BOTAŞ kompaniýasy türkmen gazyny türk we dünýä bazaryna çykarmaga gyzyklanma bildirýär
14:15 02.02.2024 4958
BOTAŞ türk döwlet energetika kompaniýasynyň wekiliýeti türkmen gazyny Türkiýä ibermek meseleleri boýunça ýakynda Türkmenistanyň nebitgaz konsernleriniň wekilleri bilen duşuşyklary geçirdiler. Duşuşyklaryň barşynda Türkmenistan bilen Türkiýäniň arasynda ygtybarly gatnaşyklar bellenilip geçildi, şeýle hem iki ýurduň Liderleriniň syýasy erkine laýyklykda, türkmen gazyny Türkiýä ibermekde BOTAŞ kompaniýasynyň taýýarlygy nygtaldy diýlip, kompaniýanyň beýanatynda bellenilýär. Bu barada Daily Sabah neşiri habar berýär.
“2024-nji ýylyň 29-njy ýanwarynda BOTAŞ kompaniýasynyň ştab-kwartirasynda Türkmenistanyň Ankaradaky ilçisi Mekan Işangulyýewiň, şeýle hem “Türkmengaz” we “Türkmennebit” döwlet konsernleriniň wekilleriniň we BOTAŞ kompaniýasynyň baş direktorynyň orunbasary Mithat Aýdyňyň gatnaşmagynda duşuşyk geçirildi. Onda taraplaryň arasynda gysgamöhletleýin we uzakmöhletleýin hyzmatdaşlygyň mümkinçilikleri, şeýle hem türkmen gazyny Türkiýä ibermek meseleleri maslahatlaşyldy” diýlip, türk kompaniýasynyň saýtynda habar berilýär.
Şeýle hem habar berlişi ýaly, BOTAŞ kompaniýasynyň wekili we baş direktory Abdulwahit Fidan bilen türkmen wekiliýetiniň arasynda duşuşygyň geçirilendigi bellenilýär.
Türkmenistanyň wekiliýeti Seulda ýangyç-energetika, ulag we beýleki ulgamlarda hyzmatdaşlygyň geljegini maslahatlaşýar
Türkmenistanyň Ministrler Kabinetiniň Başlygynyň Orunbasary B.Annamämmedowyň ýolbaşçylygyndaky resmi wekiliýet Koreýa Respublikasynda iş saparynda bolýar. Bu barada Türkmenistanyň DIM-i habar berdi.
Türkmenistanda nebitiň çykarylyşyny artdyrmak boýunça çäreler durmuşa geçirilýär
Prezident Serdar Berdimuhamedow sanly ulgam arkaly Ministrler Kabinetiniň nobatdaky mejlisini geçirdi. Onda ýurdumyzy durmuş-ykdysady taýdan ösdürmegiň meselelerine we käbir resminamalaryň taslamalaryna garaldy.
Türkmenistan maý aýynda Hytaýa gaz ibermelerini artdyrdy
Şu ýylyň maý aýynda Türkmenistan Hytaýa 2,73 mlrd kub metr tebigy gaz eksport etdi. bu 2022-nji ýylyň degişli döwri bilen deňeşdirilende 5% artykdyr. Bu barada Interfaks HHR-iň Gümrük gullugyna salgylanyp habar berýär.
Seýdiniň NGIZ-de ýarym ýylda 227 müň tonna çig mal gaýtadan işlenildi
Seýdiniň nebiti gaýtadan işleýän zawodynda 2023-nji ýylyň başky alty aýynda 227,4 müň tonnadan gowrak çig mal gaýtadan işlenildi. Şol bir wagtda önümçilik meýilnamasy 105,6% ýerine ýetirildi.
Serdar Berdimuhamedow Türkmenistanda Merkezi Aziýanyň we Aýlag ýurtlarynyň maýa goýum forumyny geçirmegi teklip etdi
Prezident Serdar Berdimuhamedow Jidde şäherinde geçirilen «Merkezi Aziýa – Aýlagdaky arap döwletleriniň hyzmatdaşlyk geňeşi» görnüşindäki Sammitinde eden çykyşynda 2024-nji ýylda Türkmenistanda Merkezi Aziýanyň we Aýlag Hyzmatdaşlyk Geňeşiniň ýurtlarynyň Birinji maýa goýum forumyny geçirmegi teklip etdi diýip, TDH agentligi habar berýär.