Türkmenistan bütindünýä energetika howpsuzlygy pudagynda hyzmatdaşlyk boýunça Bileleşigiň döredilmegini teklip edýär
15:06 15.02.2024 4279
Türkmenistan gyzyklanýan ýurtlaryň hökümetlerine bütindünýä energetika howpsuzlygy we durnukly ösüş pudagynda hyzmatdaşlyk boýunça Bileleşik döretmegi teklip etdi. Bu barada Dubaýda bolup geçen Bütindünýä hökümet sammitinde Türkmenistanyň wise-premýeri we daşary işler ministri R.Meredow yglan etdi.
Ýurduň daşary işler ministri geçiş ykdysadyýetli ýurtlar babatynda durnukly ösüş üçin energetika durnuklylygynyň ileri tutulýan möhüm meseledigini belläp geçdi.
Türkmenistanyň daşary işler ministriniň aýtmagyna görä, şunuň bilen baglanyşyklylykda ýakyn geljekde dünýä derejesinde aşakdaky meseleleri çözmäge gönükdirilen tagallalary jemlemelidir:
– birinjiden, hökümetleriň, energiýa şereketleriniň we maliýe guramalarynyň arasynda hyzmatdaşlygyň täze halkara ýerligini döretmeli;
– ikinjiden, energiýa töwekgelçilikleri dolandyrmak boýunça öňdebaryjy tejribäniň alyş-çalşyny üpjün etmeli;
– üçünjiden, energiýa üpjünçiligindäki bütindünýä we sebitleýin bökdençlikleri çözmek üçin täsirli gurallary işläp düzmeli;
– dördünjiden, halkara ähmiýetli strategik energiýa infrastrukturasy taslamalaryna bilelikdäki maýa goýumlaryny höweslendirmeli;
– bäşinjiden, aç-açan we bäsdeşlige ukyply energiýa bazarlarynyň döredilmegine ýardam etmeli.
«Şu maksatlara ýetmek we wezipeleri ýerine ýetirmek maksady bilen, Türkmenistan gyzyklanýan ýurtlaryň hökümetlerine bütindünýä energetika howpsuzlygy we durnukly ösüş ugurlary boýunça bileleşik döretmegi teklip edýär» diýip, Daşary işler ministrliginiň başlygy aýtdy.
Şeýle hem R.Meredow şunuň ýaly bileleşigiň çäginde hyzmatdaşlygyň esasy ýörelgesiniň hemmeler üçin elýeterli, ygtybarly, dowamly we häzirki zaman energiýa çeşmelerine elýeterliligi üpjün etmek üçin maksatlaryň bölünmezliginiň we özara baglanyşyklylygynyň bolmalydygyny belledi.
Yragyň wekiliýeti «Türkmengaz» DK bilen türkmen tebigy gazyny satyn almagyň mümkinçiliklerini maslahatlaşdy
Türkmenistanyň Nebitgaz toplumynyň Merkezi binasynda «Türkmengaz» döwlet konserniniň ýolbaşçylygy bilen Türkmenistana sapar bilen gelen Yrak Respublikasynyň arasynda gepleşikler geçirildi. Yragyň wekiliýetine Energetika ministriniň orunbasary Adil Karim Kak Ahmed we nebit ministriniň orunbasary Ezat Sabir Esmail ýolbaşçylyk etdi.
Türkmenistanyň ýangyç-energetika toplumynda ýedi aýda alnyp barlan işleriň netijelerine garaldy
27-nji awgustda Türkmenistanyň nebitgaz toplumynyň merkezi binasynda Arkadag Serdarly bagtyýar ýaşlar ýylynyň geçen ýedi aýynda ýerine ýetirilen işleriň jemlerine bagyşlanan hasabat ýygnagy geçirildi. Onda 25-nji awgustda hormatly Prezidentimiz Serdar Berdimuhamedowyň ýurdumyzyň ykdysadyýetiniň pudaklarynda alnyp barlan işleriň netijelerine bagyşlap sanly ulgam arkaly geçiren Türkmenistanyň Ministrler Kabinetiniň mejlisinde nebitgaz toplumynyň öňünde goýan wezipeleri ara alnyp maslahatlaşyldy hem-de bu ugurda işleri has-da ilerletmegiň anyk ýollary kesgitlenildi.
Türkmenistanyň Halk Maslahatynyň Başlygy we Palestinanyň daşary işler ministri özara bähbitli hyzmatdaşlygy ýola goýmagyň mümkinçiliklerini maslahatlaşdylar
Penşenbe güni türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow bilen Palestina Döwletiniň daşary işler we daşary ýurtlarda ýaşaýan palestinalylaryň işleri boýunça ministri Riýad al-Malikiniň arasynda geçirilen duşuşykda özara bähbitli türkmen-palestina ykdysady gatnaşyklaryny ýola goýmak üçin giň mümkinçilikleriň barlygy maslahatlaşyldy diýip, TDH habar berýär.
Ýanwar-iýul aýlarynda Türkmenistanda jemi içerki önümiň ösüşi 6,2% boldy
2023-nji ýylyň ýanwar-iýul aýlarynda Türkmenistanda jemi içerki önümiň ösüş depgini 6,2% boldy. Bu barada maglumat geçen anna güni sanly ulgam arkaly geçirilen Hökümet mejlisinde aýdyldy.
Türkmenistanyň we Malaýziýanyň DIM-niň wekilleri söwda, energetika we beýleki ugurlarda hyzmatdaşlyk meselelerini maslahatlaşdylar
Çarşenbe güni Türkmenistanyň Daşary işler ministrliginde Türkmen-Malaýziýa DIM-leriniň arasynda onlaýn görnüşde geňeşmeler geçirildi. Geňeşleriň dowamynda iki ýurduň diplomatlary syýasy-diplomatik, söwda-ykdysady, energetika we ynsanperwer ugurlarda köptaraplaýyn we ikitaraplaýyn hyzmatdaşlygyň köp meselelerini ara alyp maslahatlaşdylar diýip, Türkmenistanyň DIM-niň saýty habar berýär.