Aşgabat — gözelligiň nusgasy (Ýaşlar guramasynyň bäsleşigine)
20:33 26.04.2021 7956
Berkarar döwletimiziň bagtyýarlyk döwründe hormatly Prezidentimiz Gurbanguly Berdimuhamedowyň tagallalary bilen Aziýanyň merjen şäheri hasaplanýan Aşgabat şäherimiz binagärlik-gurluşyk, medeniýet, ekologiýa abadançylygy, adamlaryň ýaşaýyş-durmuş şertleriniň kämilligi babatynda dünýä derejesinde düýpli özgertmelere eýe boldy. Asman bilen bäsleşýän belent, ajaýyp, dünýä ülňülerine laýyk gelýän ymaratlar baş şäherimiziň görküni has-da artdyryp, türkmen paýtagty ak mermerli binalaryň has köp jemlenen şäheri hökmünde Ginnesiň Bütindünýä rekordlar kitabynda mynasyp orny eýeledi.
Ak mermerli binalar toplumy türkmen halkynyň asyrlaryň jümmüşinden gözbaş alýan «ak zat alnyňa ýagşy» diýen pähiminiň beýanyna öwrülip, ýurdumyzyň dünýä ýüzündäki päk niýetlerden, hoşniýetli maksatlardan ugur alýan syýasatyny dabaralandyrýar. Gahryman Arkadagymyz şähergurluşyk-binagärlik maksatnamasynyň çäklerinde sanly tehnologiýalary işjeň ulanmak babatda öňdebaryjy dünýä tejribesini ulanmalydygyna aýratyn ünsi çekýär. Şonuň netijesinde başy gök direýän mermer binalarymyzda öňdebaryjy milli we daşary ýurt kompaniýalarynyň iň kämil tehnologiýalary işjeň ulanylýar.
«Türkmenistan — parahatçylygyň we ynanyşmagyň Watany» ýylynda mukaddes Garaşsyzlygymyzyň 30 ýyllyk, Aşgabadyň esaslandyrylmagynyň 140 ýyllyk baýramçylygy mynasybetli ulanmaga berilýän täze desgalar nusgalyk häsiýete eýe bolup, halkymyzyň göwün guşuny ganatlandyrýar. Şeýle giň gerimli şähergurluşyk-binagärlik maksatnamalarynda bu ugurda ýokary bilimli hünärmenler bolup ýetişjek talyp ýaşlaryň hem goşandynyň bolmagy örän buýsandyryjydyr.
Baş şäherimiz gözel künjekleri, suwçüwdürimli seýilgähleri, mermer binalary, täsin desgalary, ösen tehnologiýalara esaslanýan ýaşaýyş-jaý toplumlary bilen göreni haýran edýär. Gahryman Arkadagymyz: «Häzirki döwürde Aşgabat dünýäniň durnukly ösýän şäherleriniň birine öwrüldi. Aşgabady ösdürmegiň we abadanlaşdyrmagyň baş meýilnamasyna laýyklykda, geçen sanlyja ýyllarda paýtagtymyz biziň gözümiziň alnynda täsin hem-de owadan binalaryň hatary bilen öz çäklerini has-da giňeltdi. Şol belent ymaratlar baş şäherimiziň görküni has-da artdyrdy we türkmen paýtagty ak mermerli binalaryň has köp jemlenen şäheri hökmünde Ginnesiň rekordlar kitabyna girizildi» diýip belleýär. Berkararlygyň, bagtyýarlygyň, gülläp ösüşiň, döredijiligiň, döwletliligiň, aýdym-sazyň, rowaçlyklaryň, ak arzuwlaryň, ýagşy umytlaryň şäherine öwrülen gözel paýtagtymyz Aşgabat şäheriniň 140 ýyllyk toý dabarasy ýatdan çykmajak ajaýyp wakalara beslener, dünýä derejesinde beýik ykrarnama eýe bolar. Ýurdumyzyň her bir gününi ajaýyplyga, toý-baýramlara besleýän, ata Watanymyzyň ýüregi bolan Aşgabat şäherini nusgalyk derejede gülläp ösdürýän milli Liderimiziň jany sag, ömri uzak, tutumly işleri elmydama rowaç bolsun!
Mekan Gaýypow,
Türkmen döwlet binagärlik-gurluşyk institutynyň mugallymy.
In responsible work – alignment with the leaders
Among those who, being at the forefront in responsible work, is an example to follow, we would like to name a drilling foreman Nazar Jorayev and the specialists working under his supervision.
The Team of the Lebapgazçykaryş Directorate Confidently Solves the Tasks Set
The performance indicators of the Lebapgazçykaryş Directorate of the Türkmengaz State Concern for seven months of this year give reason to predict the completion of the year “The Era of the People with Arkadag” with successful results.
The TCOR Has Established Shipment and Delivery of Products without Losses
The Turkmenbashi complex of oil refineries of the Türkmennebit State Concern, which has advanced technologies and powerful production facilities, successfully copes with the production and sale of oil and petrochemical products that fully comply with high quality standards.
Natural Gas to a New Village
A gas pipeline line has been laid to the village of Kekreli, located on the outskirts of the Karakum expanses, in the Akgala gengeshlik, Halach etrap. Of course, at the present time, when most of the settlements of our country have already been supplied with gas, this news may not be one of the most topical ones. However, our goal is to share with our readers another fact of the concern of the state for the prosperous life of the Turkmen people.
Geophysicists Exceed Production Plans
In the year of celebration of the 31st anniversary of the independence of our country, proclaimed as “The Era of the People with Arkadag”, the work of the Türkmennebitgeofizika Directorate of the Türkmennebit State Concern is marked by new achievements.