Hormatly Prezidentimiziň «Ýaşlar — Watanyň daýanjy» atly ilkinji kitabynyň tanyşdyrylyş dabarasy geçirildi
12:28 15.01.2024 15039
Ýurdumyzyň nebitgaz toplumynyň pudaklaýyn dolandyryş edaralarynyň merkezi binasynda hormatly Prezidentimiz Serdar Berdimuhamedowyň «Ýaşlar — Watanyň daýanjy» atly ilkinji kitabynyň tanyşdyrylyş dabarasy geçirildi. Oňa nebitgaz toplumynyň ýolbaşçylary, işgärleridir hünärmenleri, Ýagşygeldi Kakaýew adyndaky Halkara nebit we gaz uniwersitetiniň mugallymlary, talyplary gatnaşdylar.
Tanyşdyrylyş dabarasynda Türkmenistanyň Ministrler Kabinetiniň Başlygynyň orunbasary Batyr Amanow, Türkmenistanyň döwlet ministri — «Türkmengaz» döwlet konserniniň başlygy Maksat Babaýew, «Türkmennebit» döwlet konserniniň başlygy Guwanç Agajanow, «Türkmengeologiýa» döwlet korporasiýasynyň başlygy Gurbangeldi Garlyýew, Türkmenistanyň Nebitgaz senagaty toplumynyň işgärleriniň kärdeşler arkalaşygynyň Geňeşiniň başlygy Sapar Ataberdiýew, TMÝG-niň Merkezi geňeşiniň guramaçylyk bölüminiň müdiri Gurbanmyrat Muhammedow, «Nebit-gaz» gazetiniň baş redaktory Ussa Ussaýew, «Türkmennebit» DK-nyň Halkara hyzmatdaşlygy we maýa goýum taslamalary bölüminiň baş hünärmeni Gülälek Ýüzbaşyýewa, «Türkmengeologiýa» DK-nyň geologiki maglumatlar merkeziniň guýy maglumatlary toparynyň başlygy Arslan Annamyradow, Ýagşygeldi Kakaýew adyndaky HNGU-nyň mugallymy Jemal Sapargulyýewa dagy öz çykyşlarynda Arkadagly Gahryman Serdarymyzyň «Ýaşlar — Watanyň daýanjy» atly eserinde ýaşlaryň ýeten belent sepgitleriniň, gazanan üstünlikleriniň doly açylyp görkezilýändigine bu gymmatly çeşme bilen tanşanyňda anyk göz ýetirmek bolýandygyny nygtadylar.
Bu kitapda ýaşlaryň ýurdumyzda tutýan möhüm orny dolulygyna açylyp görkezilýär. Hormatly Prezidentimiziň eseri gazanylan üstünlikleri şöhlelendirmek bilen birlikde, öz Watanyňy söýmekde, oňa ynanmakda nusga alarlyk mekdepdir. Eserde Garaşsyz, baky Bitarap Türkmenistanyň ýaşlarynyň belent sepgitleri, döwletimiziň durmuşyndaky ähmiýetli wakalar, ata Watanymyza we mähriban halkymyza ruhubelentlik bilen gulluk edýän milli ruhly watansöýüji ýaşlaryň şu güni we geljege mizemez ynamy, garaýşy, durmuş ýolunyň esasy tapgyrlary baradaky maglumatlar çuň many-mazmun bilen şöhlelendirilýär.
Türkmen ýaşlary Milli Liderimiziň we döwlet Baştutanymyzyň goldawyndan ruhlanyp, 2023-nji ýylda buýsançly zähmet çekdiler. Gazanylan şöhratly wakalar ýokary netijelere beslendi.
Täze ýylyň belent ruhda garşylanýan günlerinde okyjylar köpçüligine gowşan bu eser nebitgazçylar üçin hem geljekki rowaçlyklara başlangyç, badalga berýän gymmatly sowgatdyr we ruhy hazynadyr. Nebitgaz toplumynyň işgärleri kitabyň Berkarar döwletiň täze eýýamynyň Galkynyşy döwründe belent maksatlara üstünlikli ýetmekde ruhy goldaw berjekdigine ynanýarlar.
«Ýaşlar — Watanyň daýanjy» atly kitap tutuş dünýäniň giň okyjylar köpçüligine niýetlenendir. Hormatly Prezidentimiziň ýiti galamyndan çykan bu eser Berkarar döwletiň täze eýýamynyň Galkynyşy döwründe halkymyz üçin belent maksatlara ýetmegiň ýolunda ruhy daýanç bolar.
