Güýzki bag ekmek möwsümine badalga berildi
11:09 10.11.2020 4433
Geçen şenbede Garaşsyz we hemişelik Bitarap ýurdumyzyň ähli künjeklerinde güýzki bag ekmek möwsümine badalga berildi. Ahal welaýatynda guramaçylykly geçirilen köpçülikleýin bag ekmek dabarasyna hormatly Prezidentimiz gatnaşdy.
Hemişelik Bitaraplygymyzyň şanly XXV ýyllygy mynasybetli dürli dabaralaryň dowam edýän günlerinde Diýarymyzda bag ekmek möwsüminiň badalga almagy baýramçylyk toý şatlygynyň täsirini artdyrdy we oňa täze öwüşgin çaýdy.
Ýurdumyzy bagy-bossanlyga öwürmek, tebigy gurşawyň arassalygyny, amatlylygyny üpjün etmek, abadançylygyny, sagdynlygyny pugtalandyrmak maksady bilen badalga berlen köpçülikleýin bag ekmek dabarasyna ýurdumyzyň nebitgaz toplumynyň ähli pudaklarynyň, önümçilikleriniň işgärleri agzybirlik bilen gatnaşyp, önjeýli goşant goşdy. Olar säher bilen baýramçylyk ruhuna beslenip Aşgabat şäherindäki we welaýatlarymyzdaky özlerine berkidilen tokaý zolaklarynda güýzki bag ekmek möwsümine gatnaşyp müňlerçe düýp saýaly, gyrymsy, miweli nahallary ekdiler we tokaýa öwrülip barýan giň meýdanlardaky öň ekilen baglaryň düýbüni ýumşadyp, hapa-haşal otlardan arassalap, olary suwaryp idegini ýetirdiler. Nebitgaz toplumyndan bag ekmek dabarasyna 19 müň 300-den gowrak adam gatnaşyp, 120 müň düýp bag nahallary oturdyldy we öň bar bolanlarynyň 135 müň düýbüne ideg edildi.
Bu wajyp dabara nebitgaz toplumynyň Aşgabat şäherindäki edara-kärhanalarynyň işgärleri hem bir adam ýaly bolup, agzybirlik bilen gatnaşdy. Olar «Türkmengaz» döwlet konserniniň «Nebitgazhyzmat» müdirliginiň Tokaý hojalygynyň tokaý meýdançalarynda degişli işleri geçirip, toplumyň Ahal welaýatynyň çäklerindäki tokaý zolaklarynda ekiş we ideg işlerini alyp bardylar.
Biz bag ekmek dabarasynda guramaçy tarapdan «Nebitgazhyzmat» müdirliginiň esasy hünärmeni Jepbar Annaşow bilen söhbetdeş bolanymyzda ol şeýle gürrüň berdi:
— Şu ýylyň altyn güýzündäki bag ekmek möwsüminiň geriminiň has giňdigini belläsim gelýär. Ýurdumyzyň hemişelik Bitaraplyk hukuk ýagdaýynyň şanly XXV ýyllyk şöhratly senesi mynasybetli Aşgabat şäherinde we welaýatlarymyzda jemi 25 million düýp bag nahallary ekiler. Munuň özi geçen ýyllaryňkydan örän köpdür. Şanly senäni gözellik bilen dabaralandyrmagyň aňyrsynda uly many bar. Baky Bitaraplygyň abadançylygyň açary bolşy ýaly, tebigatyň baglar bilen baýlaşdyrylmagy hem abadan we gözel durmuşy üpjün edýär. Bag ekmek işlerine döwlet derejesinde ähmiýet berip, ynsan saglygy we rahatlygy ugrunda uly tagalla edýän hormatly Prezidentimiziň başynyň mydama dik bolmagyny arzuw edýäris.
Türkmenistanyň Prezidenti wezipesine dalaşgärleri hödürlemek we bellige almak dowam edýär
Geçen şenbe güni Türkmenistanda Saýlawlary we sala salşyklary geçirmek boýunça merkezi toparyň ýolbaşçysynyň hem-de agzalarynyň, köpçülikleýin habar beriş serişdeleriniň wekilleriniň gatnaşmagynda toparyň nobatdaky mejlisinde Türkmenistanyň Prezidenti wezipesine raýatlaryň teklipçi toparlary tarapyndan hödürlenen dalaşgärleri bellige almak meselesi girizildi.
“Türkmengaz” we “Türkmennebit” döwlet konsernleri Malaýziýanyň we BAE-niň kompaniýalary bilen täze hyzmatdşalyk şertnamalaryny baglaşdy
Prezident Serdar Berdimuhamedow “Türkmengaz” döwlet konsernine we “Türkmennebit” döwlet konsernine Malaýziýanyň “PETRONAS Çarigali (Türkmenistan) Sdn Bhd” hem-de Birleşen Arap Emirlikleriniň “ADNOC Türkmenistan RSC Limited” kompaniýalary bilen şertnamalary baglaşmaga ygtyýar berýän resminama gol çekdi.
Türkmenistan Kazanda «Russia Halal Expo 2025» Halkara sergisinde Milli pawilýonyny hödürledi
Tatarstan Respublikasynyň paýtagtynda «Russia Halal Expo 2025» Halkara sergisi geçirilýär. Sergä Türkmenistan Milli pawilýony gatnaşýar diýip, TDH habar berýär.
Türkmenistanyň Prezidenti Petronas we ADNOC kompaniýalarynyň ýolbaşçylary bilen nebitgaz ulgamynda hyzmatdaşlygyň geljegini maslahatlaşdy
14-nji maýda Türkmenistanyň Prezident Serdar Berdimuhamedow Malaýziýanyň “PETRONAS” we Birleşen Arap Emirlikleriniň ADNOC kompaniýalarynyň ýolbaşçylary bilen duşuşyklary geçirdi.
Nebitgazçy türgenleriň üstünligi
2024-nji «Pähim-paýhas ummany Magtymguly Pyragy» ýylynda «Türkmennebit» döwlet konserniniň TNGIZT-niň Medeni-sport toplumynyň erkin göreş boýunça türgenleri, Türkmenistanyň erkin göreş boýunça ýygyndy toparynyň baş tälimçisi Afis Weliýewiň taýýarlamagynda, iýul aýynyň 5 — 7-si aralygynda Gazagystan Respublikasynyň Aktau şäherinde birnäçe döwletiň gatnaşmagynda «Kaýrat Buhanow» ýadygärligine bagyşlanyp geçirilen erkin göreş boýunça ýaryşa gatnaşdylar.