Ýurdumyzyň nebitgaz toplumynyň ykdysady garaşsyzlygymyzy berkitmegiň, halkyň ýaşaýyş derejesini ýokarlandyrmagyň, kuwwatly, köpugurly önümçilik pudaklaryny döretmegiň esasy binýady bolup durýar. Bu barada Prezident Gurbanguly Berdimuhamedow 1-nji sentýabrda Maslahat köşgünde Bilimler we talyp ýaşlar güni hem-de täze okuw ýylynyň başlanmagy mynasybetli geçiren umumy okuw sapagynda belledi.

Dünýädäki häzirki epidemiologiki ýagdaý bilen baglanyşykly möwsümleýin wirus ýokançlygynyň öňüni almak maksady bilen, Türkmenistanyň Zähmet we ilaty durmuş taýdna goramak ministrligi ýurduň ähli guramalaryna, eýeçilik görnüşine garamazdan ähli edaralaryna wagtlaýynça işgärleriň çeýe iş wagty geçmegi maslahat berýär.

Türkmen wekiliýeti sişenbe güni «Serhetabat-Turgundy» gözegçilik-göýberiş nokadynda Owganystanyň Hyrat welaýatynyň ygtyýarly wekilleri bilen duşuşyk geçirildi. «Serhetabat-Turgundy» GGN-nyň işiniň güýçlendirilmegi, hususan-da ondan geçirilýän ýükleriň göwrüminiň artdyrylmagy, şeýle-de zerur bolan lukmançylyk enjamlarynyň üpjün edilmeginde degişli hemaýatlaryň berilmegi ara alyp maslahatlaşmalaryň aýratyn ugry boldy diýip, Türkmenistanyň daşary syýasat edarasynyň saýty habar berýär.

«Türkmennebit» döwlet konserniniň «Nebitgazçykaryş» trestiniň işgärleri guýulary düýpli abatlamak hem-de olary ulanyşa girizmek netijesinde nebitiň we gazyň çykarylyşyny artdyrmaga düýpli goşant goşdular. Bu işleriň netijesinde 2021-nji ýylyň ýedi aýynda konsern boýunça goşmaça çykarylan nebitiň möçberi meýilleşdirilen 96 müň 585 tonna derek120 müň tonna barabar boldy.

Geçen hepdede Türkmenistanyň Döwlet haryt-çig mal biržasynyň söwdalarynda geleşikleriň 12-si hasaba alyndy.

«Türkmengaz» döwlet konserni Daniýanyň «Haldor Topsoe» kompaniýasy bilen Türkmenistanda tebigy gazy gaýtadan işläp, ammiak we metanol önümçiligi boýunça kiçi göwrümli gazhimiýa zawodyny gurmak boýunça gepleşikler geçirýär. Bu barada Ministrler Kabinetiniň Başlygynyň orunbasary Ş.Abdrahmanow geçen anna güni Hökümet mejlisinde döwlet Baştutanyna hasabat berdi.

Owganystandaky ýagdaý we sebitde parahatçylygy we durnuklylygy saklap galmak maksady bilen sebit özara hyzmatdaşlygyny işjeňleşdirmek boýunça mundan beýläkki hereketler penşenbe güni Türkmenistanyň Prezidenti Gurbanguly Berdimuhamedowyň Pakistanyň daşary işler ministri Şah Mahmud Kureşi bilen duşuşygynda maslahatlaşyldy. Pakistanyň DIM-niň ýolbaşçysy sapar bilen Türkmenistana geldi diýip, ýurdumyzyň daşary syýasat edarasynyň saýty habar berýär.

Türkmenistan-Owganystan-Päkistan-Hindistan (TOPH) gaz geçirijisiniň taslamasy tutuş sebite peýda getirer we bu taslama tamamlanandan soň Owganystanyň gaznasyna diňe üstaşyr töleglerden 1 milliard ABŞ dollar geler, bu barada Pakistanyň Daşary işler ministri Şah Mahmud Kureşi penşenbe güni aýtdy diýip, Pakistan neşiri Daily Times belleýär.

Türkmenistan häzirki hereket edýän şertnamalaryna laýyklykda goňşy Owganystana elektrik energiýasynyň üpjünçiligini dowam edýär diýip, Türkmenistanyň DIM-niň saýty habar berýär.

Türkmenistan türkmen-owgan serhedindäki gözegçilik-göýberiş nokatlarynyň bökdençsiz işini üpjün etmegi dowam edýär. Bu barada Türkmenistanyň DIM-niň saýty habar berýär.

Türkmenbaşydaky‌ ‌Nebiti‌ ‌gaýtadan‌ ‌işleýän‌ ‌zawodlar‌ ‌toplumy‌ ‌içerki‌ bazarlarda‌ ‌bolşy‌ ‌ýaly,‌ ‌daşarky‌ ‌bazarlarda‌ ‌hem‌ ‌uly‌ ‌islegden‌ ‌peýdalanýan‌ ‌polipropileniň‌ ‌önümçiligini‌ ‌yzygiderli‌ ‌artdyrýar.‌ ‌

Birinji ýarymýyllykda Gruziýa 669,2 mln litr benzin we dizel ýangyjyny import etdi. Ýangyjyň aglaba bölegi hasabat döwründe Rumyniýadan – 23,77%, Türkmenistandan – 23,75% we Russiýadan – 21,1% import edildi.

Geljekde Hytaýa iberilýän tebigy gazyň mukdary 100 milliard kub metre ýetiriler. Bu barada Prezident Gurbanguly Berdimuhamedow duşenbe güni «Galkynyş» gaz käninde täze guýulary burawlamak işine badalga bermäge geçirilen dabaranyň barşynda belledi.

«Galkynyş» gaz käninde üç guýynyň gurluşygyna badalga berilmegi energetika ulgamynda döwletara türkmen-hytaý hyzmatdaşlygyny pugtalandyrmagyň ýolunda täze ädimi alamatlandyrýar. Bu barada HHR-niň Türkmenistandaky ilçisi Sýan Naýçen Mary welaýatynda täze taslamany iş girizmek dabarasynda belledi.

«Galkynyş» käninde gurluşyk işleri geçirilende häzirki zaman ylmy-tehniki esaslandyrmalar hem-de usullar ulanylar, guýulary burawlamak işleri bolsa iň ýokary hilinde ýerine ýetiriler. Bu barada Hytaýyň milli nebitgaz korporasiýasynyň (“CNPC”) Türkmenistandaky “International Ltd.” şahamçasynyň baş direktory Çen Huaýlun iri “Galkynyş” gaz käninde üç sany täze guýyny burawlamak işine badalga bermek dabarasynda belledi.