Türkmenistanyň ýolbaşçy düzümi 1-nji awgustdan 1-nji sentýabra çenli dynç alşa çykar. Bu barada Türkmenistanyň Prezidenti Serdar Berdimuhamedow şu ýylyň birinji ýarymynda ýurdumyzyň durmuş-ykdysady ösüşiniň netijelerine bagyşlap geçen anna güni geçiren giňişleýin Hökümet mejlisinde karar kabul etdi.
Döwlet Baştutany ýolbaşçylaryň Awazada, Arçmanda we Ýylysuwda ýa-da ýurdumyzyň beýleki şypahanalarynda dynç alyp biljekdiklerini belledi.
Şol bir wagtda Prezident oba hojalyk toplumyna ýolbaşçylyk edýän wise-premýeriň hem-de oba hojalyk toplumynyň ýolbaşçylarynyň pagta ýygymy tamamlanandan soň dynç alyp biljekdiklerini belledi.
