“Lebapgazüpjünçilik” müdirligi Lebap welaýatynda gaz üpjünçiliginiň ýokary depginlerini saklaýar
06:18 27.01.2024 7388
Ýurdumyzda ilatly nokatlaryň, önümçilik desgalarynyň, medeni-hojalyk maksatly binalaryň gaz bilen üpjünçilik meseleleri we içerki sarop edijileri tebigy gaz bilen üznüksiz üpjün etmeklik Türkmenistanyň döwlet Baştutanynyň hemişe üns merkezinde saklanýar.
Gyş möwsüminde bu meselä aýratyn jogapkärçilik bilen çemeleşilýär. Çünki bu döwürde tebigy gazyň sarp edilişi has hem artýar. Bu ýagdaý sarp edijileriň ýangyç bilen üznüksiz üpjün edilmegini, şeýle hem howpsuzlyk kadalarynyň berjaý edilmegini talap edýär.
- Tutuş ýurdumyzda bolşy ýaly, Lebap welaýatynyň ilatly nokatlary üçin hem tebigy gaz üpjünçiligi ýokary derejede alnyp barylýar. Müdirligimiziň işgärleri gaz üpjünçilik ulgamlarynyň bökdençsiz işlemegini üpjün etmekde yhlasly zähmet çekýärler we adatda daşary ýagdaýlaryň öňüni alýarlar – diýip, “Türkmengaz” döwlet konserniniň “Lebapgazüpjünçilik” müdirliginiň zähmeti goramak we ýol hereketiniň howpsuzlygy bölüminiň müdiri Ramazan Genjiýew belledi.
Şu maksat bilen çäreleriň giň toplumy geçirildi. Hususan-da, şäher we welaýat gaz hojalyk edaralarynyň hünärmenleri 378 sany gaz paýlaýjy beketlerde we 3273 gaz sazlaýjy nokatlarda barlag we gözegçilik işlerini geçirdiler. Ýüze çykarylan näsazlyklar ýerinde gysga wagtda we ýokary hilli düzedildi. Degişli çäreler ýerasty we ýerüsti gaz geçirijilerinden hem bellenilen meýilnama laýyklykda alnyp barylýar. Şol bir wagtda müdirligiň hünärmenleri öňdebaryjy tehniki serişdelerden hem netijeli peýdalanýarlar.
Tutuş ýurdumyzda bolşy ýaly, Lebap welaýatynda hem ýaşaýyş jaýlarynyň gurluşygy ýokary depginde alnyp barylýar. Şol bir wagtda täze ilatly nokatlary gaz bilen üpjün etmek işleri hem bökdençsiz alnyp barylýar. Tebigy gazdan peýdalanmagyň howpsuzlygyny üpjün etmek maksady bilen, bu öý hojalyklarynda gaz hojalygynyň ýerli edaralarynyň işgärleri tarapyndan gaz üpjünçilik ulgamynyň talabalaýyk işlemegi üçin yzygiderli gözegçilik edilýär.
Ilatyň we kärhanalaryň gaz howpsuzlygy üçin jogapkär hünärmenler bilen bilelikde ilatyň arasynda tebigy gazdan dogry peýdalanmak boýunça çäreler geçirilýär. Olarda tebigy gazdan rejeli peýdalanmak meselelerine aýratyn üns berilýär.
Yragyň wekiliýeti «Türkmengaz» DK bilen türkmen tebigy gazyny satyn almagyň mümkinçiliklerini maslahatlaşdy
Türkmenistanyň Nebitgaz toplumynyň Merkezi binasynda «Türkmengaz» döwlet konserniniň ýolbaşçylygy bilen Türkmenistana sapar bilen gelen Yrak Respublikasynyň arasynda gepleşikler geçirildi. Yragyň wekiliýetine Energetika ministriniň orunbasary Adil Karim Kak Ahmed we nebit ministriniň orunbasary Ezat Sabir Esmail ýolbaşçylyk etdi.
Türkmenistanyň ýangyç-energetika toplumynda ýedi aýda alnyp barlan işleriň netijelerine garaldy
27-nji awgustda Türkmenistanyň nebitgaz toplumynyň merkezi binasynda Arkadag Serdarly bagtyýar ýaşlar ýylynyň geçen ýedi aýynda ýerine ýetirilen işleriň jemlerine bagyşlanan hasabat ýygnagy geçirildi. Onda 25-nji awgustda hormatly Prezidentimiz Serdar Berdimuhamedowyň ýurdumyzyň ykdysadyýetiniň pudaklarynda alnyp barlan işleriň netijelerine bagyşlap sanly ulgam arkaly geçiren Türkmenistanyň Ministrler Kabinetiniň mejlisinde nebitgaz toplumynyň öňünde goýan wezipeleri ara alnyp maslahatlaşyldy hem-de bu ugurda işleri has-da ilerletmegiň anyk ýollary kesgitlenildi.
Türkmenistanyň Halk Maslahatynyň Başlygy we Palestinanyň daşary işler ministri özara bähbitli hyzmatdaşlygy ýola goýmagyň mümkinçiliklerini maslahatlaşdylar
Penşenbe güni türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow bilen Palestina Döwletiniň daşary işler we daşary ýurtlarda ýaşaýan palestinalylaryň işleri boýunça ministri Riýad al-Malikiniň arasynda geçirilen duşuşykda özara bähbitli türkmen-palestina ykdysady gatnaşyklaryny ýola goýmak üçin giň mümkinçilikleriň barlygy maslahatlaşyldy diýip, TDH habar berýär.
Ýanwar-iýul aýlarynda Türkmenistanda jemi içerki önümiň ösüşi 6,2% boldy
2023-nji ýylyň ýanwar-iýul aýlarynda Türkmenistanda jemi içerki önümiň ösüş depgini 6,2% boldy. Bu barada maglumat geçen anna güni sanly ulgam arkaly geçirilen Hökümet mejlisinde aýdyldy.
Türkmenistanyň we Malaýziýanyň DIM-niň wekilleri söwda, energetika we beýleki ugurlarda hyzmatdaşlyk meselelerini maslahatlaşdylar
Çarşenbe güni Türkmenistanyň Daşary işler ministrliginde Türkmen-Malaýziýa DIM-leriniň arasynda onlaýn görnüşde geňeşmeler geçirildi. Geňeşleriň dowamynda iki ýurduň diplomatlary syýasy-diplomatik, söwda-ykdysady, energetika we ynsanperwer ugurlarda köptaraplaýyn we ikitaraplaýyn hyzmatdaşlygyň köp meselelerini ara alyp maslahatlaşdylar diýip, Türkmenistanyň DIM-niň saýty habar berýär.