Ýokarda aýdylanlar tanyşdyrylyş dabarasynda bolan çykyşlaryň esasyny düzdi we başga-da eseriň ähmiýeti barada giňişleýin durlup geçildi, şeýle-de Arkadagly Gahryman Serdarymyza halkymyzyň ruhy hazynasyna öwrüljek täze eseri üçin hoşallyk bildirildi, berk jan saglyk, uzak ömür, türkmen halkynyň bagtyýar geljegi üçin çekýän asylly zähmetinde rowaçlyklar arzuw edildi.
Dabaraly çäräniň dowamynda «Türkmengaz» DK-nyň Medeni-işewürlik merkeziniň sungat ussatlary ajaýyp döwrümizi wasp edýän aýdym-sazlary belent heňde ýerine ýetirdiler.
Tanyşdyrylyş dabarasynyň ahyrynda nebitgazçylaryň, geologlaryň adyndan hormatly Prezidentimize Ýüzlenme kabul edildi.
Yragyň wekiliýeti «Türkmengaz» DK bilen türkmen tebigy gazyny satyn almagyň mümkinçiliklerini maslahatlaşdy
Türkmenistanyň Nebitgaz toplumynyň Merkezi binasynda «Türkmengaz» döwlet konserniniň ýolbaşçylygy bilen Türkmenistana sapar bilen gelen Yrak Respublikasynyň arasynda gepleşikler geçirildi. Yragyň wekiliýetine Energetika ministriniň orunbasary Adil Karim Kak Ahmed we nebit ministriniň orunbasary Ezat Sabir Esmail ýolbaşçylyk etdi.
Türkmenistanyň ýangyç-energetika toplumynda ýedi aýda alnyp barlan işleriň netijelerine garaldy
27-nji awgustda Türkmenistanyň nebitgaz toplumynyň merkezi binasynda Arkadag Serdarly bagtyýar ýaşlar ýylynyň geçen ýedi aýynda ýerine ýetirilen işleriň jemlerine bagyşlanan hasabat ýygnagy geçirildi. Onda 25-nji awgustda hormatly Prezidentimiz Serdar Berdimuhamedowyň ýurdumyzyň ykdysadyýetiniň pudaklarynda alnyp barlan işleriň netijelerine bagyşlap sanly ulgam arkaly geçiren Türkmenistanyň Ministrler Kabinetiniň mejlisinde nebitgaz toplumynyň öňünde goýan wezipeleri ara alnyp maslahatlaşyldy hem-de bu ugurda işleri has-da ilerletmegiň anyk ýollary kesgitlenildi.
Türkmenistanyň Halk Maslahatynyň Başlygy we Palestinanyň daşary işler ministri özara bähbitli hyzmatdaşlygy ýola goýmagyň mümkinçiliklerini maslahatlaşdylar
Penşenbe güni türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow bilen Palestina Döwletiniň daşary işler we daşary ýurtlarda ýaşaýan palestinalylaryň işleri boýunça ministri Riýad al-Malikiniň arasynda geçirilen duşuşykda özara bähbitli türkmen-palestina ykdysady gatnaşyklaryny ýola goýmak üçin giň mümkinçilikleriň barlygy maslahatlaşyldy diýip, TDH habar berýär.
Ýanwar-iýul aýlarynda Türkmenistanda jemi içerki önümiň ösüşi 6,2% boldy
2023-nji ýylyň ýanwar-iýul aýlarynda Türkmenistanda jemi içerki önümiň ösüş depgini 6,2% boldy. Bu barada maglumat geçen anna güni sanly ulgam arkaly geçirilen Hökümet mejlisinde aýdyldy.
Türkmenistanyň we Malaýziýanyň DIM-niň wekilleri söwda, energetika we beýleki ugurlarda hyzmatdaşlyk meselelerini maslahatlaşdylar
Çarşenbe güni Türkmenistanyň Daşary işler ministrliginde Türkmen-Malaýziýa DIM-leriniň arasynda onlaýn görnüşde geňeşmeler geçirildi. Geňeşleriň dowamynda iki ýurduň diplomatlary syýasy-diplomatik, söwda-ykdysady, energetika we ynsanperwer ugurlarda köptaraplaýyn we ikitaraplaýyn hyzmatdaşlygyň köp meselelerini ara alyp maslahatlaşdylar diýip, Türkmenistanyň DIM-niň saýty habar berýär.