“Balkangidrogeologiýa” ekspedisiýasy günbatar sebitde agyz suwunyň ätiýaçlyklaryny artdyrýar
04:31 09.02.2024 7901
“Türkmenistanyň ilatly nokatlaryny arassa agyz suwy bilen üpjün etmek boýunça Baş maksatnamasy” tapgyrlaýyn durmuşa geçirilýär. Bu maksatnamanyň üstünlikli durmuşa geçirilmegine “Türkmengeologiýa” döwlet korporasiýasynyň “Balkangidrogeologiýa” ekspedisiýasynyň zähmet toparlary düýpli goşant goşýarlar.
Korporasiýasynyň ugurdaş kärhanalarynyň geologlary uglewodorod çig malyna baý gorlaryň gözlegini amala aşyrýarlar, ýerasty suwlaryň çeşmeleriniň, peýdaly gazylyp alynýan magdanlaryň, gurluşyk harytlary üçin çig mal serişdeleriniň barlag we derňew işlerini geçirýärler.
2024-nji ýylyň 19-njy ýanwarynda geçirilen Ministrler Kabinetiniň mejlisinde Türkmenistanyň Prezidenti Serdar Berdimuhamedow ýerasty suwlaryň täze känleriniň netijeli gözleg işiniň möhüm ähmiýetini belledi.
Ekspedisiýanyň hünärmenler günbatar sebitiň çäklerinde jikme-jik gidrogeologiýa gözleg işlerini geçirýärler. 2023-nji ýylda kärhana 83 sany täze wertikal guýynyň buraw işlerini üstünlikli ýerine ýetirdiler. Geçirilen buraw işleriniň umumy çuňlugy 6 müň, 353 metre deň boldy. Bu görkeziji bellenilen meýilnamanyň 110 göterim ýerine ýetirilendigini aňladýar. Şol işlerden 5 müň 747 metr çuňlukdaky işler meýilnama boýunça, 606 metr bolsa potrat işleridir.
Ekspedisiýanyň hünärmenleri döwrebap tehnikalaryň kömegi bilen ýerasty suwlaryň gözleg we barlag işlerini, olaryň gorlaryny anyklamak, şeýle hem burawlanan dik guýularyň ulanylyşy boýunça işleri üstünlikli alyp barýarlar. Toparyň iş uguna şeýle hem Balkan welaýatynyň Gyzylarbat etrabynyň ýerasty suwlarynyň Jahanyr käniniň az duzly we arassa agyz suwunyň barlag işleri hem degişlidir.
Ekspedisiýanyň esasy iş ugry günbatar sebitiň ilatly nokatlarynyň agyz suwy bilen üpjünçiligini gowulandyrmaga, oba hojalyk ekinleriniň suwarylmagyny gowulandyrmaga gönükdirilendir.
Geçen ýylda Gyzylarbat etrabynyň “Jahanyr” ýerasty suw ýataklarynyň ätiýaçlyk gorlaryny bahalandyrmak boýunça geçirilen işleriň netijesinde ýerasty suwlaryň ätiýaçlyk gorlary her günde 3 müň 456 kub metr diýlip hasaplandy. Ol Türkmenistanyň Ministrler Kabinetiniň ýanyndaky Peýdaly gazylyp alynýan magdanlaryň komiteti tarapyndan tassyklanyldy.
Şeýlelikde, bu kände ýerasty suwlaryň ätiýaçlyk gorlarynyň artyş derejesi günde 1 müň 226 kub metre deň boldy. Bu ýerasty suwlar ilatyň durmuş-hojalyk zerurlyklary üçin netijeli peýdalanylýar.
Kärhananyň işiniň häzirki depgini şu ýyl üçin kabul edilen meýilnamanyň hem üstünlikli ýerine ýetiriljekdigine şaýatlyk edýär. Muňa ýanwar aýynda amala aşyrylan, umumy çuňlugy 420-ä derek 448 metr bolan maglumatlar hem şaýatlyk edýär.
Yragyň wekiliýeti «Türkmengaz» DK bilen türkmen tebigy gazyny satyn almagyň mümkinçiliklerini maslahatlaşdy
Türkmenistanyň Nebitgaz toplumynyň Merkezi binasynda «Türkmengaz» döwlet konserniniň ýolbaşçylygy bilen Türkmenistana sapar bilen gelen Yrak Respublikasynyň arasynda gepleşikler geçirildi. Yragyň wekiliýetine Energetika ministriniň orunbasary Adil Karim Kak Ahmed we nebit ministriniň orunbasary Ezat Sabir Esmail ýolbaşçylyk etdi.
Türkmenistanyň ýangyç-energetika toplumynda ýedi aýda alnyp barlan işleriň netijelerine garaldy
27-nji awgustda Türkmenistanyň nebitgaz toplumynyň merkezi binasynda Arkadag Serdarly bagtyýar ýaşlar ýylynyň geçen ýedi aýynda ýerine ýetirilen işleriň jemlerine bagyşlanan hasabat ýygnagy geçirildi. Onda 25-nji awgustda hormatly Prezidentimiz Serdar Berdimuhamedowyň ýurdumyzyň ykdysadyýetiniň pudaklarynda alnyp barlan işleriň netijelerine bagyşlap sanly ulgam arkaly geçiren Türkmenistanyň Ministrler Kabinetiniň mejlisinde nebitgaz toplumynyň öňünde goýan wezipeleri ara alnyp maslahatlaşyldy hem-de bu ugurda işleri has-da ilerletmegiň anyk ýollary kesgitlenildi.
Türkmenistanyň Halk Maslahatynyň Başlygy we Palestinanyň daşary işler ministri özara bähbitli hyzmatdaşlygy ýola goýmagyň mümkinçiliklerini maslahatlaşdylar
Penşenbe güni türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow bilen Palestina Döwletiniň daşary işler we daşary ýurtlarda ýaşaýan palestinalylaryň işleri boýunça ministri Riýad al-Malikiniň arasynda geçirilen duşuşykda özara bähbitli türkmen-palestina ykdysady gatnaşyklaryny ýola goýmak üçin giň mümkinçilikleriň barlygy maslahatlaşyldy diýip, TDH habar berýär.
Ýanwar-iýul aýlarynda Türkmenistanda jemi içerki önümiň ösüşi 6,2% boldy
2023-nji ýylyň ýanwar-iýul aýlarynda Türkmenistanda jemi içerki önümiň ösüş depgini 6,2% boldy. Bu barada maglumat geçen anna güni sanly ulgam arkaly geçirilen Hökümet mejlisinde aýdyldy.
Türkmenistanyň we Malaýziýanyň DIM-niň wekilleri söwda, energetika we beýleki ugurlarda hyzmatdaşlyk meselelerini maslahatlaşdylar
Çarşenbe güni Türkmenistanyň Daşary işler ministrliginde Türkmen-Malaýziýa DIM-leriniň arasynda onlaýn görnüşde geňeşmeler geçirildi. Geňeşleriň dowamynda iki ýurduň diplomatlary syýasy-diplomatik, söwda-ykdysady, energetika we ynsanperwer ugurlarda köptaraplaýyn we ikitaraplaýyn hyzmatdaşlygyň köp meselelerini ara alyp maslahatlaşdylar diýip, Türkmenistanyň DIM-niň saýty habar berýär.