyň ýolbaşçylary, nebitçiler, jemgyýetçilik guramalarynyň wekilleri we ýaşulular gatnaşdylar.
Baglaşylan şertnamalara laýyklykda, Hytaý Halk Respublikasyndan satyn alnan kuwwatly buldozerler trestiň nebitgaz känlerini özleşdirmekde we işläp taýýarlamakda, turbalary geçirmekde we olary oturtmakda, uglewodorod ýataklaryna ýollary çekmekde, bar bolan ýollary arassalamakda we meýdançalary buraw işlerine taýýarlamakda peýdalanylar.
Dabarada çykyş edenler nebitgaz pudagynyň ösmegi üçin çäksiz goldawy üçin Prezident Serdar Berdimuhamedowa minnetdarlyk bildirdiler. Asylly däplere eýerip, ene-mamalarymyz täze tehnikalara un sepdiler, alaja dakdylar. Uzak ýyllaryň dowamynda pudakda zähmet çeken ýaşulular, şeýle hem bu ýere ýygnanan nebitçiler täze buldozerler bilen has ýakyndan tanyşmaga mümkinçilik aldylar.
“2030-njy ýyla çenli Türkmenistanyň nebitgaz senagatyny ösdürmegiň maksatnamasyna” laýyklykda, ýurdumyzda “gara altyny” çykarmakda öňdebaryjy bolup durýan “Türkmennebit” döwlet konserni geologiýa gözleg işlerini, buraw işlerini, şeýle hem guýularyň düýpli abatlaýyş işlerini giň gerimde amala aşyrýar. Munda Türkmenistanyň Prezidenti Serdar Berdimuhamedowyň goldawy bilen satyn alnyp berilýän kuwwatly tehnikalar ýakyn ýardamçy bolup hyzmat edýär.
Yragyň wekiliýeti «Türkmengaz» DK bilen türkmen tebigy gazyny satyn almagyň mümkinçiliklerini maslahatlaşdy
Türkmenistanyň Nebitgaz toplumynyň Merkezi binasynda «Türkmengaz» döwlet konserniniň ýolbaşçylygy bilen Türkmenistana sapar bilen gelen Yrak Respublikasynyň arasynda gepleşikler geçirildi. Yragyň wekiliýetine Energetika ministriniň orunbasary Adil Karim Kak Ahmed we nebit ministriniň orunbasary Ezat Sabir Esmail ýolbaşçylyk etdi.
Türkmenistanyň ýangyç-energetika toplumynda ýedi aýda alnyp barlan işleriň netijelerine garaldy
27-nji awgustda Türkmenistanyň nebitgaz toplumynyň merkezi binasynda Arkadag Serdarly bagtyýar ýaşlar ýylynyň geçen ýedi aýynda ýerine ýetirilen işleriň jemlerine bagyşlanan hasabat ýygnagy geçirildi. Onda 25-nji awgustda hormatly Prezidentimiz Serdar Berdimuhamedowyň ýurdumyzyň ykdysadyýetiniň pudaklarynda alnyp barlan işleriň netijelerine bagyşlap sanly ulgam arkaly geçiren Türkmenistanyň Ministrler Kabinetiniň mejlisinde nebitgaz toplumynyň öňünde goýan wezipeleri ara alnyp maslahatlaşyldy hem-de bu ugurda işleri has-da ilerletmegiň anyk ýollary kesgitlenildi.
Türkmenistanyň Halk Maslahatynyň Başlygy we Palestinanyň daşary işler ministri özara bähbitli hyzmatdaşlygy ýola goýmagyň mümkinçiliklerini maslahatlaşdylar
Penşenbe güni türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow bilen Palestina Döwletiniň daşary işler we daşary ýurtlarda ýaşaýan palestinalylaryň işleri boýunça ministri Riýad al-Malikiniň arasynda geçirilen duşuşykda özara bähbitli türkmen-palestina ykdysady gatnaşyklaryny ýola goýmak üçin giň mümkinçilikleriň barlygy maslahatlaşyldy diýip, TDH habar berýär.
Ýanwar-iýul aýlarynda Türkmenistanda jemi içerki önümiň ösüşi 6,2% boldy
2023-nji ýylyň ýanwar-iýul aýlarynda Türkmenistanda jemi içerki önümiň ösüş depgini 6,2% boldy. Bu barada maglumat geçen anna güni sanly ulgam arkaly geçirilen Hökümet mejlisinde aýdyldy.
Türkmenistanyň we Malaýziýanyň DIM-niň wekilleri söwda, energetika we beýleki ugurlarda hyzmatdaşlyk meselelerini maslahatlaşdylar
Çarşenbe güni Türkmenistanyň Daşary işler ministrliginde Türkmen-Malaýziýa DIM-leriniň arasynda onlaýn görnüşde geňeşmeler geçirildi. Geňeşleriň dowamynda iki ýurduň diplomatlary syýasy-diplomatik, söwda-ykdysady, energetika we ynsanperwer ugurlarda köptaraplaýyn we ikitaraplaýyn hyzmatdaşlygyň köp meselelerini ara alyp maslahatlaşdylar diýip, Türkmenistanyň DIM-niň saýty habar berýär.